|
رد: رشيديات ( شعـر )
اشكرك اخي ماجد - جزيل الشكر
|
رد: رشيديات ( شعـر )
.
إن كان في الدنيا غلا نادر وجود فأنا أشهد إنّه بين قلبك وبيني يوم الوفاء عابق مواصيل وعهود راحت مثل عطرٍ تلاشى بيديني يا منوّر أيامٍ قبل طلّتك سود معك أشرقت شمس الهناء في جبيني علّمتني معنى العطاء اللي بلا حدود وسبقت بأحلام الهوى لك سنيني كنت أدري إني في مودّتك محسود واتيه في حبّك على حاسديني وفجأة غدا موجود دنياي مفقود وأنا غديت لذكرياته رهيني صرت السجين بدون قضبان وقيود ليلي سهاد ووجه يومي حزيني ياما عزمت أنساك واشتقت لك زود يرسم خيالك في خيالي حنيني ما بعت ذكرى وصلك العذب بصدود مهما نويت أشري الذي يشتريني..! .......... عبدالعزيز سعود المتعب . |
رد: رشيديات ( شعـر )
تعبت قلوبنا والشوق رمّد
وصحوة الجدب تلعب بالحنايا واغبر الوقت باحلامه تعمّد يدفن احلامنا غبرٍ عرايا اشعل الصمت بشفانا وجمد كل حرفٍ تغازله المرايا غيمة العشق عدت يا محمّد مالها في ملامحنا زوايا . للشاعر (عبدالله عطية الحارثي) . |
رد: رشيديات ( شعـر )
متخالفات الدروب وطبعنا قاسي وركاب همي على الخطوة تزاحمني شربت برد الظلام ولوّع احساسي حضنت شوك المسافة لين حطمني أهديت للخطوة المجنونة أنفاسي صحيت شيخ الجروح وقام يرسمني ... .. . للشاعر (عبدالله عطية الحارثي) . |
رد: رشيديات ( شعـر )
للشاعر عارف سرور :
يعني افترقنا ! ما تجي عنّك أخبار !؟ ودِّي أعرف بغيبتي وش تسوين ؟ ودي أعرف لضحكة القلب وش صار ؟ وشلون لمّا للسوالف تحنّين للحين ضحكاتك نواوير وأزهار ؟ للحين بسماتك بها برد تشرين للحينها عيونك بها برق وأمطار ؟ بعدك الا منه طر البعد تبكين للحينها تجري تحت كفّك أنهار ؟ ( وللحين وسط المحفظة صورة الشين ) ؟ |
رد: رشيديات ( شعـر )
اقتباس:
صح لسان شاعرها ولا هنت رشيد للانتقاء الراقي شكرا لك تحيتي وتقديري |
رد: رشيديات ( شعـر )
.
تسمح اقلك مشاعر كنت كاتمها ! كنت اخجل اقولها ما ودي إقلاقك مشاعرن فاضت وقلبي يترجمها للهاجس اللي نثرها داخل اوراقك مشاعر الشوق فاضت كان تفهمها (مشتاق لك ) و(المشاعر دوم تشتاقك) أهيم بك عشق بطيوفك وانا ارسمها وش لون لامرني زولك وبراقك والدمعة اللي على عيونك معالمها اشعر بها قبل لا تنزل من احداقك وفيض الغلا الي مع عروقي يوسّمها ادري به انه يفيض بوسط خفاقك والروح تدري وش اللي دوم يألمها اني حقيقه ترى ما قدر على افراقك ... عبدالعزيز صالح العوض 0 |
رد: رشيديات ( شعـر )
أسرع من البرق -=-=-=-=-=- خالد المريخي . .. يا طول بالي يا حبيبي يا طوله أثر المحبة تحرق أهل الهوى حرق . عزالله إني ما أطيح بسهوله لكن معاك الطيحة أسرع من البرق . رمشك لعب فيني بنظرة خجوله وشلون لو تتجرأ عيونك الزرق . قلبي ونلته ما أحسب أحد ينوله أنا.. وأنا راعيه جايز لي السرق . شفت العنا وياك على أصوله وعرفت أنا هالحين وش نوحة الورق . تبي تعرف شسويت تنشد وشهوله شف حالتي عقبك وبتلاحظ الفرق . سويت فيني شي لا.. من يقوله موضوع عادي.. بس صليت بي شرق .. . |
رد: رشيديات ( شعـر )
هذه الأحاسيس والقوافي للشاعر سعد بن جدلان:
.. . أنا وين أبلقى يالاجاويد فاعل خير حريصٍ على سرّ المحبين لارسلته أناّ لوّ أبصبر عام مابان بي تأثير وهالحين حتّى الصبر يومين ما أحتلته أنا مثل صقارٍ تولّع بحبّ الطير ولف قلبه فروخ الصورايم وهبلته تولعّت في فرخٍ قضيبٍ يتلّ السير ابيّ نظرتٍ من لفتة الحرّ وسبلته صغيرٍ بسنّه غير عندي ماهو بصغير يا مغلاه في قلبي .. ويا كبر منزلته أجمع له سمان الهرج خوفٍ من التقصير والى جيت ابشرح له كلامي تهيزلته يجيني منّه هيبه.. معزه.. سحى.. تقدير اقابله عندي علم .. وأروح ماقلته . |
رد: رشيديات ( شعـر )
صح السانهم ولا هنت رشيد لجمال ما طرحت كل القصائد جميلة جدا جدا تحيتي وتقديري |
| الساعة الآن 09:14 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
