البارحه ماطاب للعين مرقاد=والسهر عاند للمنام وتحدا
كني من اللوعه على جمر وقاد=والهم ماله عن حشايه ملدا
اخذت اراعي خاطري حيد وحياد=لانن نور الصبح فالكون بدا
ياوقت باح الصبر وشهو بقى عاد=والي كتب لي مايجي له مردا
غير اشهر بصوتي على روس الاشهاد=وانخى وجيهن بالشهامه تندا
الي لهم في منبر المجد مقعاد=على الوفاء والطيب والجود جدا
ورث ٍ لهم صانونه من عهد الاجداد=طيب ٍ على وضح النقى مستمدا
ربعي عتيبه فعلها حي ماباد=سطر لها التاريخ فعل ٍ يعدا
أهل الفخر والطيب في كل ميعاد=وعلى المعادي فاللاوازم تضدا
ان جا نهار الحرب بالشر منقاد=سقم المعادي كان للحد عدى
برقا وروق ان جات الايام بجهاد=عون ٍ لحال ٍ من جهدها تردا

ياقمر تبغى الحقيقه ياقمر=خافقي عن حب غيرك ماسلا
ايه احبك يابعد كل العمر=وأرحم الي في ودادك مبتلا
في غيابك كن في صدري جمر=وفي وصالك كل همي ينجلا

اما تراعـي خاطـر القلـب والا=تجنبـه لاتجـرحـه ياغـلايـه
دام الهوى ياناعس الطـرف والا=عسى الرجاء في مابقى من غلايه