البارحه كنّـي شريـده ربعـي=آخر ولد برقا وجمـع الروقـه
صدّر علي الوقت حكمن شرعي=ميّت وتحت القاع ... وانا فوقه
ومن لام عيني يوم هلّت دمعـي=عساه فالدنيـا تضيـع حقوقـه
وحيـد وبليـا عضيـد وينعـي=وسود الليالي ماتخيـط فتوقـه
عليك يالي يوم جيتـك مدعـي=دعيتني والعهد رحـت تبوقـه
وانـا وليفـك ماتغيـر طبعـي=ورب الخيال الي تلوح بروقـه
انك مثل شوف العيون وسمعي=واغلا من العشّـاق يامعشوقـه

ياصاحبي دوك كبـدي زد مكاويهـا =مابي ليا ارضاك جرحي ذرة احساسي
نفسي ولاعـاد عنـدي دبـرة ٍفيهـا =واللي يجي منك من عيني على راسي
رخصت لك مهجـة ٍلـولاك مغليهـا=وحطيت لك منزل ٍماهـوب للناسـي
بلاي يوم اكحل ابك العين واعميهـا=مواحجع ٍمنتها قلـبـك القـاسـي
أي والـذي يعـلـم الدنيا ومافيـهـا =أن الك فالقلب حـب ٍمالـه أقياسـي

من غيرَ قلبيَ , ليتْ ليَ قَلب ثآنيَ.............. قَلب لكْ أنت .. وقَلب أجامل بَه النآس
له فقط

اهداء الي الماااسه
حبييبه قلبي

اتحصـن ميـر ماعنـدي منـاعـه=يستر الله مـن دواي ومـن طبيبـي
خاطري مشحون من كثـر إلتياعـه=يجحد العلـه وأنـا جرحـي عطيبـي
منكسر مـا بيـن حبسـه وإندفاعـه=و واقف بيـن المنـادي والمجيبـي
وأنت يا اللي بينـي وبينـك طماعـه=لا تسلمنـي ظنونـي وأتغـدي بـي
فرد جروحـي ليـا جاتـك جماعـه=ولا تخليهـا تجمـع ليـن أطيبـي ؟
لا تجاملنـي وحبـك عـن قنـاعـه=ما غصبتـك بالمحبـه تنتحـي بـي
فيك روعه للغرام .. ومنـك راعـه=وأصدق العشاق مقطوع النصيبـي !
سم وأسلم وأبشر وسمـع وطاعـه=ضارب سمعي على صوتك صليبـي
راح قلبي مثل أخوك مـن الرضاعـه=ورحـت عنـي لا بعيـد ولا قريبـي
ما لحقني شك غيـر مـن القطاعـه=يا الله أقطع ف الهوى شكي وريبـي
لا تقول الحـب يبغـا لـه شجاعـه=وأنت يا طيبك .. وأنا يا طيب طيبي !
حافـظ تاريـخ ميـلادك وداعــه=والزمان يدور والعمـر يعـدي بـي
كل عـام وكـل يـوم وكـل ساعـه=وأنت طيـب ومتعافـي يـا حبيبـي
وألا أنا عمري يخلـف الله ضياعـه=كل ما عيد شبابـي .. عـاد شيبـي
سيـدي كـل بطبعـه وإنطبـاعـه=كان ما طريت جيبـك طـر جيبـي ؟
وأعتبرني شاعر وراعـي بضاعـه=يابس عرقي على الغصن الرطيبـي
وأن سمعت اللي يطيب إلك إستماعـه=قول صـح لسـان سـداح العتيبـي