الملتقى الجماهيري للشاعر محمد بن فطيس المري - ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

تعبت وضاق بالي والليالي ماقضـت لـي نـوب"
"ليـا حسّبتهـا دار الزمـان ولخبـط حسـابـي

وانا ماشره على وقت ٍ خدع ناس ٍ بـدون قلـوب"
"على نبض القوافـي لومـي وشكـواي وعتابـي

من اول كنت اقول عن المحبه مستحيـل اتـوب"
"اثـر كثـر الغـلا والشـوق للعشـاق غلابـي

من اوهام الصبـا رديـت لاغالـب ولامغلـوب"
"والاحـلام القديمـه دونهـا صكيـت الابوابـي

زمان ٍ فات يادنيا الحبايب كـان الـي محبـوب"
"جرحنـي بالغـرام وفاتنـي والشـوق ماطابـي

هويت ولادريت ان الهوى كلـه أسـى وذنـوب"
"على رغبـة مقاديـر الزمـن نوّخـت بركابـي

تحملت الكثير وشابـت احلامـي وانـا يـادوب"
"دخلت لعالم العشـاق مـن نظـرات الاعجابـي

يقولون العرب راع الهوى من راحتـه مسلـوب"
"يعيش العمر كلـه فـي شقـا لعيـون الاحبابـي

وانا مدري وش اللـي جابنـي للعالـم المنكـوب"
"انا مال ومال اهـل الهـوى عوجـان الارقابـي

رمت بي دنيتي مـع عالـم ٍ يمشـون بالمقلـوب"
"تشيـب احلامهـم وايامهـم والوقـت ماشابـي

يسوقون العمر سوق المطيـه لـو بـدون دروب"
"ويشـرون المحبـه والهـوى مفتـاح الاسبابـي

وانا ماااني على طرب الغواني والهوى مغصوب"
"وقلبي مـن صواديـف الليالـي والهـوى ذابـي

اقوله والغلاااا شي ٍ مـن الله والهـوى مكتـوب"
"وانا من نااعسات الطرف الاكحل ْ طحت منصابي

ذبحنـي بالمـوده والتغلـي جاااهـل ٍ رعبـوب"
"ماغير اقصد واهيجن باسمهاااا في كـل مرقابـي

هنوف ٍ كل ماذكرها خفوقي في حشـاي ايـذوب"
"لهااااا كل المـوده والغـلا مـن دون الاقرابـي

عطاها الله جمال الكـون مافيهـا ولاعـذرووب"
"ولاشافت عيوني مثلهـا مـن تزهـى الاسلابـي

حلااااها منتثر من مفـرق الهامـه لياالعرقـوب"
"خذت زين الوصايف وهبة ٍ مـن رب الاربابـي

امانه سلمي لي يانسانيـس الهـوى مطلـوووب"
"على نجل العيـون الناعسـات وسـود الاهدابـي

وخصر ٍ هايف ٍ من ضيق وسطه مايظيم الثـوب"
"وردف ٍ تشتكي من ثقلـه اقـدام الغضـي نابـي

وردّي خالص اشواق الخفوق الهايـم المعطـوب"
"على تالي بقايا عشـق وقـت ٍ صاحبـه تابـي

ليا مريتـي اطـلال الحبايـب دونـي مكتـوب"
"على صفحة غـرامٍ ٍ بـاول الصفحـات بكتابـي

على عصر ٍ مضى كن الغضي في داخلي مشبوب"
"ليـا حنيـت لايـام الغـرام وضقـت بغيابـي

توارد قلبي سهوم الهوى من كل حـدب وصـوب"
"وانا ادري بالهوى مكتوب مالـي عنـه مجنابـي

ليا طابت جروح القلب كـدر همـي المشـروب"
"وضاقت بي متاهات الـدروب وضقـت بثيابـي

صويبين الهوى دايم مزاياهـم تصيـر عيـوب"
"يشيلـون الـدوا والـدا ولايلقـون الاطبـابـي

تدور بهـم مقاديـر الليالـي والعمـر محسـوب"
"يعيشـون الحيـاه اغـراب ويخلونهااغـرابـي

ورغم اللي يجيهم من مآسـي شربـو الملعـوب"
"يشوفون الوجـع بالحـب ويعوجـون الارقابـي