أن كنت تنشد يارفيقي فآنا حي=اقضي معآ سود الليآلي حيآتي
أمشي وأدور في حياتي عن الضي=وأدعي عساها تنفرج في صلاتي
محدن نشد عن خآطري صايبه شي=ويمكن أموت ومادروا عن وفاتي

يَاعظيمة لابتدا ليل الجنُون=[ فتنتك ] "يَافَاتنَة" بآذوقها
أيه بغفآ فوق صدرك يَاحنون=والشفايَا بحتضن منطوقها

مآبين صدك وترحآلك وتلويعـك=ضآقت عليَّ الحلول وشانت اخلاقي
ماهو ضروري توآجهني بتوديعـك=أخآف من دمع عيني تكشف اوراقي

لا يَاولي العرش والي التدابير=ياخالق العالم ومحصي عددها
يارزاق الآحيآ ,, ويامطعم الطير=أرفق بروحٍ كلّ فيها جهدها
لا الحال معجبني ولا الخاطر بخير=ولا العين ذاقت نومها ياسهدها
أسهر وليلي ضيق بال وتفاكير=والشمس مدت لي من النور يدها
أسكت وأطالع فالسمآ والعصافير=لآ وآهني اللي حظوظه وجدها
من دون لاضيعة ولا ادنا مخاسير=يلقى العوض في كل حاجة فقدها
دمعة بعيني من سوات المقآدير=دمعة عجوزٍ عِزِيَت في ولدها
يارب يارب البشَر والتدآبير=عطفك بروحٍ ماتداني جسدهآ

بنآم يمكن لآغفت عيني ونمت=ترتاح عيني من صوآديف الأيآم
وان شفتني في عز نومي تبسمت=فاعرف ترا طيفك لفاني فالاحلام
ياللي تعاف البوح وتقدر الصمت=خليتني بين الحقايق والآوهآم
شبيت ضوّك في حناياي واضرمت=نارٍ تصحي مجمل القلب لانام
حلفت بانك خالص الحب واجزمت=بانك خلاصة ماكسبته من اعوام
يامعذبي والصبح يفرح ليآ قمت=ينفض غبار المعمعة والتجهّآم
يعني : يموت من الفرح لاتكلمت=وتمطر سحآبة كلها شوق وهيآم

لاسولفو ربعي توحيت بركود=وأسرعت ابخفي عبرتي مامداني
ياللي تسولف عن غلا شي مفقود=أبيك في كلمة تفضل وزاني
من وين ماسجيت انا الدرب مسدود=ومن وين ماروّقت حزني حداني
لامن تخيلت الوهم جيش وجنود=وافكآر راسي كل يوم تغشاني
أتخيل أن العود بآقي وموجود=وأتخيل أنه كل ماضقت جآني
وأثر الهواجس كلها دبلة كبود=والله حسيب الهاجس اللي رماني
ياسعود واللي يدبل الكبد ياسعود=فرقآ تحطم هيبتي مع كياني
هذا وانا صدري من الوقت جلمود=ماقد كواني مثل ماهو كواني
حزني وفاة العود والعلم مردود=ياللي نشدتوا كيف حزني لفاني

ذكريآت الأمس تغري بالحضور=وانتي أجمل ماسكن بالذاكره
قدمي لي كرت [ مسموح العبور ]=شاعرك مكسور والله خاطره

شفت لي بنتٍ ورجالٍ كفيف=ماقدرت أوصف عذابي واقهره
الجروح اللي غدت به والنزيف=من سبايب عشقها اللي دمره
قلت ابسأل يالهواوي يالعفيف=والجواب أبغاه عند المقدره
هو صحيح ان الهوى سم الضعيف=مورد العشاق عكس لمصدره
قال لي مسكين ..! توك ياخفيف=الهوى سم .. وعذاب .. ومرمره
لاتحسب أن المحبة بس : كيف=والزمان اللي قدر لك تقدره
قلت شكراً : يالهواوي يالعفيف="الهوى" فيني وعطني دفتره
أسكن بعيني يالآشقر يالرهيف=وان عصاك القلب تقدر تأمره
لك غلا قلبي معزب وأنت ضيف=والمسآ ملكك .. وكيفك تسهره

ياجعل غيم السمَا لاحنّت رعوده=يبعث دوَآعي الأمل ويجدد آمالي
يفك ماحط بي ذا الوقت وقيوده=وأشوف وجه السعد لاقام يبرالي

أبي لامن لفا الليل وهدينا=وكل منا به الأشواق ما به
نشب الليل من جمر المحبه=مادام الليل في مقبل شبابه
أشبك لي دفا ,, وأضم جمرك=في عز البررد ياحلو الدفابه
تصوّر من جنُوُن الشوق فينا=يسولف للمطَر وَجه السحَابة
واذا طاح المططَر للناس قالوا=هلا باللي لفانا ياهلابه
يخالطه العسل لحظة نزوله=يفز القاع ... ويغآدر سرابه
ذنوبي أنت يامُجمَل ذُنوبي= يَ أجمل ذنب ماخنت ارتكابه

لبيروُت من قَلبي :
سلامٌ لبيروُت ..، و قُبلٌ للبحرِ و البيُوت !
لصخرةٍ كأنها وجهُ بحارٍ قديمِ .!

هي من روحِ الشعب خمرٌ ، هي من عرقِهِ خبزٌ و ياسمين !
فكيف صار طعمها طعم نارٍ و دخانِ ..!؟

لبيروت مجدٌ من رمادٍ ..!
لبيروت من دمٍ لولدٍ حُملَ فوق يدها ,،
أطفأت مدينتي قنديلها .،

أغلقت بابها ..!
أصبحت في السماء وحدها ... وحدها و ليلُ .

أنتِ لي ..! أنتِ لي ..! عانقيني أنتِ لي !
رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات ..
أنتِ بيروت لي أنتِ لي عانقيني

أترك أحلامي تسولف لا غفيت=طالبك خلنا نعيـش أحلامنـا
من زمن ودي أسولف للكويت=من زمن ودي ابـوح اسرارنـا
اسعد الله جو صبحك يوم جيت=يوم جيتك من هناك / إليا هنـا
جيتلك وبداخلي مليوون بيـت=والسحآب ! الآرض ! ياخطواتنا
بس طلبتك لاكذا مره غفيـت=طالبك ..! خلنا نعيش أحلامنـا

عينك وطن ذآتي / وكفك لجوئي=لآ صارت أفكاري دجا .. أنت لي نور
برتآح عندك .. لين أحس بهدوئي=يكفي بحضنك أمتلك أجمل شعوور

ياليت محروم الوصل قلبه يعاف=مآدآم عمممره ما تذوّق ترفها
ان كان بك شدة مشينا لعـرّاف=يقرا لنا الآسرار لـو هـو عرفهـا
اسأل نديب الليل مامرتن شـاف=رجال يحكي للقمـر عـن شغفهـا
بالله ياقصرالترف اسرف اسراف=في حب منهو دمعته قد ذرفهـا
تذكر حناني يوم أغطيك بلحـاف=ذيك الورود المذهلة .! من قطفها !؟
واليوم ودك جرحك الليلة يشآف=وانا من أول صحت يافلآآآن شفها
سميت جرحي ياريش العين [ نزّاف ]=وذبحت له جرحين كامل نزفهـا

قد شاركك فالحب ناسٍ كثيرين=أعروق قلبي والوريد وضلوعي
أختار لك وحده .. ولافيه ثنتين=يَ انك تناساني .. أو تسد جوعي

سألت الليل ليه الحظ جاير=وليه الحظ ياليلي عدوّيْ
وجاوبني ودمعه وسط عينه=وقال أرجوك دعني في هدوّيْ
فَقُلتُ لَهُ لِمَا هَذا التَخَاذُل=وجاوبني بصمته ويش أسوّي
فَقلتُ لهُ عجيبٌ أنتَ أمرُك=تعشمني وتسلا عند ضوّي
وقال الليل [ يامحمد ] علامك=تعلم كيف تكتب عن سموّي
أنا وقتي ترا ملك السهارى=يحلي نَكهَة الليل المضوّي
أنا لاناموا الناس وتغطوا=يجي في خاطري دايم وانوّي
أجي للي جفاه النوم وأعطي=من افرآحي وغيماتي ونوّي
أنا [ يامحمد ] أعطي كل مابي=حضوري وأزدهآري مع زهوّي
حنين وشوق وأشيآءٍ كثيره=شموخي وأرتقائي مع علوّي

صعبة أبيّن لك شُشُعور أحتيَآجي=أشبعتني صدّة / ولا أشبعتني حب
تدرِي وش أكثر شي يعدل مزآجي=لامن تقهوآ مسمعِي صوتك العَذب

.
.
.

يالله عسآنا لآحضرنا نجمّل=ولا تلحق الشرهآت مدة يدينا
نسكت على بعض الحكي وانتحمّل=ناسٍ تسآندنا - وناسٍ علينا

.
.
.

لـ مح مد

أُحاول أن أصنع لذاتيْ صحبةْ تحققْ الأمبراطورية لها فعلاً نجحت وأتمتع بقلوب حولي تجلعني بأمان أكثر وأحصل على شارة النخبة منهم .! :)

بهم أستطيع أن أشعر بلذة حيآتي أكثر !

رباه فلا تحرمني منهم !

بقلم :

م ح م د

ياكثرني لاجيت اسوولف ولكن=صبرك على ياجعل ربي يخليـك
ضاقت على وجهي جميع الأمآكن=لاتلومني لاشفت وجه السعد فيك

الأمآكن برد .. والدنيَا مطَطَر=والصبآح العذب يغري شَآعرك
في حضورك غير .. وغيآبك سفَر=أتجمّمّمّمّد لين ماوصل آخرك

لو تقول لـ / خآطري يسعد مسآك=ينقلب ( برررد الليالي ) لي دفآ
وليه تخجل يوم أسولف عن دفآك=توْ "جوي" يابعد عيني صفآ
أجمل الأشياء فـ / الدنيآ وفاك=واصعب اللحظآت لآ غاب الوفآ

كن السحآبة تبتسم يوم تمطططر=ألله يَا جوْ "الريَيَيَيَيَياض"وغيُوومَه

بَرد شوق .. وبرد جو ودمعتين=واحوال شينة .. والسبايب غيبتك
لاتخليني ضحية لل الحنين=يَاكثر رغم القساوة .. طيبتك

تعال نجلس فوق ذآك القمر فوق=جلسة حبآيب تحتوي كل ما لآق
جلسة توضّح جملة الحب والذوق=ترفض عنآوين الجفا والتفرّآق

المشآعر برد .. واحساسك جليد=لا تخليني .. وأنا محتاج لك
أرجع أرجع ياترآنيم القصيد=ألأمآكن كلها مشتآقه لك

تبي الحقيقة ترا هدتني الفرقآ=حتى قصيدي من الفرقآ بعد ضاقي
أما تجي .. أو ترا من ضيقتي برقآ =بين النجوم المطلّة بنثر أشواقي