ينسى وجودي ويقسـى حيـل وأضمـى لـه=وأبــل ريـقـي بماضـيـنـا ومـــا يـحــوي
أشتاق وأرتـاب وأشفـق شـوف مرسالـه=وذيـب المشاعـر جِويـع وداخلـي يعـوى
أسامـره طيـف وأشكـي لـه مــن أفعـالـه=وأكشف طعون ٍ حواها خافق ٍ يدوي
تعبـت أكابـر بجرحـي وأطلـب وصـالـه=أخـفـي همـومـي ونــاره للحـشـا تـكـوي
جـعـل السـعـادة تـبـاري صــادق آمـالــه=مسـيـت بالخـيـر دن إرشــاك لا تـطـوي

هانت حياتي وهان الدمع من عقبه=اللي منحني الحنان وحب خفاقه
اليا دعيته يلبي وأهتني بقربه=والقلب يفرح وشمسه تعلن إشراقه
بدل رحيله حياتي وأجدب التربه=والعين عقبه غزتها دموع حراقه
حر ٍ تعلا الفضاء قائد على سربه=شامخ ونادر وعملة عز براقه
يابوي عقبك شكيت المُر والغربه=وهموم بقعا علي فِتْحَتْ لها طاقه
الجوف ينزف بسيف الضيم والحربه=واليآس مجرم وفيني ثبت وِثَاقِه
مرحوم يامن سعى بِمْوَادَعَهْ ربه=خذاه مني ملاك الموت وإستاقه
غير القدر ماقدر شخص يتلاعب به=لأنه الشجاع الذي ماقد حدٍ فاقه
ياليت عيني تشوفه وأنعم بحبه=وأرجع لماضي حياتي حيل مشتاقه

الذيب والله والدي راعي الطيب=اللي خذاه الموت مني بساعة
لا ماقدر به غير خالقك ياذيب=اللي نجي لرضاه سمع ٍ وطاعة

يد الكريم يمدها جود من طيب =ويد الــردي لامــدها ماتجمل
أنا مقامي مرتفع عن ثرى العيب=ياللي عرفت إنك بكرهي محمل
وفر هروجك التفت داخل الجيب=الهى بعيبك منت شخص ٍمكمل
الحُر حلق فوق رؤس العراقيب=ولا الردي مثلك بدربه مهمل

عجيبـة لعبـة الأقـدار أذا باليـآس مقرونـه=تردد في صدى الذكـرى أمانـي مالهـا آخـر
ظلام وهم جروح وضيق ودمعة عين محزونه=وغصة تحرق البلعوم ونفسٍ همهـا ناخـر
دعاني من بحور اليتم وجيتـه أحتمـي بكونـه=حضني بأعذب أحساس المحب الشامخ الفاخـر
مشيناها ضحك ومزوح وبدعنا القاف ولحونـه=نسينا أن القدر نـاوي يلاعبنـا وهـو ساخـر
وأشوف النفس تشكي لي زمانٍ ثبت طعونه=مابين الدم والشريـان ولاهـو للحشـا ذاخـر
طعني في صميم الروح ونزفت الهـم وفنونـه=من أحزان ال بحر غربة لضيقٍ بالألم زاخر
سهرت الليل أخايل له وقلبـي عـاش مفتونـه=اسامر طيفه الغالـي وأعبـر شوقـي للآخـر

لي مع جروحي والألم عهد موثوق=ياللي جرحت وماتسمعت شرحي
تعال وآسيني على الجرح برفوق=ماظن في قلبي مساحة لجرحي
وماظن لي صحوة من الحب وأفوق=ياللي وهبتك كل جدي ومزحي

قهوني من دلة حروفك مُبَهَـــــرْ=مرتوي من زعفران وزود هِيله
وأمنحك قلــبٍ عن العــيبة مُطَهَرْ=ماملكه الا غــــلاك بــكل جـِـــيله
لعـــنبو جد الغلا ياكيف سَهَــــرْ؟=طرفي اللي ماروى بشوفك غليله
إن نـظرتك خافقي بالحب زَهَــــرْ=وإن بعدت الروح من بعدك محيله
أشهـــد إن الحــب خـيالٍ مُشَهَـــرْ=لالتوى بك شِبَتْ من صبحه وليله

على صهوة الغيمة رحلنا ولا أدري وين؟!=مشــاعر تــــنادي بالــوفاء تلبس الـــعفة
حــبيبي ملكت القــلب طــيفك سكن بالعين=مشـــاعر غــلاك بخــافقي تحــكم الــدفة

شهقت لك بالحب من شفت زولك=ياللي وسط قلب ٍ خضع لك تحكمت
زفرت غيرك مابقى حد حولك=عطيتك الرأية وبالحكم سلمت

أسجع مع الورق أسحب صوت وأجره=لهيب فرقاه صَرم باقي عروقي
الشوق تل المحاني وإنكـــسر جبره=والعين تنزف غلاه بدمع من موقي
آسامره طيف ليلٍ يحيي السهره=وأهيم به نور فجرٍ يكشف طروقي
القلب ملكه آسير ومنحكم بأمره=والفكر به داعب النبضات مع شوقي
ياليل ياليل حلمي تهت في سبره =رحلة ضياعي ووجودي صافي الذوقي

ون الخفوق وشاركه كل مغبون=من نبضتي لي دمعتي لي طيوفه
أرهى على ذاتي هواجيس مجنون=مره طفل مره كهل به مروفه
مدري أستباح العقل أو كان مفتون=مدري وأنا أدري كل مابي يحوفه
أسكر على هرجه ولا أكون بالكون=أبحر مع الأشواق وأعشق وصوفه
ياللي تلوموني كفى لا تلومون=ترى العتب جاير لحتني سيوفه
إن كان مايدري تراكم بتدرون=إني بذاته عشت نبضه وشوفه

تغيب عن عيني وروحي تناديك=وأجيك لك مشتاق وتصد عني
الله يسهل لك طريقك ويحميك=حتى لو إن الوقت منك حرمني
تدري يكفيني سعادة معاليك=خل الألم والحزن يعتاش مني
الى حداني الوقت لحدود طاريك=سجعت لك بالصوت خيبت ظني

طن ٍ من الهم متربع على صدري=أزريت أشيله ياغير بقدره الخالق
يالله يالله ترحم من حوى القبري=أمي وأبوي وخفوق ٍ عقبهم عالق
عيت همومي تبارح والحزن يسري=جيت أطلب العون باللي للصخر فالق

ما هو يطولك ياعنب منهو قصير القامه=وأكثر عذاريبك مدح من مكثرين الذَمَهْ
اللي تخاووا بالردى حلف ٍعليه إغمامه=قامت تحامى بالمهار اللي خسارة ضَمَهْ
ماهم كفو تنظر لهم دامك رفيع الهامه=إعلم ترى من طاولك كفه قصر من كمه
أحتار في شوف الردي اللي حكمه إخطامه=طامع بعِـدْ أهل الفعول اللي غبنوه بسمه
اليا نظروه بعينهم ماينتهض بعظامه=واليا مسكوه بغاربه عود سواة الحُرمه
ليت الزمن يرجع ورى ولا يكف إسهامه=مليت من غض الطرف عن واسعين الذمه

ورب الكون يالغالي بأن القلب لك مملوك=لو ذا الكون باللي فيه هجرني جيتك الحالي

زيد من تحطيم ذاتي وأحتقرها=دامها عاشت لجل ترضيك هون
ولا تبالي لو تزود من قـــهرها=دام دنياها كذا هم وحــــــزون
من بغى منك فروحك ماعذرها=ومابغيته لك يلبى ولا تـــهون
الليالي ماتروف بمن سهرها=والمشاعر تنتظر طبع الحنون

ياللي طعنت المشاعر لاتعالجها=مابيك تتعب ولا تسهر على شاني
أباأدعي الرب وأطلب منه يفرجها=وبأعلن إفراق لو هو مات وجداني
كرامتي مهرةٍ أزريت تسرجها=اليوم باطلق رسنها وأطلق عناني

بالطول يسري غرامك عبر شرياني=حتى رسمت المساحة حب متوّهج
وبالعرض محتل قلبي وكل وجداني=والنبض راضي بحكمك فيه متفرج

في ذمتى مالك خشير بحياتي=إلاّ طيوفك في غيابك تخاشر
ياليت لو تدري بسبه نجاتي=إنك رجعت وعدت للطيب ناشر
عليك جفن العين مايوم باتي=والنبض بث الحب بثٍ مباشر

ليله هموم وضيقة لضيق غالي=يالله تسهلها وتفرج همومه
ياليتها ترضى عليه الليالي=وتعطيني همومه ويفرّح بيومه

حي الــوصال وحي قربك ولآماك=لو هي ثواني خافقي مـارفـضها
أنت المسمى اللي علـى الطيـب مربـاك=يــــا واحـد ٍ له شـيمة ٍ مـاعـرضها
ترقى على النايـف كـمـا الـحُـر ممشاك=متوَكـٍر العالي وعايف أرضها
جيتك من أقصى الأرض والروح تنخاك=أرجوك بأسم الحب عالج مـرضها

ماهزك الشـوق يومه هزوجداني؟=يالله دخيلك من الحرمان والصده
أحسبك مثلي على بعــدي تمناني=وأثر التــمني لقـــلب ٍ بيح بســــده

يكفيني الجرح والأحزان والضيقه=ما عاد أبي منك تسألني عن أحوالي
تجاهلك والسّفه ماحب تطبيقه=ودامك نويته خلاص أبعد ولا تبالي

ليتـه مـن البعـد ياتينـي وأنـا أجـي لــه=الصاحب اللي وصاله طب لجروحي
ياسعـد مـن هـو تقهـوى مـن فناجيـلـه=عز الله الا أنكتب له عمر لـو يوحـي
لبيه ياصـوت داعيـه وخطـى أرجيلـه=لـبــيــه لـبــيــه يـانــزفــي ويـابــوحــي

صوته يزلزل مابقى من شعوري=وتهزني لأشواق وأقول له سم
الصاحب اللي في حضوره سروري=واليا ومرني قلت له حاضر وتم

قولوا له ان الحب ماكـان تمثيـل=وأن المشاعر صادقة بالوفاء لـه
وأن الغـلا لـو مـت مافيـه تقلـيـل=يكفي يكون النبض كلـه فـداء لـه
ويكفي أموت ولا أبي منه تحليل=وخلوه ينساني ولا جـي ف بالـه

ياصاحب الجرح لاتزعل على شانه=ولا تعـذب خفـوقـك دام هــو سـاهـي
مابيك تشفق على وضعه مع أحزانه=ريح ضميرك وعيش العمر متباهـي
مـانــي بـقـابــل تـعـزيـنـي بـهـجـرانـه=أنـا شمـوخ الجـروح وكلـمـه النـاهـي

أنــا شـمـوخ النخـيـل ووقـفـة الـهـامـه=وأنا عيون القصيد ولهفـة الضامـي
أنا الفريـدة وأنـا اللـي خافقـك سامـه=وأنا الذي باتركك والجرح بك دامي

أرجوك لاتنبش جروحي وتوجعني=ماعاد في القلب ماياسع لطعناتك

ياموت ماترحم دموع اليتيمة؟=شاللي بقى لي عقب ماخذت الأثنين؟!!

تعال صارحني وأنا أقول لبيك=ياللي ملكت القلب وأصبحت نبضي

أحبك حب لو تدري يصيبك في هواي غرور=تقول الكون ذا ملكك وكل الناس خلانك
يمين الله يالغالي تبعتك بالغلا مسحور=أحسبك للعدالة رمز وأنت الغدر عنوانك
تبعتك حب تبعتك شوق تبعتك للغرام شعور=أشوفك بالسماء نجمة سهرت الليل من شانك
حبيبي يابعد راسي تلطف وأرحم المجبور=تعال أسقيك من نبع المحبة شهد حرمانك
تعال أشعل غرامي فيك نزور العالم المحذور=نسافر كفي بكفك نبعد عن سماء أوطانك
نبي نهرب عن الواقع نبحر بالخيال أبحور=تعيش الحلم بأحضاني وأعيشة في دفا أحضانك
زرعتك شوق في قلبي وسقيتك بالمحبة نور=وأثاري كثر تدليلي زرعني بارض بركانك
تعال ان كنت تهواني واذا ماجيتني معذور=ببدل وصلك بفرقا وانته عيش باحزانك

ليتك تعرف..أني معك..أنت بالذات=أصدق من السان الطفل.. لو سألته
وأنك شعور القلب ومن خافقي جات=أعذب حروف..الشعر لجلك..بدعته

لاتبتعد خل المحاني بك تعيش=ياحب مايعتاش الا.... بوجودك
ياحب كاسيني كما يكسي الريش=صغار الطيور اللي تغذى. بعودك
أنت الغذاء للقلب وغيرك دراويش=مالد فيهم من حفظ لك... عهودك

وينك؟؟ رجيتك لاترد ..المراسييل=ترى المفارق من هوى البال موتي
مادمت بعيوني تفوق.. الرياجيل=من هو يسد أن غبت ماأوحيت صوتي؟

آه من شو ق مِكن لك بالخفوق=وآه من ونة تجز..الصدر جز
صاحبي بالله عهدي..لا تبوق=لا لفى طاريك فز..القلب فز

ليه يانفسي أذا أبحرتك صراع=بين عقل وبين قلب وبين..ليه؟
وليه لامني أذا جيتك.. ضياع=مالقيت الا جروح(ن).ترتجيه
أن كتمتك جرح مايقبل يذاع=لين بحتك دقة تشرة ..عليه

لوتغيب العمر كله بنتظارك=يا لهيب الشوق في قلبي أنا
أعشقك في صمت لوماقلتها لك=ولو لحقني الظيم منك والعنا
بانتظارك بانتظارك بانتظارك=ياعذاب القلب وأنواع الهنا

ياحمامة وصلي له شوق قلبي والحنين=وبلغيه أزكى تحية وبثي أشواقي عطر
قولي تهديك الأماني تنتظر قربك يحين=تفرح بجيتك روحي ويسطع النور بقطر

هات يدك وسط يدي مدها لي بالعهد=وهذى يدى تحتضن كفك... وعود
بامشي لك وافي وعلى ربي شهد=أن عمري لك ولا غيرك... يسود
وسط قلب(ن) شام عن غيرك زهد=وسلمك نبضه وراضي بالقيود