لو كل واحـد عـارفٍ وش مقامـه
ما طارت أسراب العصافير لا حمت

ياكثر في صمتك حديـث وملامـه
لكن وش يعرّف هل الحكي للصمت

كـلٍ علـى قـدّه يفصّـل كلامـه
وأنت المدى ما ياسعـك لا تكلّمـت

قـل للوجيـه الراحلـة بالسلامـه
والله ما يسوون ضيقك إليـا شمـت

أنت السما وأهداب عينـك غمامـه
ما ضرّك إن طاح المطر لا تألّمـت

يشبهك شطر لعايض ولـك مرامـه
( أنا بعيد إن طحت وأبعد إليا قمت )

حزنك يشابه لـه هديـل الحمامـه
وإقفايتك في صمت وإقبالك بصمت