|
رد: مسـآحــــــــه لـ الـذآئــقـه الـشـعـريـه
قال الشاعر المعروف ناصر القزلان ودِّي ولكن كيف تحقيق ودِّي عيَّا زماني لا يجيلي على الكيف لقيت من وقتي عناد وتحدِّي يمرني عمري مثل عابر الطيف |
رد: مسـآحــــــــه لـ الـذآئــقـه الـشـعـريـه
اليوم ذكرى الفراق ومرت اول سة * اليوم لي عام متغرب وحيد وحزين اليوم انا ضيف جرحي جيت باطمنه * إني جمعت الدموع وجبت امانة امين ما يجرح الصادق الا غدر من يامنه * لا جت من احباب قلبك لا تلوم السنين - طلال الرشيد |
رد: مسـآحــــــــه لـ الـذآئــقـه الـشـعـريـه
الناس ما تسقيك لاصرت عطشان ولا يشرب الظامي سوى من ذراعه اضرب على الكايد إلى صرت بلشان وعند الولي وصل الحبل وانقطاعه - عبيد العلي الرشيد . |
رد: مسـآحــــــــه لـ الـذآئــقـه الـشـعـريـه
وأنا يوم أمس بطانها ما عليّه.. من * يدين الهوان إن حطّت اللوم وان شالت عليها الملام ولا عليها السلام.. أبدن * يدينٍ تبي قصرت يديني ولا طالت - الشاعر/ مساعد الرشيدي . |
رد: مسـآحــــــــه لـ الـذآئــقـه الـشـعـريـه
الشاعر عبدالله بن عون
- قبيح الكلام اللِّي ليا منّه اجترى على عرض غافل قام يسرد سرايده وإن قلت له مخطي على الهرج بالقفا درعت بنشب يالله إنك تهايده يمثل لعنتر بالشجاعة وبالفخر وهو لو تجيه الأرنب أخذت فوايده هذا يالله إنك لا تكثِّر نمونته وليا مدّ جعله ما تثني مدايده فلا ناقصٍ حيٍّ يفارق نزولهم وحيٍّ يبي يلفيه ماهوب زايده أقوله وأنا مالي مع الخبل ملتزم ولاهوب رايدني ولا نيب رايده غرامي رجال الجود والمجد والوفا أهل ماقفٍ يثنى عليه بحمايده . |
رد: مسـآحــــــــه لـ الـذآئــقـه الـشـعـريـه
صح لسان الشعراء ولا هنت رشيد ع النقل الجميل تحيتي وتقديري |
رد: مسـآحــــــــه لـ الـذآئــقـه الـشـعـريـه
ولا هنتي يا ام عمر
|
رد: مسـآحــــــــه لـ الـذآئــقـه الـشـعـريـه
.
نَقّيت الأصحاب من بين البشر نقوه خوَّه وعونٍ لدرب البر والتقوى وقت الرخا كلهم جوني على الهقوه ووقت الشدايد: ثلاث ارباع ما تسوى ! - الشاعر: مرزوق الروقي . |
رد: مسـآحــــــــه لـ الـذآئــقـه الـشـعـريـه
يقول إبرهيم ناحي:
. أي سرٍ فيك إني لست أدري كل ما فيك من الأسرار يُغري خطر ينساب من مفترّ ثغر فتنة تعصف من لفتة نحر قدر ينسج من خصلة شعر زورق يسبح في موجة عطر في عباب غامض التيار يجري وأصلاً ما بين عينيك وعمري.! . |
رد: مسـآحــــــــه لـ الـذآئــقـه الـشـعـريـه
صابرٍ واخفي على الناس حزني لايبين خايفٍ ان الناس من نقص حالي ينشدون ما لقيت اذل واسحى من الشخص الحزين يحسب ان الناس باللي حصل له يفهمون - سالم المري . |
| الساعة الآن 07:43 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
