دكتور تكفى جـاك سيـد المزاييـن=اكشف على الغالي وحـدد علاجـه

افحص على صدره وشوف الشرايين=بشويـش تكفـا لاتعكـر مـزاجـه

تراه ناعـم حطهـا بيـن قوسيـن=ممنوع الابـره والزعـل واللجاجـه

شف له شراب ودور الطيّب الزيـن=اللـي يناسـب للغضـي وابتهاجـه

تـراه بيّـن مايبـي لـه براهيـن=تقول شكـل هـلال لمحـة حجاجـه

واليا رفع رمشه وبانت لـك العيـن=كنك تشوف الموت قدمـك مواجـه

بالضبط طوله حول ميـه وسبعيـن=واليا حكى يغريـك حلـو اهتراجـه

كنك على التيار يضربـك شوطيـن=لاشفت حد الخـد يوضـي سراجـه

استغفر الله كن ماهوب مـن طيـن=كنه مليك الحسـن والملـح تاجـه

دكتور عفوا لو كسـرت القوانيـن=غمض عيونك لاتشوف أي حاجـه

إن كان ما ضحّيت للي تحبّه

راجع شعورك يمكن القصّه إعجاب !

لازم أحبك .. أو ترا يمكن أموت=وانته حكيم الراي ! وأحكم مصيري

تختار موتي : جيت كلي بتابوت=تختار أحبك : أنحتك في ضميري

قص التذاكر لـ تقديري ولـ أعجابي
على خطوط الغياب .. و رحلة الفرقا

عزّمت أسكّر عن ضيوف الهوى بابي
حفـظٍ لـ دم البحــــر من زلّة الغرقا

افضل ولا ابقى كذا عايش على أعصابي
ماغير احوّل من رجوم التعب وارقا

لي الشرف .. لو يموت الحب بـأسبابي
لأنه كسر خاطري , مع نوحة الورقاااا