|
رد: مسـآحــــــــه لـ الـذآئــقـه الـشـعـريـه
قصيده يثير المشاعر وتعصر القلب
يا رشيد ارحمنا شوي قلوبنا خضراء تسلم |
رد: مسـآحــــــــه لـ الـذآئــقـه الـشـعـريـه
سما بك خفوقي لين عدّا النجوم وطلت مدار القمر واخذت بك فيه كم فرّه لو أنك تشيل من المشاعر كثر ما شلت وقف حزن أهل غزه على محمد الدّره - سلمان عزيز الحافي . |
رد: مسـآحــــــــه لـ الـذآئــقـه الـشـعـريـه
اقتباس:
ولد عمِّي الطيِّب لو إنه من أقصى الناس أنا كل طيِّب عندي إنه ولد عمِّي رصيدٍ بعيني فاق طعم الذهب والماس يكفّيه لـ(أهتمّيت) عنِّي نقل همي - الشاعر/ راجح المغيري . |
رد: مسـآحــــــــه لـ الـذآئــقـه الـشـعـريـه
صديقك اللِّي ناصحٍ لا تِبِر فيه إحذر من اللِّي قاضْيٍ بِك غَرَاضي إترك ردِيٍّ ما تْذَرِّي حَوَامِيْه عنْ زَلَّة الأصحاب ما به تَغَاضِي عبدالله بن علي بن صقيه -رحمه الله- |
رد: مسـآحــــــــه لـ الـذآئــقـه الـشـعـريـه
الأناسة والهوى والمحبة والوداد طاعة الله والمراجل قضبت اشعوفها ونستي ملحاً من البوش غاربها سناد فاهقٍ سنامها ناشبٍ بردوفها بالخضيرا راسها كنها تطرد جراد يخزي الشيطان يوم العيون تشوفها - خلف بن هذال . |
رد: مسـآحــــــــه لـ الـذآئــقـه الـشـعـريـه
الليال تمر والعمر محدود الليال وكل ليل يمر ينقص من الأعمار ليل يا لبيبٍ تعتبر بالحياة من الرجال كرر النظرات فيما كسبت من الحصيل احسب الخطوات واثبت كما وصف الجبال واحذر الشهوة ورغبات نفسك بل تميل - عبدالعزيز الشهيل . |
رد: مسـآحــــــــه لـ الـذآئــقـه الـشـعـريـه
/ يازينها بحجابها ومكَملة دين وعقل مثل الكحَيلة ما تميل الا معا خيّالها الدين ماليها ثقة والعقل ماليها ثقل ونتايج الثنتين راحة زوجها وعيالها #سعيد_مقيل_الاكلبي / |
رد: مسـآحــــــــه لـ الـذآئــقـه الـشـعـريـه
تقدم الدنيا لنا درس ٍ جديد بكل يوم والناس تسلم من غثا الدنيا بحفظ دروسها وعلى حسب حفظ المواجيب وتعاليم السلوم نعرف مقاسات البشر بالمرجلة ونقوسها صيت الرجال الوافيّه بأفعالها ولا ّ الرخوم ينبيك عنها قلّ نفعتها وشين نفوسها - محمد جار الله السهلي . |
رد: مسـآحــــــــه لـ الـذآئــقـه الـشـعـريـه
الكفو عثرة لسانه تقلل من غلاه والردي يخطي ويبطي لامنه ولاعليه والثقة قصر ركونه تنومس من بناه والحكي لو نزّه الدنس .. ما دنس نزيه . #فلاح_محمد_القرقاح . |
رد: مسـآحــــــــه لـ الـذآئــقـه الـشـعـريـه
دايم أرعى خيالك في صباح ومسايا وأذكر اسمك وأنا اللي في هواك مغبوني ياقمر وين نورك غاب وأظلم سمايا ليه سود الليالي تحول بيني وبينك . #فيصل_المفقاعي . |
| الساعة الآن 11:33 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
