والله أن أتبع طريقك... للنهاية=وأن أعيش العمر كله في رجاك
دام مالي غيرك وحبك مناية=أبشر بطاعة خفوقي في رضاك

ياطاري الشوق هم الليل... يكفيني=حذراك تطلب حزين مـل بـه صبـره
شوف المدامع على خدي تواسيني=ولا خفوقي عذابـي حافـر(ن) قبـره
قضيت يومي أحسب الوقت بيديني=ولحظة لقانا نساها وضاعت الدبره

ياليتني نبضة الخفاق بعماقك=يانور عين الضرير اللي أنحرم منه
متى يجيني الفرج والنور بشراقك=ياشمس صبحي تري وصلك لي الجنه

أي ورب الـبـيـت حـنـيـت وبـكـيــت=يـوم شفـت الكـل عايـش مـع هــواه
وأنتظـرتـك بــس ماجـيـت أووفـيـت=وهلـت الدمعـة وقلبـي فـي... عـنـاه
مع غروب الشمس أحساسي عطيت=طيفـك اللـي ماتـرفـق بــي... شـقـاه

حلمت بك وصل بس النور صحاني=والليل الأسود خذتني يمك أحلامه
ليت المنام الذي بالقرب... مناني=انه لزيم(ن) لعين تشكي.... ألآمه

لأزلت بوحي وضعفـي وأكبـر الآمـي=ولازال حبـك أمـل بـالـروح تعتـاشـه
يامصدر الجرح خوفي تنشف أقلامي=واللي بنفسي مطول فـارش أفراشـه
أهوى وجودك وتهوى الغيـر قدامـي=وأصد مجروح قلب ومحتـرق جاشـه

مادمـت محتاجـة وجــودك وحـبـك=أحتاجنـي ولا تـرى القـلـب نــاوي
انـه يغـيـب ويـتـرك الـيـوم قـربـك=مـادام قلبـك للقـسـى حـيـل قــاوي
نـعــم أحـبــك يـشـهـد الله.. ربـــك=لاشك أحس إنك غلا الغير هاوي

لاتـقــول الـجــرح هـيــن لاتــقــول=عمـر جـرح الحـب ماهـان وسكـت
أنـت فـي الخفـاق يـاولـد الأصــول=نبضـة ورجفـة ودمـع عـيـن بـكـت
الله يسـاعـد عـلـى ثـقــل الـحـمـول=دام صـدق الحـب بـه عينـي حكـت
تنطـق العينـك مـن الخافـق رسـول=وتطلبـك وصلـك وهجرانـك شـكـت
أقـبـل وخــل الشـقـا لـيـلـه يـــزول=يبعـد همـوم(ن) قبـل عرفـك ركــت
في خفوق(ن) مابغى لغيرك وصول=وأنـت فكـر ولا تلـوم الـلـي شـكـت

وفيت لك في زمان (ن) شح بوصالـك=وغنيت بك هاجسي فـي ليـل حرمانـي
وأثرك مع الغير لاهي تسمـت إحبالـك=والمشكلـة عارفـة والصمـت عنوانـي
أدري مـقـدر يـكـون القـلـب مـنـزالـك=وأدري النهاية جحيم إن بحت بلساني
بكرة الزمن ينذرك تدري من أوفاءلـك=وتندم على مامضـى وتعـود لـي ثانـي
باستقبلـك لـو ربيـع العمـر بـي هالـك=وأقول طبعـى الوفـاء يانظـرة أعيانـي

له نبضة القلـب والشريـان فـي كفـه=والـروح تحلـف بأسمـه لـو يجافيهـا
النفس والفكر والأحساس فـي صفـه=وبصمات كفي مع البصمة ظهر فيها
له في حناياي مايروي عطـش شِفـه=وله كل نـزف بحروفـي يـوم أغنيهـا
مديـت كفـي عهـد يومـه بسـط كـفـه=وجيته بصدق الغلا ومدري بتواليهـا