هآم طير الشوق وأسدل بالجناح=في الفياض اللي دهلهـا مالكـه
إرتفع بالوصل وأخفض للجراح=وإنتهض خوف الليالي الحالكـه
ياعديل الروح بطلبك السمـاح=شوف و ِرد الشوق عندك باركه

هآت الغـلآ والـود والحـب كلـه=وأعطيك قلب ٍ بالوفاء دوم نابـض
بس أغمده سيف الهجـر لا تسلـه=دامك على إنصابه بالإحساس قابض
قلبي على شـوك الغـدر لا تتلـه=لا لا تجره وإترك الحزن رابـض

ليت الزمن يرفق ولا يزيد لأوجاع=وليت القدر يرحم محاجير غرقـا
ياصاحبي حبك سكن بين الأضلاع=إحتل وكر القلب مـن دون سرقـا
يسري بدم العرق ويبث الإطمـاع=حتى خضع لرضاه مليوون عِرقـا
جته المشاعر طوّع لهفة وتنصـاع=وأشوف برج الفكر يدعيـه يرقـا
تعال شوف أسمك إبصمات لإصباع=ناظر وأنا أختم به له الروح (ورقا)
حكمك مسيّس بي ومكّنت الأوضاع=آمر نعـم مـولآي لبيـك وإرقـا

له وهبت الحب وأحساس الخفوق=وله وهبت الذات من بد البشر
من غرامه ماورثت الا الفتوق=والمشاعر علقت بأسمه نشر
أحسبني فوق كل الخلق فوق=في خفوقه لين نبعث من حشر
وأحسبني بالوفاء حزت الحقوق=وإني قد الحب مالي من خشر
لين غرد بالأمر قبل الشروق=وإنجرحت وهاك بأبصم بالعشر

تهت في عمياك وأخطيت الهدف=لا تحسب الصدر لك دائم وسيع
لعنبوه الحظ ملعون الجدف=ساعدك ولا أنت من قبله وضيع
الليالي بِنْت واللقيا صُدف=والزمن دوار والشاري يبيع

هانت على روحي تفارق جسدها=ولا تفارق من سرى وسط دمي
اللي على قلبي جنوده حشدها=أنا أشهد إنه زاد بالبعد همي
ليت القدر يترك لروحي جهدها=ماكان زاد اليآس ياناس غمي

أي ورب البيت حنيت وبكيت=يوم شفت الكل عايش مع هواه
وأنتظرتك بس ماجيت أووفيت=وهلت الدمعة وقلبي في عناه
مع غروب الشمس أحساسي عطيت=طيفك اللي ماترفق بي شقاه

يكتم الخافق إعصير اليوم ضيقه=ويتنهد من جروح البعد صدري
أتصبر والصبر ماعاد أطيقه=يالهيب الشوق شاب الطرف بدري
الغلآ قفى وأنا عيني غريقه=والمدامع هامله والخد خدري
سعد عينك يالمرافق في طريقه=قو حظك ساعدك لو كنت تدري

ضيق الشعور وظلمة الليل والشوق=وأطياف غالي مابقى إلا إرسومه
صكت على قلب ٍ شكى جاير العوق=وإستنزفت نفس ٍ من أول كتومه
الى ذكرت اللي حمى بذكره النوق=اللي بفعل يمناه تشهد إخصومه
حدرت من صافي الغلا دمعة الموق=وجاريت بالونات شاكي همومه
يابوي من فرقاك عييت لا فوق=وطيفك يباريني وروحي تروومه
ليت القدر كفه عفت عنك بالبوق=ماكان قفى بك ومكَن إسهومه
ماكان عشت من الهنا قلب مسروق=تلعب بي الذكرى وماضي علومه
ياموت مامات الغلا داخل عروق=ليتك مع الجثمان مخفي إهدومه
جيت أشتكي لليل من درب مطروق=وأثره معي يبكي وتبكي إنجومه

هانت العشرة عليه وشاف حاله=إرتخى حبل الوصل واقفى يجره
العتب بعـــفيه لا يفتح مجــاااله=يكفي اللي صار لي حلوه ومره
نبض قلبي لو كفخ شوق وعنى له=بنحــره مــابيه في بعــده يبــره
الغــلآ مايروي الا من ســعى له=والا أبو وجهين ذاك الدرب غره
بابتعــد دام الوفاء جضت إحباله=والعــوض يارب تعطـيه المسره

أشيل هم البعد والشوق لا زاد=وأشيل هم اللي منحني خفوقـه
ياليل وش علم القدر زاد بعناد؟=ليه الليالي للأمانـي سروقـه
تعبت من دنيا العنـا والتـوداد=والحظ الأقشر يوم سبل حقوقه

يلتاع نبض القلب والشوق غلآب=ويزيد ضخ الدم شوف الولايف
يقطعك ياحظ ٍ قفل دونه الباب=ويقطعك ياوقتٍ تجر الحسايف
لا ياحمام الدوح عذبت الألباب=تسجع ولا راعيت بالدرب طايف
إن كان قيل الموت حق وله أسباب=فالحب مثل الموت ماهوب رايف

نيه الخافق على طول النوى=يحتضن طيفك ويوفي بالعهد
كان عيا الوقت لا نصبح سوى=فياحياة اليآس ياقل الجهد
إحفظ الذكرى وشوقي والهوى=وطفل حب ٍ مات توه بالمهد

يقولون بالأمثال إن ( الهوى غلآب)=وأنا أقول مايغلب سوى ضعيِف الحيله
صحيح الهوى كافر وشوقه نعم نصاب=ولكن صدوق الحب ماتنهزم خيله
الا ياسواد الليل .. لقلبي عليك عتاب=ترفق ترى الخفاق يشكي من الميله
طواني العنى والهم واحد من الأسباب =وباقي الامور تقول قلبي فتر حيله

مـهـتـنـي نــومــه يــداعــب مـحــجِــره=والسهـر شـوق ٍ هـدآه لمحجـري
يـــاســــواد الــلــيـــل لــيــتـــك تِــســـهِـــره=طرف عين اللي خذا قلبٍ طري

به جنون البعد وأنا بي جنون=شوق قلب ٍ مانوى يوم الفراق
لأن طيفه ساكن ٍ وسط العيون=لو جرح قلبي كما جرح العراق
الغلا والحب ماوالله يهون=مير جرحه للكرامة لا يطاق

نيران في بعدك وقربك جهنم=ماعدت لي راحة ولاعدت معشوق
مادمت بجروحي بصوتك ترنم=فـأنا بحـث خـطآي للبعــد برفوق

يلمح الجرح لكن ماشكيته عليه=ينحـــر الصــمت طبعـه دام عــلا غرور
المخايل بعينه مير تقــصر يديه=صعبة الذات تبقى حلم شخص معثور

يبري الزمن من تقلآبه وهو توه=قلب ٍ من العشق لا ميت ٍ ولا حيا
مادام قآعه هشيم ومحتمي ضوه=وشلون يبرى وجرحه ضامه الكيا؟
عسى الولي يسعفه ويزين به جوه=ويلم شمله بخله سمح ال محيا

رق له قلبي وعيني ضمته=وإنحنت له طوع مهجة خافقي
لا نظرني سرَ قلبي بسمته=وإن هجرني قلت نادوا سارقي

يلهمني الله براحة بال من عنده=ولا أنت مابيك يوم الضيق تلقاني
خلك مع اللي تبي بس خافقي ُرده=مابيه عندك وقلبك يملكه ثاني
أنا غروري يهز الكون من عنده=وشموخي أكبر وعقلي دوم ميزاني
الحب ماهوب سلعة لعنبو جده=كانه ملكني لشخصك وإنت حرماني
أبعد وأنا أبعد ولا بفراقنا رَده=ياخاين الذات بكرة تعيش وحداني

تهل العين دمع الشوق لجله=ونون الطرف ماذاق الرقادي
بنار القلب يعجز نهر دجله=ولا يطفي الجمر تحت الرمادي
سوى شوف الغلآ ولو كنت وجله=من العذال وعيون العبادي

سقاني الزمان الظيم والقلب به مطعون=نزف من عميق الجرح وأرخى عراويه
وأنا يا ذراي ومسندي صرت له مرهون=خضعت ال طعونه والقدر باح عبريه
شربت الحزن من صغر سني وهم يوحون=دموع اليتيمة عقب مامات واليه
ديون القدر خذها بموت الذي يوفون=من أمي وأبوي ودمع عين(ن) شقاويه
وهو ماوفاني دين طرف(ن) شكى محزون=على سكة(ن) للموت بالخلق ماطيه

تعال صارحني وأنا أقول لبيك=ياللي ملكت القلب وأصبحت نبضي

عمــر الزمن ماحقق أحلام الأيتام=ياحلم ليل(ن)ضاع مع طله الصبح

داخل أعماقي لقيت البوح غيـر=دنيا غير اللي طلبـت أعيشهـا
دنيا تصرخ جرح والخافق كسير=آه ياربـي السعـاده جيبـهـا
المشاعر تشتكي وأنت الخبيـر=من لهيب الجرح تطلـب ثيبهـا
والنواظر هلت الدمـع الغزيـر=وانا مثل الكل راضـي بعيبهـا

تعال يانور عيني بدد أحزاني=ياللي معك إنت وحدك تنجلي الضيقه
تعال مليت أمشي بقلب وحداني=دامك عرفت الغرام البعد ما أطيقه

ياقلب أحذر وأنتبـه للمقابيـل=ويانبض لاترضخ لباقي عهوده
ياقلب خوفي لايجي بيوم تبديل=ويكون ذاك الوقت مافيه عوده
ياعاذلي شوقي يهـد الرياجيـل=وشلون لوني عشت خارج حدوده
وشلون لو يبعد وينطق تساهيـل=عز الله أن الموت قـرب بـدوده

أنت قربك موطني وروح الحياة =بك أعيش ودون وصلك غربتي
التبسني الحزن لبسي للعباة=ومانزعها غير حبك عزوتي

ياللي طعنت المشاعر لاتعالجها=مابيك تتعب ولا تسهر على شاني
أباأدعي الرب وأطلب منه يفرجها=وبأعلن إفراق لو هو مات وجداني
كرامتي مهرةٍ أزريت تسرجها=واليوم باطلق رسنها وأطلق عناني

في ذمتى مالك خشير بحياتي=الا طيوفك في غيابك تخاشر
ياليت لو تدري بسبه نجاتي=إنك رجعت وعدت للطيب ناشر
عليك جفن العين مايوم باتي=والنبض بث الحب بثٍ مباشر

تدري وش أصعب من غرامك سكوتك=صمتك ذبحني بــرد ياحاجب الصوت

ماهزك الشــــوق يومه هز وجداني؟=يالله دخيلك من الحرمــــان والصده
أحسبك مثلي على بعــدي تمناني=وأثر التــمني لقـــلب ٍ بيح بســــده

بكت عين الموّلع في وداعه=وتل النبض ونآآت المفارِق
الآ ليت القدر منه مناعه=وليت القلب ماأوحى نور بارِق
جريح الحب صمته عن قناعه=ويبقى الشوق للخفاق سارِق

رآعني ولا دخيل الله ترفّق=لا تتل القلب من بين الحنايا
الغلا والحب من دمي تِدفّق=ينتخي بأسمك ويسري بالخلايا
ليل بُعدك ضامي وصالك تِشفّق=يرتجي شوفك ونبضاته عرايا
الأماكن دُرتها والقلب صفّق=إشتكى طيفك وشافك بالزوايا