أبو مشـــآآري
قصيدة رآئع من شـآعر أروع
أستمتعنـآ بكلمـآته الرآئعه وصدق إذآ خطيت في تلبيقتـه
لا تشيل همــــه ض12 العسكـر لأمنهم مـروآ قدآمه يدقون لـه تحيـه :) من هيبتــه
لا خـــلآ ولا عـــــدم من جديدك المميـــــــــز
ودي وتقــــديريـــ ....,

صح الله لسانك يا بوحمد ,,ومشكور يا بو مشاري ع النقل المتميز

يامرحبـا يـا نديـب البـيـت بأبيـاتـه=ترحيبة اللـي سِجـن باللـي يعودونـه
اللي عقـب مـا أبطـا بـارت صداقاتـه=ولا صفـا الا بنـي عـمـه يـزورونـه
اقلـط وموتـرك ذا عطنـي سويكـاتـه=من قبل اشوف الخطاب و ويش مضمونه
الموتـر اللـي قليـلات(ن) عطـالاتـه=ومحـركـاتـه ان راد الله مـامـونـه
البيـت بيتـك أسفطـه فـي طبيـلاتـه=اقلـط ورجعتـك بــأذن الله متكـونـه
والا تقهويـت قهـو اذنــي بكلمـاتـه=أليـن يبـرز عشانـا ثــم يحطـونـه
اسلـم .. معـك واتسمّـع كـم مقفّاتـه=أليـن جـا عنـد قولـة يـوم مااخونـه
صـح الله لسـان مـن هـذي بداياتـه=والله يعديـه شـر الـلـي يحسـدونـه
عدهـا عسـى الله يوفقنـي مجـاراتـه=وتجيـه بالمسـك والريحـان مقرونـه
والا قطـع عـدّك المـدخـن بنفحـاتـه=فعدها ولاهـي لكثيـر الربـع ممنونـه
اقلـط علـى رزق ربـي لـي وخيراتـه=وترى المعزب مايكشف قـدرك صحونـه
يامرحبـا جعـل حلـوه فـي معافـاتـه=والنفس باللي جمـع ذالربـع مرهونـه
والا بغيت الفراش .. فصح علـي هاتـه=وارقد وانا رقدتـي كـم بيـت موزونـه
والا اذن الفجر فأروع لـي مـع سكاتـه=بنصلـي ونرجـع لمـن تدعـي ركونـه
ثم فك ريقـك بفصـل(ن) معـه فرداتـه=فصل(ن) قهوته ما جات في كيس مطحونه
واسمع عقب مااعتدل راسـك ملاحاتـه=قصيـدة محـب بالسفطـان مشنـونـه
والا بغيـت السفـر كلـن ومشهـاتـه=سافر على اللي ما كل النـاس يشرونـه
سافـر علـى اللـي سطاباتـه مراياتـه=واهـل المراسـم علـى غيـره يبدونـه
اللـي يوصـف بزيـنـه و ابّريكـاتـه=واسياته اللي مـا يـدري قـال مدهونـه
كلـه تماتيـك .. بنصه..بابه..اسيـاتـه=بابـه هلـه مـاهـوب لازم يصكّـونـه
وكانك توقـف خطـا .. اتـرك محاتاتـه=الشرطـه اللـي يشوفونـه ويعفـونـه
له هيبة اللـي مايـدري كـم عماراتـه=والا شـراه الفقـيّـر كـثـرت ديـونـه
مامون بأذن الولي من عـرض رنقاتـه=وهو منوة المنكـف اللـي هلـه يتنونـه
مـن طافـه المرسـدس يكثـر تلفّاتـه=جميـع مـن طافـهـم لازم يغطّـونـه
ومعيدك الحوت له فرق(ن) علـى امّاتـه=سواقه الغيـد لـو هـو شيـن يهوونـه
تـدل ابـو سمـره وتعـرف اجراءاتـه=ولا تحسـب انهـم الا ابطـو يلـدّونـه
لازم لأنـــه جـديــدات بيـانـاتـه=فـي الكمبيوتـر لـزوم تحـط مخزونـه
وسلوى اذا ماطلبو مـن عنـدك اثباتـه=رقمـه كـذا مـن الشـبـاك يقـرونـه
لو انـه فـي ليـل يـا محـلا انبيراتـه=واللي معـه فـي طريقـه مايماشونـه
والا دخلـت الحسـا فـأروع لـ. لفاتـه=واهـل الدداسـن تحمـل لايحوشـونـه
ليتاتـه الـزرق .. أسميهـا فلاشـاتـه=تـروّع اللـي سنـا الـرادار يخشونـه
لا جيـت للخفجـي وبانـت علامـاتـه=ازهم علـى عبيـد يـوم انهـم يعزونـه
ولا النويصيـب نـزل بــس جامـاتـه=ربـع وبنـي عـم والنشمـي يعـدونـه
والشـارع اللـي كثـيـرات مسـاراتـه=قدك ابخـص اللـي يمرّونـه وياطونـه
نصّـه رفيـق(ن) بيحرجـك بسلاماتـه=كريـم والـلـي وزانــه مايملّـونـه
يغيـب لكـن مكانـه مــن كرامـاتـه=مليان مـن كثـر ضيفـان(ن) يرودونـه
ياجعـل يفـداه مـن ضيفانـه ان جاتـه=تاتيـه وتوادعـه ماشـافـت سنـونـه
قل لـه يحافـظ علـى باقـي دراساتـه=والا بغا جَـيّ مضنونـه .. فانـا عونـه