|
ضمارنا معروف
يا مرحبا ما هب ذعذاع الانسام=وانا يا ابو مشهور اتمم حوارك ما دامت حروف القوافي لك تسام=ميز تعابيرك برد اعتبارك ما ني ترا يامي لي صروح واعلام=حددمساري قبل احدد مسارك من روس قوم اشراف والعز لي دام=خصيتني يا صاحبي بختيارك شكواك من وزن القوافي له اقسام=لا تجعل الكلمات تفرض حصارك لحن وغن وردد الصوت باحكام=حتى تشوق الناس لحظة جهارك الشعر ما هو قصد تفجير والغام=بث المشاعر لا هوا الهجس زارك ساجم تعابيرك معى بدع الانغام=حتى لك الابداع يرسم مدارك والنعم في ربعك والانعام في يام=والنعم في كل القبايل يشارك هذي تحياتي طويلات واقزام=وضمارنا معروف والزم ضمارك |
رد: ضمارنا معروف
والنعم فيك وفي ربعك وجميع القبائل والعرب
واخي ابو مشهور لاتكلم عنه ولكن من الواضح انه معجب في شعرك ويحاول يتعلم منك مثل ما أنا استفيد منك وتعداك الملام وبيض الله وجهك ومن الملاحظ اخي ناصر الاسبوع هذاه المنصرمه انه اسند عليك كم شاعر قصيده فامادري وش السر صح كلك وتقبل تحيات اخوك سعيد ولاهنت |
رد: ضمارنا معروف
اخي العزيز ابو محمد صح بدنك
وما عليك زود وانا من يتعلم ويستفيد منكم اما من ناحية اسناد القصائد فيمكن يسوون لي اختبار ولا ادري انا نجحت فيه والا باقي على العموم الله لا يهينك على المرور والاطراء الرائع تقبل تحياتي وخالص تقديري |
رد: ضمارنا معروف
اولا بسم الله الرحمن الرحيم
والصلاة والسلام على سيد الانبياء محمد صلى الله عليه وسلم اما بعد خوي الغالي والشاعرالاستاذ ناصرالشريف ان كان حسك مني شي فالسموحه وانت رجل صدرك واسع والابيات اللي ارسلتها لك من حبي لما تكتب من قصايد وملاحظاتك على مااكتب ماهي الا توجيه الخوي لخويه في هذا المضمار والشي الثاني وهو اللي ابيك تعرفه اني ماقصدت انقص في حقك شي وكل رجل وله مكانته واحترامه وانت والله اللي يعلم ان لك عندي مكانه قد لاتدركها ولاتدرك مداها خوي ناصر ان حسك شي مماكتبت فهذا وجه اعتذارعلى مسمع ومشهد كافة الاعضاء والاداريين ولافكرت ان ادخل مع اي شخص كان من كان ومشكور على كلماتك اللااذعه بشدة لهجتها التي تحسسنسي بالزعل من ناحيه و ثالث شي نحن هنا نتعلم ونخطي ونصيب شي لاشك فيه ولولا معزتك اعيد واكرر ماتواصلت معك حتى عبر الاتصال يشهدالله وانا اعتذر من هنا من اماكم للشاعرناصرالشريف قد اكون قلت شي انا لااعي معناه عند ناصر ونعم فيكم يالاشراف والف الف ونعم ومن هذا المكان آسف آسف آسف لواقولها مليون مرة ماتكفيك جيت اعتذر من قلب وشعور واحكام عل اعتذاري يطول وجــــه اعتبارك نخطي ولاندري تصـــــاريف آلانـــام وقفتني وعلمتني عـــن مــــسارك واللي تبيه ابشـــر من الحق قـــــدام لاجـــــــيك عـــاني معتني لين دارك وانته عزيز ومـــــــن مطاليق وكرام والنعم فيـــك يـــابخت منهو جوارك ادري قصيدي فيه عثرات واعــــــدام ومنك استفيد والمعرفه مـن مدارك اخوكم المعتذرموسى ابومشهورالصايغ |
رد: ضمارنا معروف
ابو مشهور ما فيه داعي لذا الكلام كله
والشك فيك زايل يا ابو مشهور الله يهديك بس انت لا تفهم خطا وانا من يجب ان يعتذر ان كنت اخاطبك بخطاب لا تفهم فحواه ارجو منك المعذره ومن الجميع تحياتي وخالص تقديري |
رد: ضمارنا معروف
السلام عليكم اخي ناصر اعتذر منك والعوده
على متصفحك شرف لي والا امل من الحديث مع شرواك اخي ناصر لا اعلم هل رسائلي تاصلك ولا لا اذا كانت تاصلك والا ترد فا عسى المانع خير اما من ناحية اسناد القصائد فيمكن يسوون لي اختبار ولا ادري انا نجحت فيه والا باقي لا اعتقد ان كلامك هذا دقيق ي اخ ناصر وانت شاعر فوق ان احد يختبرك ولست أنا من يقييم شعرك ولكن كلمة حق ولابد ان أقولها شكراً لك مرةٍ اخرى |
رد: ضمارنا معروف
ابو محمد وعليك السلام ورحمة الله وبركاته
الشرف لي طال عمرك والحديث معى ناس مثلك فخر يعلم الله بس بالنسبه للرسايل ما وصلت الا الاولى وجاك ردها اما الباقيه يعلم الله ما وصلتني ولا ادري كم انت مرسل الى الان لكن انا با اقوم بارسال رساله خاصه لك وان شاء الله تصل اليك وبالنسبه للشهاده اللي منك وسام وفخر بحد ذاتها تحياتي لك |
رد: ضمارنا معروف
تسلم يمينك أخوي ناصر الشريف على هــ القصيدة الجزلة
ابيات عانقت سقف الجمال تحياااتي |
رد: ضمارنا معروف
الله يسلمك اخ ماجد ولا هنت على الاطراء والمرور الجميل تحياتي
|
رد: ضمارنا معروف
تحيآتي لكم يآ شعرائنا،
ولا حرمنا هالمحبة والصداقة والأخوة ، عسى الله يوفقكم وينور دروبكم ، وصح لسانك يالشريف ، وصح لسانك يا ابو مشهور ،، ازكى تحياتي لكم ، |
رد: ضمارنا معروف
فهد الهباش الله يسمع منك ويسلمك
وصح بدنك تحياتي وخالص تقديري لك |
| الساعة الآن 10:28 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
