|
قصيده قلتها بـ امي
بسم الله الرحمن الرحيم السلام عليكم ورحمه الله وبركاته اخواني اخواتي اعضاء هذا الصرح الشامخ جديدي اليـوم لكم .. موجهه لا اغلى انسانه وهي امي عسى ان ابياتها تحوز على رضاكم على بحر المسحوب اقول فيها يمه ترى شفت الحنان المداوي يشفي هموم(ن) في خفوقي كثيره يمه ترى عمري فدى للخطاوي أمــرك علي نــافــذ مـنـفــذ يميره طايع كلامك لو مماتي زهـاوي ضـــايع ليا منـي مطيــــع الكبيره عايش حياتي بالقطيعه خـلاوي ماغير دمعاتــــي بخـــدي عشيره دامك بقربي عايش(ن) بالهناوي يمه عســى عيني لزولك نظيــــره لانك ضياء دربي ودكتور داوي داوا جـروح(ن) في خفوقي خطيره يمه قصيدي مـــن يشوفك نداوي وان هــو قصد يمك بيوتـــه عسيـره يمك منقي مـن كلامــــن شفاوي يروي ضمى ضــامي حيـاته كسيره شعري ليـا منــه حكابـــك نقاوي جايد وصايــب فــــي معــاني خبيـره يمه تــــرى شفت الحنان المداوي يشفي هموم(ن) فـــي خفــوقي كثيره وسلامتكم آخوكم / يحيى الاسيود |
رد: قصيده قلتها بـ امي
صح لسانك يا يحيى
ابدعت يالغالي لبى قلبك والام اعظم انسانه تستحق وتستحق وتستحق وكل هذا لا يفيها حقها اكسبن الله رضاهن امين تحياتي يحيى |
رد: قصيده قلتها بـ امي
يحيى انت عظيم ومبدع والام تستاهل
والقصيد مايوفي حقها تحيه لروحك العذبه لاهنت وبيض الله وجهك والله انك تستاهل احلا تقييم++ |
رد: قصيده قلتها بـ امي
صح لسانك بالتوفيق
والله يجعلك من البررة |
رد: قصيده قلتها بـ امي
صح لسانك يحيى
شاعر جززززل ومافيك حيلة قصيدة كتبت في شخص عظيم ومدرسة غالية تخرج منها الكثير ومن كسب رضاها توفق بعد الله في باقي حياااتة تحيااتي |
رد: قصيده قلتها بـ امي
صح لسانك اخ يحيى
الام تستاهل اعطت عمرها لأجلنا فأقل شيء نكتب فيها شيء بسيط من حقها يعطيك الف عافيه قصيده جميله |
رد: قصيده قلتها بـ امي
يحى صح لسانك وبيض الله وجهك
كل واحد امه تستأهل كل خير تقبل تحياتي |
رد: قصيده قلتها بـ امي
صح لسانك أخوي يحيى ولاهنت أفضل القصايد هي اللتي تعبر عن مشاعر
المحبة لشخص عظيم كالأم الأم هي جنّة الحياة وأو كسجينها والجنة تحت أقدامها مهما عملنا ومهما كتبنا لانوفيها حقها الله يحفظلك أمك ويجعلك من الكرام البررة وأن يحفظ كل أم وأن يرحم كل أم سعت واجتهدت لتسعد أبنائها لك أجمل التحايا |
رد: قصيده قلتها بـ امي
صح لسآنك ..
الله يخليها لك ويطول بعمرها |
رد: قصيده قلتها بـ امي
صح لسانك...
والله يحفظها لك يارب.. |
رد: قصيده قلتها بـ امي
صح لسانك ي الشيخ ملايين
موضوع رائع الله يرزقنا واياك بر والدينا ويحرم وجيهم ع النار لاعدمنااك |
رد: قصيده قلتها بـ امي
اشكر كل من مر وعلق تعليقاتكم اثلجت صدرري
|
| الساعة الآن 09:52 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
