بسم الله الرحمن الرحيم

يشرفني ويسعدني أن اضع مدونة اطلق فيها المشاعر

الإثنين 19/4/1433 هـ

جميع مابالمدونه بقلمي

ذعذعي ياهبوب الشمال عليه ذعذعي=وبردي جمرة فؤادي بنسناساً عليل
لي ثلاث اشهور ماذقت لذة مرقدي=اتقلب من الضيقه وليلي طويل
نعنبوا من يحسب القلب فايق مهتني=والله ان كنه يصلى على جمراً كليل

ياعوي قلبي عوية الذيب لاجاع=على عشيراً تل قلبي وقفى

المال ماله عن الرديان لاحاجب=والفقر يطفي كريم الجاه وأسألني
كمن كريماً عزله الفقر وأستأحش=وكمن ردياً مع الإموال متعني
العن ابو هالفقر وش به على الطيب=في عزلته مادريبه وأن شكى وني

ياسالفة عمري ترى الليل مستور=والصبح لاشرع ضياه انتهينا
يكفي اشوف القلب ضايق ومقهور=ويكفي حطام الوقت سبة يدينا
حدب الضلوع العوج تشكي من الجور=وانتي وانا نضحك نقول اش علينا؟
لالا فديتك كافي اوجاع وأحرور=وكافي تهدم كل صرحاً بنينا

تعال خذني خلنا مثل الإطفال=ندله ونضحك والنوايا سليمه
ماعاد فيني شيء للضيم يحتال=حتى ضلوع الجوف راحت هشيمه
تعال هذا الحال ماعاد به حال=من وين مايلفي يراها اليمه

خذيت مني كل ماأعطيك بالذات=وأنا عشانك سقتلك كل مطلوب
أرتاح حبك ماتزحزح بالإزمات=مذنب غرامك عاصياً فيك ماأتوب

لاهب ذعذاع الهواء من ورايا=ناحرتله وافتح ابناقاً مشابيك
عله يبرد بالصدر من لظايا=ويبرد حنايا الجوف من هول لاظيك
من خاطري يبرد وهذا منايا=ولا الجرح من يوم بالصوت اناديك
ليت المحبه فالمحاكم قضايا=والله لأأرفع فيك يالزين واشكيك
اول قضيه فيك سبة عمايا=مااشوف غيرك فالمخاليق ايجاريك
وثاني قضيه سرت وسط الخلايا=الين خذت القلب وسط المهاليك
وثالث قضيه اعتديت ابحمايا=كنك تمشى بالحشا بين أهاليك

هوه غناة القلب والشعر والذوق=وهو الوحيد اللي سرق قلب هياف

الحب فطره ساقها رب الإرباب=ماهو بحكياً ينجلي بالملامه
أقولها والقلب هايم ومنصاب=الحر يفهم ((والهلامه هلامه))

يامل قلباً لاهب الشوق كاويه=له مدةٍ يشكي ولا انسان يمه

بكتب حروفي يمكن ايامي اتخون=لعلها تبقى على طول الإيام
انسان عابر قالها حيل تكفون=ان مت لاتكتب على موتي اقلام
خلوني بقبري ترى الحال مدفون=ومالي رفيق إلا سوا ابيض الخام
وأن جوكم احبابي فعزايه يعزون=قولوا خذاه الموت ماهو بملام

يابري حالي روحةٍ له صعيبه=اصعب من اجبال الحجاز الطويله
اجر صوتي والحنايا عطيبه=وكن الحشا من حر حزنه مليله

الا ياهبوب النود قلبي ضناه الشوق=وذعاذيعك العجله تزيد الشقى فيه
نسيم الهوى غربي وصدري شكى مخنوق=واسافر مع الاوهام لادجت عصريه
زماني رماني لأسفل الحظ وأول فوق=ولاعاد به حيله تجيب الفرح ليه
سقى الله زماناً راح يوم الخفوق ايتوق=سلام وكلام وهبت الريح عذريه

القيض روح يوم شفناك ياسهيل=زانت نسايم جونا مع طلوعك
للقنص قصه ماتبي نومة الليل=لاصرت في جواً مع اقرب ربوعك
ريح الهواء يبري فؤادك من الويل=يطرد خراب اهموم تلوي ضلوعك

راح عمري ورى حبه و شوفه كذيه=خابره بالدلع غير الأسم يندهونه
والله اني احبه واعشقه وأهتويه=غالياً في ضميري لو هله يرخصونه
والله اني على دربه وودي اجيه=بس مازانت الصرفه وهم يمنعونه

يامدعي الحب قلب الملتهف هاته=لاتتركه بين هجرانك وصداتك
خليت قلبي يراجع ماضياً فاته=والليل الاسود عناه وهذي امناتك