يالربع انا خاطري ضايق ولاهوب زين=وغنيت من ضيقة الخاطر . طوآريقها
أبآ فتل أبيوت شعري وأن نقضها الذهين=يستآهل البنت لو تكثر ( عشاشيقها )

مادام خاطرك ضايق خاطرك لا يشين=في خاطرك حاجهً يلزمك تحقيقها
افتل وانا انقض عسى ربي يدل ويعين=ولا علي من كفوفً زاد تصفيقها

الضيقه الموجعه ياصاحبي من سنين=يالعنبوا جدها والله ماطيقها
نبغى المساري طويله لو يقولون وين=قل للديار العذيه يامطاليقها

توض واسجد لربك يا ولد ركعتين=واهمومك اطلب من المعبود تفريقها
سج القدم يا عميلي من يسار ويمين=وانا معك في مغاربها وتشريقها

الله يفرج على المهموم في كل حين=يالله طلبناك في الدنياء توافيقها
اللي عيونه تناظرنا على نص عين=مايدري ان نظرته خانت مواثيقها؟

من يوم مديتلك يمناي مد اليمين=وسوالف الناس ما يلزمك تصديقها
لا صرت واذق خطائ والعقل عقلً رزين=فلا يهمك من العالم مطافيقها

لله درك تصيد الصيد دآيم سمين=حر(ن)تعشى ويمسي في شوآهيقها
مايدري اني ليا دآحمت جنبي متين=وجنبه مثل شجرة(ن)خضر(ن)موآريقها

حنا رمينا الهدف بالبندق المارتين=والبندقيه ما تخطي مع تفافيقها
جرباء جربها مطاولها سنينً ونين=اطلوا جربها قبل تلحق ملاحيقها

دامك طرحت النصع مآعاد فيها ثنين=واللي وزن دلته قولوله ايريقها
تستاهل أم الجدايل والعرب شاهدين=وهذاك لفّق لها مآفاد تلفيقها