القصيد اللي يمثلني لجل تقروني=يجذب انفاس المغني ثم يجر لحونه
كان ما جيته وانا سادح له الطبلوني=لا حدٍ ينظر لقافيه ولا مضمونه
لا تشلوني ولاني قايلٍ خلوني=بس هاتولي علاج الحاله المجنونه
ارتقي واصيح واغني واجر لحوني=واكفل التعبير واسدد جميع ديونه
كل نظره من خفوق اهل الشعر لعيوني=ترسم الوان القصيد اللي جهل قانونه
ايه انا شاعر ولي مبدا يخيط طعوني=والخيال اللي كسى حرفي بنيت ركونه
يا جماهير المشاعر كلكم طيعوني=دام في جوفي معاليق الوفى مرهونه
ترتهن لاهل الشجاعه والنقى وبدوني=ما يقوم لها ذكر لان الجمل مبطونه
كل ما قلت المعاني روحن دلوني=واتلزم بي وكلا يرتعي بشجونه
يا رفاق الامس والحاضر لجل تنسوني=شيدو لابيات شعري زاويه مركونه
وان تعدى صوبها المجنون له فكوني=لجل ادمر هامة احلامه وافل سنونه
يلعن الله كل من سوى مثل شاروني=يوم لعنة كل مسلم وجهة لحصونه
لا تخلوني معى الاحزان افل غبوني=وين قوم الغيره اللي ضيفهم يرعونه
هاكم ابياتي معى صمتي معى مضموني=يوم كلا بالشعر سطر جزيل لحونه
وان لفاكم شاعر المليون له نادوني=لجل كل اللي جهل ناصر هنا يقرونه

وان لفاكم شاعر المليون له نادوني..لجل كل اللي جهل ناصر هنا يقرونه


لا ياناصر مانجهلك يالقرم شاعر عظيم تشهد لك قيقانك واوزانك وشاعر المليون ان قفى انت في غنى عنه لله درك ياعظيم قصيده انشهد انها جزله

صح لسانك ولاهنت يالقرم

تحيه لشخصك الكريم

صح لسااااااااااانك قصيده جزله من رجال جزل

وقصيده في قمة الررروعه والله

صح لسااااااااااااااااااااااااانك ....:rolleyes:

لا تخلوني معى الاحزان افل غبوني
وين قوم الغيره اللي ضيفهم يرعونه

وان لفاكم شاعر المليون له نادوني
لجل كل اللي جهل ناصر هنا يقرونه

صح لسانك مليون ياناصر على هالدرهـ الثمينهـ