|
جوابٍ على الشاعر محمد بن بداي
بسم الله الرحمن الرحيم
المعذره على التأخير يبو بداي والعنوان لايمكن تعديله والمقصود جواب على الشاعر محمد بداي الشاعر محمد بن بداي المطيري وجه لي قصيده مدحني فيها ابو بداي جعله يسلم ولكن من خلال تدققي ومتابعتي للقصيده ان وجدت ابو بداي استعجزني بربط ثلاثه احرف بقافيةالشطر الاول وهذا النوع اتجنبه دائماً مع الشعراء الا في حاله أني لا اريد الشاعر يرد علي عموما هذا الاتهام وجهته ل اخي محمد عند ماوجدت نفسي عجزان عن مجاراته عموما اخذكم معي تعالو نشوف ماذا قال بن بداي يـا*سعيـد*جـابـت*للخـبـر*بـنـت*بـرقـا وقالـت*شمـوخ*سعيـد*بيّـن*وينشـاف قالـت*يعسـف*الـقـاف*مـطـرق*وطـرقـا والـشـاهـد*إنـــه*حــقــق*الأربــــع*آلآف حــنــا*جـمـاهـيــرك*بـنــنــزل*ونــرقـــا وحنا*ضيوف*الحرف*دام*العشا*قاف مـبـروك*فــي*كــل*الــف*ويبـيـن*فـرقــا حــتــى*تــعــدى*خــانــة*آلآف*الاولاف ويـذيـع*صيـتـك*بـيــن*غـربــه*وشـرقــا وكـلٍ*يعـرف*سعيـد*مـن*كـل*الاطــراف يـفــدى*قـصـيـدك*كـــل*عـنـقـا*وطـرقــا مذيـره*مـاهـي*عـلـى*الـقـرب*مـيـلاف وشوف*البحر*ياسعيـد*كـم*فيـه*غرقـا غرقـا*غـرام*بحـور*مـن*غـيـر*مـجـداف واهـل*الدبـش*لا*نـاض*ف*الجـو*برقـا تـبـاشـرو*بالـخـيـر*مـــن*هالتـكـشـاف وقـلــوب*فـيـهـا*غـــل*وكــبــود*حــرقــا الله*يكـفـيـنـا*الــبــلاوي*والإجــحـــاف والا*الحـسـد*فــي*كـبـد*راعـيـه*عـرقــا ميسـم*علـى*كبـده*ومخطـر*وخطّـاف ومــن*عـامـل*الاجــواد*حـيـلـه*ودرقـــا يلقـا*مصـيـره*قــدم*ويشـوفـه*خــلاف سرقـنـي*الـطـاروق*ياسـعـيـد*سـرقــا وياحـلـو*سرقـاتـه*لـيــا*زان*مـحــراف وهذا ردي على ابو بداي ولايعيبني اذا لست جدير بمجاراتك يبو بداي وقد تكرر عندي كثير من قوافيك فهذا عجز بالشاعر الثاني وليس انتقاص من حق الاول أترككم مع الرد المتواضع والحكم لكم والعذر مني لكم قافن لفاني يطرق الصدر طرقا ماكنه الا مطرق بين الانجاف هيض شجوني واحرق القلب حرقا من شاعرٍ من غبة الشعر غراف موج البحر خلا ضحاياه غرقا واللي نجا منهم رمابه على الجاف من فكر بن بداي ماهوب سرقا اللي فرض شخصيته بين الأطراف انته وانا والثالثه بنت برقا والرابع الجمهور والخامس القاف والله خلق الايام جمعا وفرقا عشنا نموت وبعدنا يأتي اسلاف ويبقا الكلام اللي معانيه ترقا للي يجي من بعد ذا اليوم وخلاف اسمع كلام يخرق السمع خرقا للفتل نقاضه وللحق عراف اعداد ماناحةعلى الغصن ورقا يامرحبا ترحيب بشكال واصناف من بعد ماكانت سما الشعر زرقا غيّم وديّم وانهمر فوق الأرياف* دورت لي مع قمة الشعر مرقا وشبيت لي نارن على راس مشراف لا شافها الميلاف يصعد ويرقا يقلط لها اللي ل الطواريق ميلاف |
رد: جوابٍ الشاعرعلى محمد بن بداي
والله خلق الايام جمعا وفرقا
عشنا نموت وبعدنا يأتي اسلاف ويبقا الكلام اللي معانيه ترقا للي يجي من بعد ذا اليوم وخلاف الله الله ياسعيد جزل ومميز وممتع يابعدي ووافي ومافيك قصور يالقرم والمفردات مهما تكررت ماتعيب القصيده فديتك فانت ياسعيد وجدنا في قصيدتك الحكمه فابيض الله وجهك ومايهون ابن بداي وصح السانك مليون ولايسدون ياغالي تحيتي لك |
رد: جوابٍ الشاعرعلى محمد بن بداي
صح لسانك سعيد
مجاراة جميله راقت لي وأنت شاعر ماينخاف عليك ولايهون المطيري |
رد: جوابٍ على الشاعر محمد بن بداي
الحقيقه محمد وسعيد من أفضل شعار النظم
في هذا الملتقى بدون مجامله ولايهونون الأخوان رديه في غاية الروعه صحت ألسنتهم |
رد: جوابٍ على الشاعر محمد بن بداي
ياسلام ياسلام
صح لسانك ياسعيد وصح لسان ابن بداي كفووووو كفوووووووو شعراء عمالقه وابداااع منقطع النظير لاعدمناكم |
رد: جوابٍ على الشاعر محمد بن بداي
صح لسانك وقلبك يّ ابو محمد ..والله ماتعجز عليك ماشاءالله
والله يعطيك العاااافية .. |
رد: جوابٍ على الشاعر محمد بن بداي
صوت راااائع وصدى أروع لااااااااااااهنتم يا شعراءنا
تحيتي وتقييمي |
رد: جوابٍ على الشاعر محمد بن بداي
بدر الشدادي
سحابة الطائف برق الجنوب فزاع المرشدي فراشه ترانيم المطر بيض الله وجيهكم على الحضور والكلام الطيب تسلمون الله يخلقكم ويحفظهم وجودكم وكلامكم اسعدني وثلج صدري تقبلو شكري وتقديري ولا خلا ولاعدم |
رد: جوابٍ على الشاعر محمد بن بداي
وعليكم السلام ورحمة الله وبركاته ,,
اررحب يابو محمد حيااك الله وحي الله ابو بداي ,, صح الله لساان محمد بداي وصح الله لساانك ولاهنتم شعراء شهادتي فيكم مجرووحه والله ,, وليسى التكرير في القاف عجز منك طال عمرك بل نظر المعنى وجزالة التركيب فقط ماهوب هم القاف يالقرم ,, كل تقديري لكم وخالص تحيااتي والله لاضركم يالغوالي . |
رد: جوابٍ على الشاعر محمد بن بداي
خالد العبيريد تحيا وتبقا وتسلم ي غالي
وشهادة مثلك اعتزفيها وكلك نظر الله يطول عمرك شكرًا على مرورك يبو سهيل ولا خلا ولا عدم تحياتي وتقديري ولا هنت |
رد: جوابٍ على الشاعر محمد بن بداي
من بعد ماكانت سما الشعر زرقا
غيّم وديّم وانهمر فوق الأرياف* دورت لي مع قمة الشعر مرقا وشبيت لي نارن على راس مشراف الله عليك شاعرنآ الإحساس في الأبيات لايحتاج الى تعليق فعلا قصيده قمة ,’ لاجديد مميز ومميز جدآ صح لسآنك ولسآن ابن بدآي |
رد: جوابٍ على الشاعر محمد بن بداي
الله عليك يابو محمد
صح السانك مدد بلا عدد واعتلى بالعز شانك ابيات جزله من شاعر جزل ولاهو غريب عليك دائماً وابداً اسجل اعجابي الشديد بحضورك العذب تقبل خالص شكري وتقديري لشخصك الكريم |
رد: جوابٍ على الشاعر محمد بن بداي
الشاعره العذبه ملكة الحرف والذوق الرفيع
قائدة الريم ارحبي تراحيب مروح الغيّم وياهلا وغلا شرفني حضورك وكلامك الطيب عسى ربي يحفظ هالوجه الخيّر واهنيك على الجايزه التي تستحقينها بلا شك وتحياتي وتقديري ولاهنتي |
رد: جوابٍ على الشاعر محمد بن بداي
بنت برقا
ارحبي ملاين الملايين ترحيبة تكسيك من مفرق الراس لا راس القدم والنعم فيك وانا اخوك اشهد انك وافيه وجمل الله حالك وفالك والكلام لايوفيك حقك يالاجوديه شكرًا على مرورك وكلامك الجزل ويفداك الهزل أنشهد شهادة حق |
رد: جوابٍ على الشاعر محمد بن بداي
صوت وصدى رائع ..صح السانك اخوي سعيد
ابداع متواصل لله درك تقيييمي |
رد: جوابٍ على الشاعر محمد بن بداي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]سعيد محمد القحطاني[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] السموحة منك شاعرنا الكبير لعدم تمكني من الدخول لموضوعك من قبل قدرك كبير وانت شاعر تكتب ببراعة تسلم يمينك وفكرك الجميل ورقي قصيدك دمت بسموك وتقيمي لشخصك المميز |
رد: جوابٍ على الشاعر محمد بن بداي
الا خت العزيزه عاليه الله يعلي منزالك بالجنه صح
بدنك ومشكروره على مرورك الموقر وشادتك وتقيمك جزاك الله خير ورحم الله والديك تقبلي تحيات وتقدير اخوك سعيد وكل عام وانتي بخير وسلامه |
رد: جوابٍ على الشاعر محمد بن بداي
الاخت العزيزه الفلوه ياهلا وغلا ويامرحبا
ومسهلا والله وافيه وعذرك جزل ومصدقه وعندي ثقه منك جعل ربي يخلي لك من ترجينه والوفا طبعك ومن طيب ربعك الله يحفظك شكراًعلي المرور والكلام الطيب تقبلي تحيات وتقدير اخوك سعيد وكل عام وانتي بخير وسلامه |
رد: جوابٍ على الشاعر محمد بن بداي
ابو محمد يسعد لي اوقاتك بكل خير
وقبل كل شئ خشمك فديت ذا الرااس واتهاااامك في محله شكلا وليس مضموووونا لانه يعلم ربي يوم بديت القصيده وكانت كيبورديه القصد كم بيت مشاركه للموضوع لقيت القصيده مشت من نفسها وكانها هي اللي تكتبني وكملت .. لآخر بيت وانا عند ربي صادق انه سرقني القاف ... حسيت بعد ما راجعتها ان سعيد بيفكرني استعجزه اوانها كانت مقصوده ولا كان قصدي ادور من وراها رد لا باستعجاز ولا غيره .... ووجهك ابيض ووردك وااااافي وانت واااافي ولا انت بهافي يالسنافي ما جاك الا الصحيح يابو محمد وانت ابوها وسمها ..............!!!! وتبقى وتدووووووم ... وتسلم |
رد: جوابٍ على الشاعر محمد بن بداي
اقتباس:
رغم تاخرك على الرد الا أني عندي ثقه في كل ماقلت انت انه صحيح وانا والله متابعك شايف ردك ثلاثه أبيات عند التهنيه ومصدقك بس أنا قلتها من باب المزح والمداعبه عساني فدووة خشمك ولا عليك زود في كل شي يبو بداي ورق سنود انت اخو وتمون ولا يردك شي اعرفك مأكل وأحد تحب تغني معه بس من معزتي الف شكر لك ولاهنت وصح بدنك مليون وكلك ولاهنت |
| الساعة الآن 10:20 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
