لو كلّ حرفٍ في قصيدي تكلّم=كانك عرفتي وش معاناة صمتي
عدّي حروفي واحسبي كمّ تألّم=شاعر على قلبه وحرفه حكمتي

وصّيت أنا غالي عن الحال والحلّ=كل من سأل عن حالتي لا تقلّه
من هو سأل فيني فجيبوه ما قلّ=خير الكلام إن دلّهم : ( مات خلّه )

إيه يا جرحي ياللّي من سنينٍ قديمه=طابت إجروح غيري وأنت يا جرحي عتيق

احتفظ بالصمت ويخنقني الكلام=دامني اعرف لقا الفرحه قليل
وابتدي في كل ليله بالسلام=ثم اسامر خاطري وحدي عليل
من يعاتبني فنا مقوى الملام=دام روحي شايله جسمن قتيل
انطعنت وسبة الطعنه ينام=تاركن جرحي على دربه يسيل

كتبت لك يازين مخطوره=واهديت لك عطفي واحساني
لك صورةٍ للناس محضوره=قدام عيني يوم انا الجاني
عيشتني بايام مهجوره=نسّيتني همي وحرماني

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] من يوم قلبي جاك
ظروف الحبّ تمشي به

يا ناشدي عن عزلتي وش طرا لي = لا تنتظر منّي كلامٍ أعيده
فيني ملل من كل صوبٍ رسا لي = من وين ما سيّرت ألقا بريده
شاعر ولكنّي على قد حالي = اكتب عن احوالي بقافٍ أجيده
نسيت كل اللّي كتبته ليالي = وما مضا لي بَخْتِصٍرْه ابقصيده
بعض الصور تجرح طموحي لحالي = لأني لحالي ذكرياتٍ بعيده
ما عاد تجمعني ظروفي بغالي = وما عاد للذكرى حياةٍ جديدة
اقولها والقلب ما هو بخالي = وايدي على ما فيه تخنق وريده
امشي وعيني تنتظر من خيالي = انّه يحاكيني بجمله مفيده
ما كنّي اللّي كنت داله و سالي = واليوم خايف من زمانٍ نعيده
ما عاد لي طَلْبَه وتكفى وصالي !! = اللّي يبي وصلي لقاني سنيده
الله كتب والله أمر سُقم حالي = ولا صبرت الّا وحياتي بإييده
سبحانه اللّي راسيٍ ذا الجبالي = وباسطٍ أرضٍ عليها عبيده
اقولها يا ناشدي ما طرا لي = (إنّ الكلام اللّي نسيته اعيده)