حمام الورق فوق الغصن ساجع=ولاصابه من الدنياء فواجع
ينوح من الطرب ماهوب مثلي=انوح من العنى ضمن المواجع
الامني بغيت اسج وأدله=يجيني هاجس الحرمان راجع
رعاك الله ياورقى حمامه=تراعي خافق ٍ ماهوب هاجع
يجاوب نوحك بونات حزنه=وغدا محروم من حلو المضاجع

الدمـع حـالـة تجـسّـد صــورة الـواقـع = عيني علـى خـدّي اللـّي جرّحـه دمعـي
ربّـك هـو المعطـي وربّـك هـو النـافـع = والّا كـلام البـشـر قــد ضاقـبـه سمـعـي
كـلّ(ن) بمـا نملكـة ياصاحـبـي طـامـع = والحـاسـد إلـيـا نـوانـا نقمـعـه قـمـعـي
لكـن هــروج بـصـدري مالـهـا سـامـع = مغيـر حسّـي لهـا مـوحـي ومستمـعـي
صكّات بقعاء من السامـع ليـا الدامـع = مطبوعـةٍ بأحمـر الـبـارود والشمـعـي
لـكــن تـعـلّـم فـهـيــمٍ حــسّــه الـنّـابــع = ينبيك عن حاصل المضروب والجمعي
إليـا أختلـط موجـة الأصـوات مايتابـع = إلا نـصـايـح فـهـيـمٍ وافــــي الـطـبـعـي

الدمعه الي داخل العين فاحت=منها عروق العين صارت رمادا
والنفس من كثر الشقى مأستراحت=تجهز عليها من الطعون الجدادا
عزااه يادنياي قفت وراحت=اقفت ومعها درسي المستفادا
مدري ليال الخير للناس شاحت=والا البخت زاد البلاوي عنادا
والا ظنون الخلق تالي تلاحت=كل ٍ على ماقيل حايد حيادا
الله على هالوقت كان انتواحت=حرقى وفرقى في نهار العيادا
صبا ولاهي من عوالي نزاحت=ماقلتها لا أهل النفوس السعادا

الندى صار من فوق الغصون=والعيون اسهرني واشغلني
كل ماسبح الخاطر يهون=مع فجوج ٍ وساع ويطربني
يمة الشرق يلي تقدمون=علموا راعي العمله يغني
ضامري ماقوى ظرب الطعون=والعيون النواعس عذبني
ياحنون ٍ على غيري حنون=كيف سلم الهوى من غير فني
عيش في وقتك وحذرا تخون=الخيانه عذاب ٍ مرجهني
وان قويت الخبر حاول تصون=ماضي العهد من قبل التبني
أقطع البحر وإبحر بالظنون=البواخر معك مايسعفني
علق الحلم من فوق المتون=في مفارق جديلك وإمتحني
وأتبع الي على قلبك يمون=لك سراحك ولك معتوق ضني
الخلف صبر قلبي والحتون=دون غايه على نجر ٍ يدني

الصمت والتقدير كنز وقناعه=في ساعة ً حقي على كف يمناي
والي شرا حق النشاما وباعه=لاهو صديق ٍ لي ولاهو من اعداي
ياعين من غر السراب إتباعه=شي ٍ يعقب علمه الرايح الجاي
والبارق الي طال صافي شعاعه=مسراه عيا لايوافق لمسراي
بعض الحقايق مابها من طماعه=والا بعضها يسقي الضامي الماي
مثل الذي صاعه من البين صاعه=واثر السبب من قلة الحيل جزاي
ياصاحبي عطني كلام الوقاعه=رايي على رايك ليا بان لك راي
في منزلك مالي مصالح نزاعه=ياكود انا ضيفك على العز مبداي
وان كان رايك مايجوز إستماعه=الصمت قالوا من ذهب قبل الاقفاي