|
الى عدي المرواني مع التحيه
سلام من باب السلامه على كل المناعير ** لاكنّ بـالطـاروق والمـعـركه مـامن سـلامه
لي صاحب اليا قال كلمه حسبته سالم الزير ** لاكنّ لني جيت في مجلسه مدري علامه |
رد: الى عدي المرواني مع التحيه
صح لسانك عبدالله
وبإنتظآرهـ عدي |
رد: الى عدي المرواني مع التحيه
يامرحبا ترحيب وزن الذهب قيمه وتقدير /////وسلم العرب لبس العقال الحزين مع العمامه
ماني بقايل خير ياطير منت الطير والخير/////عطني علومك ياتهامي تربيت بتهامـــــــــــــــه |
رد: الى عدي المرواني مع التحيه
دام البقاء ياللي ترحب بنا في مجلس الغير ** الله يـعـلم طـيـب من سـاس ولا من غــشامــه
انا علومي خير ياطير ياللي عاجز تـطـيـر ** وان كان طرت اقول هذي علامات القيامه |
رد: الى عدي المرواني مع التحيه
اهلين الماسه صح لسانك وحياك
|
رد: الى عدي المرواني مع التحيه
ماشاء الله
متابعه لكم |
رد: الى عدي المرواني مع التحيه
وينك ياعدي رد ولا سرينا
|
رد: الى عدي المرواني مع التحيه
العرف خانك ياصغير الهقاوي والتعابير///عينك على رجل الجمل والعشاء ذروة سنامه
يالي تصيَح مثل ماتصيح خضراء عمة العير/////وان طال راسك يالغليم مثل راس النعامه |
رد: الى عدي المرواني مع التحيه
حيالله جميع المتواجدين المعذره عبدالله على التاخير
الكيبوورد عندي تعطل غير شكبت اللابتوب على كيبوورد ثاني |
رد: الى عدي المرواني مع التحيه
ان كان ماتعرف سلوم العرب لاتدهن السير ** والرجل يعرف من فعوله ولاهو من كلامه
عـبـدالله يثمنك ويـعرف ويـن إغـطاك والـبـيـر **وان طـــال راسه كيف تقواه يافرخ الحمامه |
رد: الى عدي المرواني مع التحيه
يفوح طيبك يالسناني على درب المسايير////والحمدلله يالسناني على ذيك السلامه الذيب لامنه عوا يذبح جهوم المغاتير////وليا ذبح ناقه عزمنا ولاحنا خصامه |
رد: الى عدي المرواني مع التحيه
لاثارت الهيجاء ترانا عطـيـبـيـن المعايـــير ** وانته من اللي كل ماولّعــت تبرد عـضامه
ترا المـطـيّـه عـقّـلوهـا وشالوها المداوير ** ولاّ عدي اقفى بعدها وهو حامل وســامه |
رد: الى عدي المرواني مع التحيه
الله واكبر يازمن يجمع سنانه مع الغير////اللي عشاهم ماضي الوقت برميل القمامه
من عادتك تمزح وتزعل مثل بيض الغنادير///تكسر علومك على ضلع رضوى يالهلامه ا |
رد: الى عدي المرواني مع التحيه
يكسر علومك ضلع رضوى مثل كسر الهلامه
تعديل |
رد: الى عدي المرواني مع التحيه
سوري ياعبدالله بدون تعديل البيت الاول
|
رد: الى عدي المرواني مع التحيه
اكرمكم اللي يـاكل الـمـيـّتـــه من دون تبـرير ** واطيبكم اللي لاحداه الزمـــــن ياكل حزامه
عادتك تمنع عنك بعض الفرايض والمشاوير ** ماهي غريبه منك وانته عريّ من الكرامه |
رد: الى عدي المرواني مع التحيه
اكرمكم الي ياكل الموز ولحوم الخنازير////واطيبكم الي في جبينه من البطحاء علامه
عادتك ميزه ياعميلي على روس الخوابير////ولاهي غريبه ياحلالاَ تكون في حرامه |
رد: الى عدي المرواني مع التحيه
احرصكم اللي وسط بيته مضارب للسواطير ** واوسطكم اللي غفلت عداه في حزت منامه
ماعاد تنفع لك خوابـيـر يــبــغى لك قـــوارير ** عـــــشــانــك انته مانكفيك غير بطول قامه وصح لسانك ياعدي لا والله الا خربناها باللحيل بس عاد ما باقي شي عن الصلاه وتصبحون على خير |
رد: الى عدي المرواني مع التحيه
الله يعطيك العافيه أخوي عبدالله بيض الله وجهك
|
| الساعة الآن 04:01 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
