|
توديعك اقسى من رحيلك وذكراك ..
السلام عليكم أحبّتي .. الله يمسّيكم بالمسرّات
دونكم الجديد يا هل القصيد .. ض25 <<أنفع محرّج ؟! ض38 توديعك اقسى من رحيلك وذكراك قال الوداع .. وقلت: يا حَرّ فرقاك !!=يا طول ليلي بين فقدك ، وطاريك !! ودعتني بالأمس واليوم ناداك=دمع الرجا قبل المشاعر تناديك توديعك اقسى من رحيلك وذكراك=ليتك بلا توديع فارقت مغليك حبستني ما بين باب ٍ وشبّاك=رحَلت قبل اسمع بقايا حكاويك يا تنتظر .. ياتعلّم القلب ينساك=والّا توصّف لي دروبك واوافيك لاوين رايح ؟ وين يا صاح ابلقاك ؟=وين اهتدي لك كان طالت مساريك ؟!! يا جعل ربّي وين ما رحت يرعاك=الله يحقّق لك طموحك وامانيك اليا خذاك البُعد عنّي وبطّاك=سلوان نفسي في تعاليل ماضيك ان ضاق صدري من صدودك وجفواك=افتح مكاتيبك واناجي طواريك أقرا حروفك وابتسامتك واقراك=واتخيّلك تقرا عتابي .. واواسيك في ناظري حلم ٍ تهنّى بلاماك=وفي خافقي طير ٍ يتابع خطاويك أضويت لك بين المجرّه والافلاك=شوق ٍ يهادي خطوتك يمّ غاليك توديعك اقسى من رحيلك وذكراك=ليتك بلا توديع فارقت مغليك وسلامتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
الله الله ابيات رائعه يسلموا الايادي
يا يا مبدع |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة موسى ابومشهور [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الله الله ابيات رائعه يسلموا الايادي يا يا مبدع تسلم اخوي .. موسى لا هنت ع المرور والتعليق .. والابداع وجود قلمك على صفحتي المتواضعة والمعذرة ع التنسيق .. لكن منتظر فزعة / المشرفين [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
حبستني ما بين باب/ن وشبّاك=رحَلت قبل اسمع بقايا حكاويك
يا تنتظر .. ياتعلّم القلب ينساك=والّا توصّف لي دروبك واوافيك الله عليك ابيات كتبت بماء الذهب كتبت فأبدعت وامتعت صح السانك مدد بلا عدد تقبل تقييمي وخالص تقديري لشخصك الكريم |
رد: توديعك اقسى من رحيلك وذكراك ..
صح السانك على النص الجميل
|
رد: توديعك اقسى من رحيلك وذكراك ..
وعليكم السلام والررحمه ,,
مساك الله بخير ورضاء ,, ياهلا اررحب ياحبيب حياك الله ,, صح الله لسانك وصح قلبك وكلك ولاهنت على هالمعزوفه الجميله جدا ً ,, تحياتي وتقديري لك وإنتظر المزيد من العزف الجزل . |
رد: توديعك اقسى من رحيلك وذكراك ..
حبيب ،، لاجديد ،، جزاله متكرره ،، وأبداع مستمر ،، ماشاءالله تبارك الله ،،
أنا متأكد ،، من يدخل ويقرى هالقصيده ،، أتحداه يطلع من غير مايرد ،، لله درك يابطل ،،، أقتبست بيت ، ومن غير قصور فالأبيات الأخرى ،، بالعكس القصيده من أول بيت إلى آخر بيت قمه وربي ، بس هالبيت كان قصيده لحاله من وجهة نظري / في ناظري حلم ٍ تهنّى بلاماك وفي خافقي طير ٍ يتابع خطاويك صح لسانك ياكحيلان ،، شاعر متمكن إلى أبعد الحدود ،، الله لايضرك ، |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة بنت برقا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] حبستني ما بين باب/ن وشبّاك=رحَلت قبل اسمع بقايا حكاويك يا تنتظر .. ياتعلّم القلب ينساك=والّا توصّف لي دروبك واوافيك الله عليك ابيات كتبت بماء الذهب كتبت فأبدعت وامتعت صح السانك مدد بلا عدد تقبل تقييمي وخالص تقديري لشخصك الكريم صح الله بدنك يا بنت برقا .. تسلمين على حرفك الكريم ومرورك الراقي .. والاطراء الجميل أشكرك جزيل الشكر .. ولك اغلى التحايا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة ابـونايف الروقي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] صح السانك على النص الجميل انت الأجمل شاعرنا .. ابو نايف تسلم .. ولا هنت [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
صح لسسسسسسسسسسسسسسسسسسسسسانك والله ينوووووووووووووور قلبك
|
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وعليكم السلام والررحمه ,, مساك الله بخير ورضاء ,, ياهلا اررحب ياحبيب حياك الله ,, صح الله لسانك وصح قلبك وكلك ولاهنت على هالمعزوفه الجميله جدا ً ,, تحياتي وتقديري لك وإنتظر المزيد من العزف الجزل . هلا بك مبدعنا وشيخنا ومشرفنا / خالد .. ما عليك زود يالسنافي .. وابشر بالخير يا وجه الخير صحّ الله بدنك يالامير .. وأسعدتني بهذا الحرف الراقي والمرور المبهج للنفس بارك الله فيك .. ولا هنت أغلى التحايا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة متعب الثقيل [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] حبيب ،، لاجديد ،، جزاله متكرره ،، وأبداع مستمر ،، ماشاءالله تبارك الله ،، أنا متأكد ،، من يدخل ويقرى هالقصيده ،، أتحداه يطلع من غير مايرد ،، لله درك يابطل ،،، أقتبست بيت ، ومن غير قصور فالأبيات الأخرى ،، بالعكس القصيده من أول بيت إلى آخر بيت قمه وربي ، بس هالبيت كان قصيده لحاله من وجهة نظري / في ناظري حلم ٍ تهنّى بلاماك وفي خافقي طير ٍ يتابع خطاويك صح لسانك ياكحيلان ،، شاعر متمكن إلى أبعد الحدود ،، الله لايضرك ، هلا والله وغلا بشاعرنا الراقي والجميل / متعب .. وش اقول ووش اخلّي .. ألجمتني حروفك يالغالي بالتأكيد هذا فوق ما أطمح إليه .. وبالمناسبة: انتقاء البيت أعلاه يدلّ على خبرة وذوق راقي ، والبيت من أفضل أبيات القصيدة المتواضعة اللي رفعها مرورك وكريم حرفك تسلم ولا هنت .. ما عليك زود ، وترى ما نجي حول ما تكتب شئ تريليونات من الشكر وجزيل التحايا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
صح لسانك وقلبك وكلك ابدعت جزل ومن راس جزل الله يبقيك ويديمك ونسمع جديدك
يالغالى لاهنت عندي ملاحظة بسيطه ياليت توضح لي بالبيت هذا يــا تنتـظـر .. ياتـعـلّـم الـقـلـب يـنـسـاكوالّا تـوصّـف لـــي دروبـــك واوافـيــك الوزن مكسور ياليت توضح لى انا غلطان او لا |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة الوزن الثقيـل [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] صح لسسسسسسسسسسسسسسسسسسسسسانك والله ينوووووووووووووور قلبك هلا بك وغلا .. شرّفت صح الله بدنك وتسلم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة علي العنزي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] صح لسانك وقلبك وكلك ابدعت جزل ومن راس جزل الله يبقيك ويديمك ونسمع جديدك يالغالى لاهنت عندي ملاحظة بسيطه ياليت توضح لي بالبيت هذا يــا تنتـظـر .. ياتـعـلّـم الـقـلـب يـنـسـاكوالّا تـوصّـف لـــي دروبـــك واوافـيــك الوزن مكسور ياليت توضح لى انا غلطان او لا هلا وغلا ومسهلا .. شرفت متصفحي المتواضع .. لا هنت ، وتسلم ع الاطراء ، وابشر بالجديد والقديم :) بالنسبة لما ورد في حديثك عن الكسر .. كسر الله عدوّك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] فـ بالطبع - لا يوجد ، ولا حتّى ثقل .. لماذا؟!! الجواب: لأنّ الشعر بالالقاء وليس بالكتابة الألف لا يُنطَق يعني: تصير كذا بالنطق (ي تعلّم) أو (يـ تعلّم) أغلى التحيات [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
اخوي الحبيب بعلم العروض والتقطيع اذا سبق حرف الالف ياء او واو فان الالف لايحذف اذا كان موجود
كلامك صحيح الشعر بالالقاء لكن انت اخطئة بالكتابه كان عليك ان تكتبها كذا (يتعلم ) تحياتى لك وشوكرا لك على رحابة صدرك |
رد: توديعك اقسى من رحيلك وذكراك ..
هلا بك حبيب قصيد وكلام لا يكتبه إلّا المتمكن
راقي برقي فكرك وجمال حضورك أخوي صح لسانك حتى ترضى تقبل مروري وموفور الاحترام شاعرنا أخوكـ عبد العزيز الهزاع |
رد: توديعك اقسى من رحيلك وذكراك ..
ياخوي علي .. الله يرضى عليليك
لو خضنا في علم العروض راح تتعب وأتعب .. وفي الأخير راح أقنعك بالدليل والأمثلة كثير على أنّ التقطيع العروضي على الورق فقط .. وراح اقنعك بأن التقطيع العروضي كسر أبيات ليست مكسورة خذ مثال: (يا حسين قلبي من الـ.... الخ) .. الله يرحم والديك لا تجيني تقول: نكتبها كذا: يحسين !!! ابعدنا عن التقطيع الفاشل بارك الله فيك .. عندك شئ ثاني غير التقطيع .. حياك الله |
رد: توديعك اقسى من رحيلك وذكراك ..
اقتباس:
المشاركة الأصلية كتبت بواسطة عبد العزيز الهزاع [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] هلا بك حبيب قصيد وكلام لا يكتبه إلّا المتمكن راقي برقي فكرك وجمال حضورك أخوي صح لسانك حتى ترضى تقبل مروري وموفور الاحترام شاعرنا أخوكـ عبد العزيز الهزاع هلا وغلا اخوي الشاعر / عبدالعزيز الهزاع بارك الله فيك يالأمير .. الله لا يهينك يالغالي على هالاطراء اللي حرفي وأنا دونه صحّ الله بدنك تريليونات .. شرّفتني وشرّفت صفحتي .. أجزل الشكر وأغلى التحايا لسموّك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: توديعك اقسى من رحيلك وذكراك ..
اخوي حبيب
للعلم,,,,, العروض هو المرجع الاساسي لتاكد من سلامة القصيده 100% وهو مرجع كبار الادباء والنقاد وانا اعرفه ولا ابى اتعبك معى واخوض بعالم اخر ,,,,,, لكن الواضح صدرك ماهو وسيع مع العلم انا مانتقدتك بشيء ولايوجد شيء تقبل مرورى وتحياتى وودى ,,,,,,,,, |
رد: توديعك اقسى من رحيلك وذكراك ..
حبيب شاعر مبدع وجزل ،، وشاعريته مايختلف عليها إثنين ،، وأبصم بالعشره عليها ،،،
وعلي ناقد وشاعر بنفس الوقت ،، وأسلوبه جميل وحظوره أجمل ،،، الإختلاف في وجهات النظر عادي ،،، والشطر ماهو مكسور ولا شي وسليم ميه فالميه ،، من غير ماندخل في علم العروض ولاهم يحزنون ،،، أخلاقكم الثنين عاليه وكلكم مثقفين وواعين ،،، والموضوع منتهي ،، وروقونا الثنين ولا ترى بزعل ،، |
رد: توديعك اقسى من رحيلك وذكراك ..
هلابك اخوي متعب الله يحييك وخليك ,,,,,,
الحبيب غني عن التعريف واذا انت تبصم بالعشره على شاعريته فانا اشهد عليها 100% الحبيب وضح لى نطق الكلمه بدل من الكتابه وصار البيت واضح وهذا الاهم يعنى استفسار فقط وانا من المتابعين له ولجديده ويكفي تواجدى بين طيات حروفه المتشبعه بالجزاله ,,,,,, كل الشكر لك اخوي متعب والله يشرح صدرك وييسر امرك يالقرم ,,,,,,, تحياتى لكم ودمتم بود |
رد: توديعك اقسى من رحيلك وذكراك ..
الاخ الغالي والشاعر المبدع / متعب ..
أتعبتنا بطيبك يا طيّب الأصل .. لا خلا ولا عدم تسلم .. ولا هنت يا بعد راسي --------------------------------------------------------- الأخ والشاعر / علي .. صدري اوسع من فجوج نجد .. الّا عند ذكر التقطيع العروضي ههههههههه كان كلامي واضح ياخوي .. والقصد بالابتعاد عن هذا الفنّ هو: انّه شاب راسي من المناقشات حول هذا الفنّ اللي ما يصلح للنّبطي نظراً لاختلاف لهجة الشعبي عن الفصيح ، وبالتالي: الكتابة لا هنت .. وتسلم |
| الساعة الآن 01:57 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
