انفطر سمعي ولا حصلت لي سماعه=يالله المعبود صبرها على مافيها

والبلا في جوف قلبي زاد فيه اوجاعه=والمصايب من على راسي وطت رجليها

لا بغيت اسج كن في داخلي ولاعه=تشتعل وتشب روحي والبلا غاشيها

الجسد والنفس وعروق الحشا ملتاعه=والبلاوي ترتكي فوقي وانا ما ابيها

يعلم الله كني اللي ماسكٍ رضاعه=يرضع من هموم ذولا الناس ويداريها

ما قويت اشل حملي يوم هد ذراعه=لكن الماطور في جوفي كشف ماضيها

يا حليل الكلمه اللي جاتني مرتاعه=من زمان الضيم وانا ادور لحاضيها

راكب اللي ما بعد غير وفك ذراعه=ورده عبد اللطيف وقيمته حاميها

والعلامه من تيوتا واسرفت ببداعه=لا شلع صفيرته تاخذني بطاريها

شاص متكامل وحس الليث جوف اضلاعه=والبدي يسلب عيون الناس ثم يعميها

نص مرسولي على اللي زاكيات اطباعه=ما مشا في زلةٍ والناس ما يذيها

راعي الوقفات من هد السبق باسناعه=لا حضر في ساعة الهيه تسيد فيها

قل له ان قلبي تفطر والبلا في قاعه=والعنى من فوق راسي سطوته مرخيها

والسبب فرقا هنوفِ حللت مزاعه=تمزع الشريان والصمام جوف ايديها

لحظها مثل الوحش له سطوةٍ بتاعه=صابت عروق الجسد برموشٍ اتقديها

والخصر لا مال مالت روحي الزواعه=والمواري كلها ياويش با يوفيها

سلم المرسول واقبل صوبنا في ساعه=وانتبه لا ترقب المدات من راعيها

حالتي من جور ما فيها غدت طواعه=عقب ما كان العناد وغيها غاشيها

صصصح لسآنك ولآفاض فووضك ..

نص شآمخ آمتعتنآ ..

لآعدمنآ جديدك ..



.

المشاركة الأصلية كتبت بواسطة آنثى بشموخ القبآيل (المشاركة 38237) صصصح لسآنك ولآفاض فووضك .. نص شآمخ آمتعتنآ .. لآعدمنآ جديدك .. .

انثى بشموخ القبايل

صح بدنك وتسلمين على المرور الجميل والاطراء

والله لا يحرمنا طلتك الرائعه

تقبلي تحياتي وخالص تقديري

لحظها مثل الوحش له سطوةٍ بتاعه
صابت عروق الجسد برموشٍ اتقديها
والخصر لا مال مالت روحي الزواعه
والمواري كلها ياويش با يوفيها
ابيات قمه في الروعه .. ابدعت وننتظر جديدك .



تحياتي .