|
بين الوصل .. والقطاعي.
يسعد مساكم بصراحه انا لاأجيد المقدمات لاكب اترككم مع هذه البسيطه وقلبـي اللـي بيـن الاضـلاع فاعـي ـــــــــــــــ فوع اشقرن شاف العشى من عقب جوع على الـذي بيـن الوصـل والقطاعـي ــــــــــــــــ لا واصـلا حبـه ولا هـو بمقـطـوع لااقبلـت لـه يقفـي وفيـه ارتياعـي ــــــــــــــــ ولااقفيت يقبـل كـن ماهـو بمريـوع انا اشهد انـه شـل جسمـي رباعـي ــــــــــــــــ والقلب من فعله مـن الصـدر مقلـوع هو الـذي سبـب خلـل فـي شراعـي ــــــــــــــــ الين صـرت بمركبـي منـه مجـدوع هـو الـذي غيـر جميـع الطبـاعـي ــــــــــــــــ واسبابهـا مابالحشـى منـه مطبـوع وش الـسـواه بـواحـدن مايـراعـي ــــــــــــــــ كسر مشاعـر صاحبـن لـه بـلا دوع لو هو يبي ذبحي ترى امـره مطاعـي ــــــــــــــــ لارادعـن نفسـه ولا هـو بـمـردوع فـي غيبتـه ماعـاد ان لـي داعــي ـــــــــــــــــ مفجوع فـي قربـه وفالبعـد مفجـوع وليـا بغينـا شوفـتـه فاجتمـاعـي ـــــــــــــــــ اهون علينـا مـن هـذا حبـة الكـوع وليـا بغيـنـا تركـهـم والقـلاعـي ــــــــــــــــ كـن الفـؤاد براحـت ايديـه مجمـوع راحت سنه وانـا معـه فـي صراعـي ــــــــــــــــ اصيح له باسمه وانـا غيـر مسمـوع وبكيت انا مـن حيـن حـان الوداعـي ـــــــــــــــــ والعقل في بيتـه مـن العـام مـودوع وسلامتكم |
رد: بين الوصل .. والقطاعي.
صح السانك يا يا يا تركي الصنهات كلمات روعه
تشكر عليهاا ننتظر من المزيد هع تحياي وشكري |
رد: بين الوصل .. والقطاعي.
يااااالبيه يابو صنهاااات ...
لك مني احلى لحن قريبا ... |
رد: بين الوصل .. والقطاعي.
الله يصح لسانك يا ابو صنهات على ذالمعزوفه الراائعه
ابدعت واستمتعت بهذا النص المفعم بالجزاله |
رد: بين الوصل .. والقطاعي.
صح لسسانك نصصص جزل
ولاكم عندي ملاحظه .. هذا الشطر فـي غيبتـه ماعـاد ان لـي داعــي شكل عندك .. غلط مطبعي .. ؤدي |
رد: بين الوصل .. والقطاعي.
الله الله ابداع يا ابو صنهات كلام كيــر
تسلم يمينك والقلم هههههههههههههه |
رد: بين الوصل .. والقطاعي.
ارررررررحب ياتركي بعد الغيبه .. من طول الغيبات جاب الغنايم .. قصيده لامست القلوب .. ياسلام عليك ياتركي .. يقولون ما ابطى بالسيل الا كبره وانت هنا جئت بالجزله ..
أخي العزيز تركي البيت اللي اشار فيه اخي هاجوس فيه خلل .. ولو قلت في غيبته ماعاد لي اي داعي شاعر كبير وشهادتي فيك مجروحه .. اخوك أمير الشريف |
رد: بين الوصل .. والقطاعي.
صح بدنك
يامبارك الشمري شرفتني بمرورك |
رد: بين الوصل .. والقطاعي.
حياك يابو مسلط
وانا بدونك ولاشيء يالامير شرفتني بمرورك |
رد: بين الوصل .. والقطاعي.
شكرا لك يامحمد المري
على مرورك وصح بدنك |
رد: بين الوصل .. والقطاعي.
اقتباس:
هوجاس شكرا لك على مرورك ..وملاحظتك وصح بدنك ياصاحبي اما عن الملاحظه فهي نقص حرف الالف بخطئ مطبعي مثلا كما وجدت ...فـي غيبتـه ماعـاد ان لـي داعــي ولو لم ينقص هذا الحرف لكان هكذا وشكرا فـي غيبتـه ماعـاد انا لـي داعــي وسلامتك |
رد: بين الوصل .. والقطاعي.
محمد الوريكي
اهلابك يابو فداع شرفتني بمرورك ياسنايدي سلملي عليك |
رد: بين الوصل .. والقطاعي.
اقتباس:
..؟ ومن قال يرحب وابشرك انشاء الله كل مشاركه تجي اللي بعدها اقوى منها اما عن الملاحظه خطئ مطبعي نقص بها حرف وهي هكذا ... فـي غيبتـه ماعـاد انا لـي داعــي. وشكرا على تعديلك |
رد: بين الوصل .. والقطاعي.
صح لسانك ياتركي
شاعر جميل ابدعت بهالزاخره تحياتي لك |
رد: بين الوصل .. والقطاعي.
هلا فيك ياسلطان
الزاخر والله مرورك وتشريفك صح بدنك |
رد: بين الوصل .. والقطاعي.
تركي صنهات
صح لسانك وعتلا شانك لاهنت قصيد جزل يعطيك ربى الف عافيه على تميزك وروعه ابياتك تقديري |
رد: بين الوصل .. والقطاعي.
الله الله عليك وصح الله السانك قصيده رائعه كروعتك
ودي وتقديري |
رد: بين الوصل .. والقطاعي.
صح لسانك
نص جميل واهنيك اسلوبك رائع |
رد: بين الوصل .. والقطاعي.
تركي صنهات
تسلم يمينك اخوي على هــ القصيدة الجزلة والمعاني الراقية ودي وتقديري |
رد: بين الوصل .. والقطاعي.
اقتباس:
الفلوه صح بدنك أختــــــاه وعلا شأنك شكرا لك على مرورك المميز تقبلي تحيات تركي صنهات |
رد: بين الوصل .. والقطاعي.
الصقر الجارح
شكرا لك على مرورك شرفتني تحياتي |
رد: بين الوصل .. والقطاعي.
رائد العصيمي
لاهنت على مرورك المشرف صح بدنك ياصديقي تحياتي |
رد: بين الوصل .. والقطاعي.
انساني
تسلم يمينك على هالمرور الطيب واهلا بك في متصفحي بكل وقت تحياتي |
رد: بين الوصل .. والقطاعي.
ابدآآآع صح السآآنك ي الطيب ويعطيك العآفيه |
رد: بين الوصل .. والقطاعي.
اقتباس:
صح بدنك ياراعية الخفجي شرفتيني بمرورك ونور متصفحي |
| الساعة الآن 10:28 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
