الملتقى الجماهيري للشاعر محمد بن فطيس المري - مقتطفات شعرية 2

كثرت مشاريه خلق الله على الفاضيّ
ويالله جنّب مدا ضيقي بـ تعاملها

من العُمر يكفي مدّ فنجالً لنا راضي
صديقٍ لزلتي… طاب وتحمّلهاا

هذاك من غيم عمري برق له ناضـي
تمسي جمايل عنْه ويصبح مجمّلهاا

__

جرعة تفاؤل

آكل تجارب سنيني وآشرب أيامي
يوم إن غيري فضاوة : يآكل و يشرب

عن شرهة أوراقي باقي صبر الأقلامي
لو يبعد الحلم ؛ بإذن الله - لي يقرب

__
الله أكبر ؛ تلاشى ضيق تفكيري
لاقال حي على الفلاح ، يمهلّي

ياشر الأيام ، ربّي ضامنٍ خيري
إبليس أبدعس على غاربه واصلّي

صحيح شاعـر طويلات ٍ مشاويري
بس أحمد الله ماني شاعر مولّي

__

طالبك يالله عز ٍ فالصدارة
قبل عيني لاتغمّض بالمنيّـه

وجنّب دروبي مواقيف الخسارة
وثبـّت الـقول بلسـاني هنيّه

والشعر ماهو بمكسبّ لي واثاره
والخطام بيدّي و سقت المطيّة

العدو جحش رضع ديد الحماره
ا متلّحفٍ ذل العنا والمهمهيّة

__

شاعرً لاجاء ضغط قافه مرتفع
مايسرج الجزلة ولايصهل مداه

وشاعرً لو كتب شطرْ منه انتفع
صح الله لسان ٍيشرّف مستواه

__
بعْت القصايد غلا وجروْح
وشريت جرحي غلا وأيقنت

دام المحبّـة لها مصلوح
ياليتَني جاهل ٍماأعلنت

رغم الشقا و العنا و النوح
باقي بقلبي مثل ما أنت

__

على ثلاث أحمد المعبود
إنسان ً ومسلمُ ُو عنزي

و الله يعز راية بن سعود
ولاخاب من هو بنا يعتزي

__

عزّك معزّة صاحبك بالقلب لك قدرٍ عزيز
بعدّ أمي وأبوي مع أخواني لك بطيب اعتزي

كان السعوديّة لهـا خيرٍ بعد عبدالعزيز
عين ٍاشوف ابها تميمي ، عينٍ أشوف ابها عنزي

صلّى الله وسلّم على محمّد وذا قولٍ وجيز
بني وايل تعز تميـم ، تميم لوايل تعتزي

… يتبع قريباً