|
عطيتني وجهك وانا جيت كلي .. للشاعر سالم بن صليم بمشاركة بن فطيس المري
السلام عليكم ورحمة الله وبركاته طبعا الكل يردد البيت الجميل والمشهور ...عطيتني وجهك وأنا جيت كلي ... الخ البيت , بيت يتيم كتبه الشاعر سالم بن صليم وهو كاتب في جريدة اليوم السعوديه وناقد وشاعر معروف التقى في أحد الأيام بالشاعر محمد بن حمد بن فطيس وسمع البيت وأعجب فيه وعرض عليه التحدي بأن يكمل عليه أبياتاً أخرى وبالفعل نجح بالتحدي لكون ابو حمد شاعر موهوب ونشر القصيدة كاملة جريدة اليوم في حينها ونعرضها لكم هنا للتوثيق وحفظ حقوق الشاعر سالم بن صليم في البيت المشهور:
ماهو بكيفك عقب شيٍ حصلي من ذوّق المحتاج يصبر الى احرجْه خليتني من حلو حاليك احلي واصبحت مدمن حب والقلب روّجْه بين العروق وصار مافيه " ملي " الا وله جُرّه تمرّه وتسهَجْه وذود الغلا في عشب قلبي تفلي وتراب صدري للمطر منـْك ما احوجْه يمحل الى صدّيت ويموت يا اللي صديت عنـّه والله احياه واخرجْه ولي خاطر ٍ يسألـْك من لي ياخلي؟ غيبتـْك تلعب به وشوفتـْك تبهجْه ولي عين حالي دمعها لك يهلي وانْ رحْت راحت مالح الدمع تزعجْه غالي ولا يحتاج بسّك تغلي غلاك اخذ قلبي وروّضـْه واسرجْه ولو قلت ياعيني بصدره تملي شافت خفوق ٍ حبك الذرْب توّجْه وماهو على كيفك عقب ما حصلي من ذوّق المحتاج يصبر الى ازعجْه (عطيتني وجهك وانا جيت كلي محروم والمحروم ما ينعطا وجْه) |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
صح السنتهم والشاعر سالم صليم شاعر جميل وابو حمد بوابه لكل ماهو جميل
مشكورين على التوضيح واجزم ان هناك الكثير لم يعلم صاحب البيت الله يعطيكم العافيه ولاهنتم ض29 |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
مبدعين ما شاء الله عليهم
وتكمله للبيت الأول من شاعرنا الغالي ابو حمد كانت في قمة الجزاله ولا هنت اخوي مركاز على النقل الممتع ودي |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
وعليكم السلام ورحمة الله وبركاته ,,
ارحب يامركاز حياك الله ,, صح الله السنتهم وصح كلك ولاهنت على هالمجهود الطيب ,, كل تقديري وشكري لك . |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
لا هنت اخوي مركاز
ملاحظ من تقديمك ان هناك مشكله حصلت .؟ . صح لسان ابو حمد |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
الشاعر / محمّد بن فطيس المرّي .. ما فيه حيلة
وأتوقّع هذه الأبيات كتبها كيبورديّة أو حتّى ألقاها في وقتها وهذا يعتبر شئ سهل بالنسبة لشاعرنا الجزل شكراً ع الطرح الراقي |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
وعليكم السلام ورحمة الله وبركآته
اخوي مركآز تسلم على النقل والملاحظه معلومه جديده لاهنت عليها وصحة السنة شعرائنا المبدعين |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
صح الله ألسنتهم ...
لاهنت ي الغالي .. |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
ولي خاطر ٍ يسألـْك من لي ياخلي؟
ثٍـآنكسسسً آلوؤت ،، صحًت السنتهٍممم تقبببلً مروريً =) |
رد: عطيتني وجهك وانا جيت كلي .. للشاعر سالم بن صليم بمشاركة بن فطيس المري
و عليكم السلام و الرحمة صح السنتهم جمييع و لا هانواا بحق بو حمد مُبدع و ربي تحية لشخصه الكريم ض29 خووي مركاز تسلم على الجهود الرائعة دُمت بخيير و سعادة |
| الساعة الآن 03:16 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
