ياعـود ياريـان ياضـامـي الـقـد=ياموحش العينيـن نظرات وأهداب



وش قد مخزون الوفاء فيـك وش قـد ..؟=أخاف من شوف الحبل وأذكر الـداب



إن كـان منهـا و"المحـبـه" ولابــد=وف الشروط التاليه : وأحسب حساب .!!



ماهـو تكبـر لا وربـي علـى حـد=بس الشـروط أنـوار ماتنتـج عتـاب



عطني صدوق "الود" وأخـذ "الوفـاء" رد=ولاتجـدد بالجفـا جـرح مـاطـاب



وإن شفتني (مغليـك) حـذراك والصـد=ترى التغلـي درب تشتيـت الاحبـاب



ولا(يغـرك) مـن يقـول أثقـل وشـد=ترى أغلب الفرقاء من أشوار "الأصحاب"..


وفـاى دايـم دام حبـك معـي جـد=وألبسك مـن صـادق الـود جلبـاب



ماني بمن حبه نـزل يـوم ثـم شـد=عقيم كان الوصل له سـاس وأطنـاب



قلبي لمن حبـه سنـاء بـرق وأشـد=وللخاين اللي خان به خافـق غـراب



هاذي "شروط الحـب" ياصافـي الخـد=وافقت ..! والا (خذ معـك قبضـه البـاب)

ولاتـــــــــجــــــــــدد بــــالـــــجـــــفـــــا جـــــــــــــــــــرح مـــــــــاطــــــــــاب



صح لساااانك ياالمحيط الهااادي ابدعت والله يحفظك واتمنالك المزيد من هالابداااع والتمييز ...