ياباب اشوفك يوم مريت مصكوك ... الشاعر محمد بن فطيس المري
قصيدة بعد ان مر محمد ابن فطيس بيت ابو خلف القديم و وجد الباب مغلق والليتات طافيه
.... ياباب اشوفك يوم مريت مصكوك=خابرك عشر سنين مفتوح ياباب ونصف العرب من طيب راعيك دلوك=وتلايموا في حوشك اصحاب واجناب امشرع ٍ ماوقفوا بك وطقوك=ومنصور بالدله ولايوم قد غاب لو دربهم من شرق لفوا ومروك=ولو دربهم من غرب ماعنك مجناب والشارع مسكر بناس ٍ تنصوك=ربع وبني عم ومسايير واحباب في مجلس ٍ فرشه من الناس مدهوك=الطيب عمدانه والافعال الاطناب كل الشرايح جاتك اشيوخ وملوك=ومن زاد راعيّك على كل ماطاب ابوخلف عون الخوي مخلي البوك=للحيل ذباح وٍ للعود حطاب ينفع ولا يبغي من الخير مشروك=ينفع لوجه المعتلي رب الارباب ماهي بنفعة كل مشروك مبروك=مزروعي ومن روس عطران الاشناب ياباب عقب الزحمه اليوم متروك=امسكر وخالي ولا ليتك بشاب شدوا هلك منك وراحوا وخلوك=وفرقاك ماهانت لكن هذي اسباب شدوا بامر من يخلي بمده ابنوك=ويقطع لك ارقاب ٍ ويعتق له ارقاب شدوا بامر شيخ ٍ فرج كل مضنوك=الشيخ ابو خالد به الضن ماخاب من جاه من جور الزمن يبلع الشوك=عود على ربعه لهم درع وحجاب آ مر على بيته وخلاه مدكوك=وبناه قصر وبدل الباب بابواب ترفع له البيضا ع راس مكوك=ويصعد بها للجدي والعز هباب عوض ضيوفك قصر مبني ومسبوك=ونصفه مجالس ماتسكر ببواب في كل حزه للمسايير مفكوك=وصفر الدلال اتفوح والجمر شباب محمد بن حمد بن فطيس المري |
رد: ياباب اشوفك يوم مريت مصكوك ... الشاعر محمد بن فطيس المري
صح لسان الشاعر محمد بن فطيس وربي انك شاعر يابوحمد وياشين الباب لاصار مصكوك
تعجز حروفي عنك ياابوحمد هياف السبيعي |
رد: ياباب اشوفك يوم مريت مصكوك ... الشاعر محمد بن فطيس المري
الله عليه شاعر ولا له مثيل في اغراضه
وله اسلوبه الخاص المتفرد في المدح ض29 صح لسانك يابو حمد مليون ولا يكفون .. كيف بدأت القصيده بحسره على الباب القديم .. وختمتها بمسك في ابو خالد ابو خالد يستاهل كل علم غانم ومحد يلومك في حبك له من حبك لها حبيناه وزاد حبنا له ض29 لاهنتم اخواني على اطلانا بجديد ابو حمد وموفقين ان شاء الله |
رد: ياباب اشوفك يوم مريت مصكوك ... الشاعر محمد بن فطيس المري
ماشاء الله
صح لسآنه محمد شاعر فريد |
رد: ياباب اشوفك يوم مريت مصكوك ... الشاعر محمد بن فطيس المري
شاعر لن يتكرر
الله عليه هكذا يكون الشعر والاّ لعله مااااااا يكون تحياتي وتقديري ترانيم المطر |
رد: ياباب اشوفك يوم مريت مصكوك ... الشاعر محمد بن فطيس المري
الله الله صح السانك يابوحمد ملاييين
تحيتي لك |
رد: ياباب اشوفك يوم مريت مصكوك ... الشاعر محمد بن فطيس المري
شهادتي مجروحه في الشاعر ابن فطيس
صح لسانكــ واعتلا شانكـــ |
رد: ياباب اشوفك يوم مريت مصكوك ... الشاعر محمد بن فطيس المري
محمد بن فطيس الشهاده فيه مجروحه
قصيده من اروع القصائد يسلم راس قايلهااا ولاهان ناقلهااا |
رد: ياباب اشوفك يوم مريت مصكوك ... الشاعر محمد بن فطيس المري
فريق عمل الموقع
الف شكر على الدعوه وصح لسان ابو ابوحمد مايحتاج منى شهاده الله يوفقه |
رد: ياباب اشوفك يوم مريت مصكوك ... الشاعر محمد بن فطيس المري
اقتباس:
... مافيه حيله .. أبياااات محبوووكه حبك فريق العمل .. الفين تحيه وسلاااااااااام وحبتين بعد |
الساعة الآن 04:06 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010