|
#شعر #خليل_بن_هدلان
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
المكارم والشيم من لا يشمِّر للمواقف كمومه مازاح له همٍ ولا نال ناموس ما تستره بين الخلايق همومه مادام ما يلبس من العز ملبوس واللِّي على الشدَّه ضعيفه عزومه تدوسه الدنيا تحت رجلها دوس وسيفٍ يخبَّا بالقسا وش لزومه لاصار ماهو باللقا ينسف الروس ومن لا تعدّي دون حدّه سهومه عقب التروّس يصبح الصبح مريوس الخلق ماهي في بعضها رحومه من طاح تبطش به مخاليب وضروس من دون حقك لو تطول الخصومه خلك جبل صامد وجوس الخطر جوس ولا تلتفت للشر لاصار حومه عنّك بعيدٍ بين ناحس ومنحوس وابعد عن انذال الزمان ورخومه لاصار واقعها من الحقد متروس لو بعضهم يحضى صلاته وصومه يفرح ليا شافك من الوقت محبوس لو كان قدَّامك يزيِّن علومه شفقٍ يدوِّر طيحتك لَوْ بفلوس من جنّب الأنجاس ما احدٍ يلومه ما يستعز مرافق ارذال وهدوس يعيش رجلٍ كل عالي يرومه راسه رفيع ومحزمه دوم ممسوس يتبع نهج دينه ويحفظ سلومه وحب المكارم والشيم فيه مغروس - #شعر #خليل_بن_هدلان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] . |
رد: #شعر #خليل_بن_هدلان
سج القدم وابعد عن الحي كله
هذا الزمن لا عاد تشره على الناس ولا تعاتب كل ما شفت زله كثر التشره والعتب يوجع الراس من جاز لك جز له ومن شان خله من تابع الزلات لابد يحتاس وتجرعه بقعا ثمانين عله وان زاد همك وابتلا الصدر هوجاس سج القدم وابعد عن الحي كله واختر رفيق ٍنادر ماله اجناس صميدعٍ من رافقه ما يمله راع الفعول الوافيه طيب الساس يهوى المراجل والوفا عادةٍ له يشوم عن درب الرذاله والادناس ويشهر على حد النجوم المطله ولا اخذت لك مع ذرب الافعال مرواس في خايعٍ دهم السحايب تعله تنسى سوالف كل باير وبلاس وينزاح عنك الهم دقه وجله البعد زين وعزة النفس نوماس اخير لك من ربع قلي وقله مالك مع نقالة الهرج مجلاس احشم جنابك عن مكان المذله من جالس اهل القيل يبشر بالافلاس لو كان ريس دولةٍ مستقله . . . . . . . . . خليل بن هدلان . |
رد: #شعر #خليل_بن_هدلان
.
. لاَ ترجَّى فزعةٍ منه . . . . . . . . . . . . . . الردي لا تحتزم فيه لو إنه قريب ما يسرِّك بارد العزم كسَّاب الردا لو يعكس السيل مجراه ويسنّد شعيب ما يطيب اللِّي ما عنده علي الطاله جدا لا ترجَّى فزعةٍ منه مقطوع النصيب لو حديته للنواميس عيَّا ما انحدا واعرف أن اللِّي جلس في رجا الخايب يخيب يخطي دروب المعزَّة ويخطيه القدا جنِّب اللي بالنوايب عن ربوعه يغيب جعل مثله للنوادر هل الوقفه فدا الرجال اللِّي تناطح مقابيس الحريب لا نخيت بهم على الكود ما قالو بدا من نصاهم ساعة الضيق لو أنه غريب ينجلي همّه لو أكبر من طويق وشدا - #شعر / #خليل_بن_هدلان @KhaleelBinHdlan . |
رد: #شعر #خليل_بن_هدلان
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
رد: #شعر #خليل_بن_هدلان
.
الا يا رفيقي لا تلفّت على الأنجاس ليا صرت من قومٍ بعيده مداركها من يطرد هروج الخلق محصوله الإفلاس يعوِّد من الخيبه كفوفه يفرِّكها واصحاب الردى لا صار ما تقدر النوماس على أهل الوفاء عوج الحقايق تفبركها تروِّج علومٍ ضايعه مالها مقياس وتلقى خبولٍ بالمجالس تشاركها وقوي العزايم ما يهمِّه كلام الناس يسوقه طموحه لغايته لين يدركها ليا صار له شوحٍ بعيدٍ وطيّب راس زمول الهقاوي للفشل ما يبرّكها يداهم على الدنيا بعزمٍ وقوة باس ويجابه ضروفه ويتصدّى معاركها صحيح الهبوب تهب وتطيِّر القرطاس لا شك الجبال الراسيه ما تحرّكها - #شعر/ #خليل_بن_هدلان . |
| الساعة الآن 10:31 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
