|
خلها تولي !
{ قصيده كتبها واحد متعقد من المكياج }
يا صانع المكياج الله يجازيك خليتني مخدوع في شكل خلي الله يحرق مصنعك مع مبانيك والمعرض الموجود في بيكاديلي ادعي عسى تعمى وتنشل رجليك هذا دعائي دوم لا جيت أصلي خليتني اركض ورا البنت هاذيك واشوفها أجمل غرام ٍ حصل لي قلبي عشقها يا(جيفنشي) توماتيك وان شافها قلبي يرحب يهلي هي رحبت بي وقالت الله يحييك وقالت هلا باللي عشق زين شكلي وقالت أنا أجمل بنت في اللي حواليك شف حسني الأخاذ وروجي العسلّي طالعتها ثم قلت هالقلب يبغيك ومن شاف حسنك خلى غيرك يولي ابغي اشوفك دون مكياج يكسيك وابغي اشوفك بالجمال المحلي قالت تبيني افرك الوجه تفريك واشيل هالبودر وروجي وكحلي قلت أي نعم قومي عسى الروح تفديك ابغي جمالك هالطبيعي يهلّي قالت دقايق راجعه لك واراويك ذاك الجمال اللي لعينك يسلّي ويوم رجعت لي شربكتني الشرابيك وحسيت الأرض تدور وأنا بمحلي الخد كنه يا(جيفنشي) سيراميك والوجه شارع مثل شارع حولي الوجه كنه بيت كله شبابيك من هالحفر في وجهها اللي يعلّي كله سبب مكياجك الله يجازيك خليتني مخدوع في شكل خلي ونصيحتي لكل شاب من غير تشكيك لا لا اتسرع ثم تنغش مثلي اللي بلا مكياج خلها حواليك واللي تحط مكياج { خلها تولي } .. مما رآق لي :) |
رد: خلها تولي !
ومن شاف حسنك خلى غيرك يولي
ابغي اشوفك دون مكياج يكسيك وابغي اشوفك بالجمال المحلي قالت تبيني افرك الوجه تفريك اقوى شي والله لاهنتي ساورن على الطرح الجميل فديتك لاعدمنا جديدك المميز |
رد: خلها تولي !
هههههههه اقوى شي
خلها تولي مره وحده ذا ماراح يلقى احد حوله عني انا -- تسلمين سارون |
رد: خلها تولي !
الله يلوم اللي يلومه
من جد المكياج له اضرار وخصوصا البنات اللي يستعملونه بكثره يمكن يتسبب في حرق او طفح جلدي اذا بولغ فيه شكرا لك ياساره على هذا الانتقاء وصح لسان شاعرها قصيده رائعه لك تحيه لشخصك الكريم |
رد: خلها تولي !
ههههههه عزالله خلها تووولي ههع
عوااااااااااافي سارووونـه ,, أعذب التحااايااا |
رد: خلها تولي !
يسلمووووو لكل من سيّر ع الموضوع ,,
لا هنتو حبايبي |
رد: خلها تولي !
... سارا ...
خلها تولي طرح ممتع هذا متأثر من المكياج ياحول شكله طايح له بعلتن الله اعلم بها تحيه لك دمتي بخير |
رد: خلها تولي !
لا هنت عزيزي نايف ,,
فعلا المكياج يحرم الانثى من لمسة الطبيعه ,, وانا من عشاق الطبيعه وتاثيرها على الروح .. |
رد: خلها تولي !
الصح السان الشاعر
ولاهنت على النقل التقبل: التحياتي |
| الساعة الآن 07:37 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
