الملتقى الجماهيري للشاعر محمد بن فطيس المري

الملتقى الجماهيري للشاعر محمد بن فطيس المري (http://www.m-f6es.com/vb/index.php)
-   ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)
-   -   قصيدة مدح للشاعر محمد.......... (http://www.m-f6es.com/vb/showthread.php?t=6966)

نــايــف مــران 07-28-2011 01:38 AM

قصيدة مدح للشاعر محمد..........
 
بسم الله الرحمن الرحيم
السلام عليكم ورحمة الله وبركاته

قصيدة مدح في

الشيخ / فوزان بن حمدان بن حبيجان المغيري العتيبي

و

الشيخ /فاضي بن مرزوق بن حبيجان المغيري العتيبي


لكم القصيدة .....



يا مادح رجل بخيل ذميمي * مدحك لرأس الـلاش كـذب و ظليـمه

من شأن ماله تمدحه يالسقيمي * لا تحسبنا نجهله من قديمه

ضعيف زندن مجلسه كل هيمي * نذل يشح بخبزته عن رحيمه

ماضي حياته مثل عيش البهيمي * يمضي عليه الحول ماساق ريمه

المدح اله رجلآ شجيع كريمي * من شبته يمناه معها عزيمه

شهم يفج الباب قدم العتيمي * من فوح بنه مايوني رزيمه

وجهه بشوش وللشكاله نديمي * حرآ علومه بالكرم مستديمه

اثنين فيهم وصف علم سليمي * خل الخداع وخل قوم النميمه

يستاهله فوزان ضد الخصيمي * اللي لفعله يا ابرق الريش قيمه

ريفآ لربعه فالزمان المضيمي * ذباح حيل من شحمها عقيمه

راعي معاميلآ حطبها هشيمي * من عصر ابوه وعصر جده مقيمه

جوده كما بحر لموجه لطيمي * حمله على غيره يكيد وضيمه

فوزان ابن حمدان كب الرخيمي * عمي والي فيه الفخر من غريمه

والثاني اللي مجلسه فالنسيمي * شيخآ كما سيل تزايد دحيمه

فاضي ولد مرزوق ضلعآ مقيمي *حرآ عزومه ماتهاب الخريمه

هداج تيماء جمته مستديمي * ركنآ لربعه فالعلوم العظيمه

شيخآ على الطالات حرآ عديمي * نعم لبو جساس تقدير شيمه

هذا صحيح القول والله عليمي * ماني بجامل للنفوس الذميمه





الشاعر / محمد بن فايز بن حمدان المغيري العتيبي .

ونتمنى ان تنااااااااااااال على إعجابكم

الهــــــــوى 07-28-2011 01:46 AM

رد: قصيدة مدح للشاعر محمد..........
 
صح لسآن الشاعر ويستاهلون المدح مدام هذي افعالهم

تسلم يمناك على النقل .

قـاصد كـريم 07-28-2011 01:59 AM

رد: قصيدة مدح للشاعر محمد..........
 
يعطيك العافية اخوي على القصيدة الجميله

احس ان الشاعر ينقض قصيدة شاعر آخر

الى جانب مدحه للشيوخ ويستاهلون المدح





تحياتي لك

نايف الشمري 07-28-2011 02:05 AM

رد: قصيدة مدح للشاعر محمد..........
 
..,نايف مران

صح لسان الشاعر ويستاهلون الممدوحين

والهيلا فعلهم غانم عموم والطيب اكيد يستاهل المدح

وضناهم ماقصر فيهم عمانه ويستاهلون

تقبل مروري والف تحيه لك

غراااام نجد 07-28-2011 02:35 AM

رد: قصيدة مدح للشاعر محمد..........
 
الله يعطيك العافيه اخوي نااايف ع القصيده

الجميله ...
وتقبل مروري ..
لك ودي..

نــايــف مــران 07-28-2011 04:13 PM

رد: قصيدة مدح للشاعر محمد..........
 
يــعيطكم الــعاافية على مروركم

قاصد كريم / أشهد إن شاعر وإذا مانت شاعر فانت اقل شي ناقد
نايف الشمري / ماعليكم زود ياولد شمر وعلومكم غانمه معناا ومع كل القبايل
والله و 100 نِعم فيكم

نواف بن محمد 07-28-2011 05:33 PM

رد: قصيدة مدح للشاعر محمد..........
 
يّعطييك آألعّعافيَهه
آخخوي ناآيف.،‘

دلع العجمان 07-28-2011 07:08 PM

رد: قصيدة مدح للشاعر محمد..........
 
ونعم ونعم


يالبييييه بس


صح لسااانه

ولاهنت

فايز العتيبي 07-29-2011 03:35 AM

رد: قصيدة مدح للشاعر محمد..........
 
صح لسانك يابو فايز والله يستاهلون والنعم فيهم

ولاهنت يابو مران طرحك مميز

ويجي منك اكثر

نــايــف مــران 07-29-2011 05:01 PM

رد: قصيدة مدح للشاعر محمد..........
 
مشكورين على مروركم


الساعة الآن 02:34 AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69