الملتقى الجماهيري للشاعر محمد بن فطيس المري - الجادل اللي شفتهـا بعـد انقطـاع دام عـام

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - الجادل اللي شفتهـا بعـد انقطـاع دام عـام (http://www.m-f6es.com/vb/showthread.php?t=517)

الجادل اللي شفتهـا بعـد انقطـاع دام عـام

السلام عليكم ورحمة الله وبركاته

اعضاء هذا الصرح الشامخ اضع بين يديكم ابيات نالة على اعجابي واتمنى ان تنال على ارضاء ذائقتكم الشعريه الراقيــه

الجادل اللي شفتهـا بعـد انقطـاع دام عـام
جتني وكنها من لهيب الشوق تحبي لي حبـي

يوم اقبلت قلت اسمحي لي اوقف بكل احتـرام
ودي أكحل ناظري واشفي من الشـوف تعبـي

يالعن ابو الاشـواق ,, يالبيـه ,, ولا ياسـلام
إلا فديت كفوفك اللـي ماسكـه فـي منكبـي

وش ذنب عيني في رجى لاماك تسهر ماتنـام
وش ذنب قلبي يوم قطّعتيـه ياشبـه الظبـي

وش فايدة قصر ٍ بنيته داخـل ضلـوع ٍ حيـام
وش فايدة عمـر ٍ عطيتـك ماتحقـق مطلبـي

قالت عصاني حظي اللي طاح ثم مـازاد قـام
والشوق شاهد والظروف ,, وقسوة الايام بـي

لا تحسب اني يوم جيتك ناقصه هـرج ومـلام
جيتك ابيك تلمنـي مـن هامتـي ليـن كعبـي

تكفى ! وانا لى قلت تكفى ,, عارفه تاريخ يام
انهم هل الفزعات واني ذاخـره منهـم صبـي

قلت ارحموني من هوسها لا عثى فيه الظـلام
إلا على صدري تحـدي كـل همـك والعبـي

مادام هذا مطلبـك (ياويـل حالي).(ياحـراام)
ولا على طاري التوجد (ياسبي حالـي سبـي)

ماقطّع كبود العطاشـا كـون مـرواح الغمـام
والحين يوم الله جابك هاتي اشـرب واشربـي

كم قد سريت آخايل البراق فـي ليـل العتـام
وارجع من الياس مغلوب وشايل ٍ ضيم ركبـي

زلي على ماطاك وانسي من تناهيـت الغـرام
همك جلا دامك وزيتي ,, (وارحبي ثم ارحبي)

قالت انا لك , وانت لي والعالم الباقي حطـام
هذي انا مابين يديك ,, آمر تدلل ,, وشتبـي ؟

قلت اشهد ان الشوق فاضح لا رحم جد الهيـام
و انتي على ماقالوا العشـاق (طبـي وسببـي)

ولا وعيت الا على صـوت الإقامـه والإمـام
وآفز كني فاقدٍ لـي شـي ,, وآمـس شنبـي

واثر الحكايه كلها اطيـاف حلـم ٍ فـي منـام
واثر العشيقه عند اهلها ,, وانا عند امي وابـي

ممـــا راقــ لـــــــي

ودي واحترامي