لاوين يا ساري

لاوين يـا ســاري دروبٍ طـويله
يـاكــم غنّـا للـمساري مــواويــل

في خاطـر السـاري سوالف ثقيله
تـروي حكاوي غـربته هدة الحيل

ليه الهوى يسـرق من الفرح ليله
وليه انطفى من صفحة الليل قنديل

في ضحكة البـردان صوره بديله
فيهـا انـعكاس الآم وآثـار تنكيـل

منها خذت وصفات جرحه وسيله
للهمس في عين الشقاوي تفاصيل

شـفت الأمـاني في عيـونه قتيـله
صدر الـهقاوي حطّمت به تـراتيل

الحلـم مـا بيـن الأمـل و الـخذيله
يـرقب خطـاوي روحته والمقابيل

لو يطلق الساري مع الريح خيله
لا عـوّد السـاري ولا عـوّد الـخيل

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الألف و الراء و الدال، العكوف


يوم حاولت التفنن بـ الحروف
واشبك الحرف الذي ماينشبك


الألف و الراء و الدال، العكوف
و جيت الم العين معها واسألك


ليه، سويت اني اخر من تشوف،
لجل توحي انك بري من فعلتك


كيف، يمكن للجمل يصبح خروف
أسأله في اسأله بـ الكوم لك


بس حطيت الورق فوق الرفوف
لجل تبقى مثل ما هو منزلك


قلت اخلي السيف في غمد السيوف
لن سيفي لو ضرب واحد هلك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

موت الاماني

دوني يا صفحة الليل الحزينه ضيقتـي
انسخي صورة جروحي واطبعيها في سواد


اذكري موت ا لاماني من قرادة خيبتي
واذكري اني في عزاها بـ البس ثياب الحداد


و اذكري انه ما بلاني غير كثرة طيبتي
واذكري الحلم الكفيف وليه حضي عنه حاد


و اذكري كبر المصيبه كيف شلت قدرتي
واذكري جرح الخطا الي كل مابيطيب زاد


كم عفينا عن خطاهم لين ملت رغبتي
وش حداني للجنون الي يعيث بكل واد


خبري ليل الهوى الي كنت اضنه منوتي
ما لنا بـ الموعد ا لضايع و عله ما يعاد


بلـغي جـن الطموح انه مخالف شيمتي
دامته سيطرعلى تفكيرهم و اصبح جماد


عن ديار الذل برحل، يم عزة ديرتي
كل ديره تنكره في حكم قانون الفساد


كل من ياخذ نصيبه وانا راضي بقسمتي
القـدر مكتوب و الي كاتبـه رب العباد

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الحب يذلل الصّعاب"

لك ناض برّاق الهوى يحملك فوق. . . . .على بساط الشوق روحي تشيله

يا ورد بستان الغلا ولهفة الشوق. . . . .فيك استهام الفكر ضيّع دليله

رقّه و دلال و قمّة الفن و الذوق. . . . .من عاليةْ غيمك تزايد هميله

حسبك سلبت الروح في هون ورفوق. . . .وييل الهواوي و الهوىَ منك ويله

شوف الورق والحبر والشعر محروق. . . . من نار بعدك غيرها ما اشتكيله

القرب يحداني عنه حاجز العوق. . . . .و البعد مشّاني على المستحيله

مشيت دربٍ ما مشى فيه مخلوق. . . . . .ألين خلّيت الصّعيبه. ذليله.!

كم حرّق اوجاني لضىَ ماطر الموق. . . . . .و كم ليلةٍ تحكي عنا ألف ليله

اضما غرامك وصل عاشق لمعشوق. . . . . .لين إحتضار الموت عيني تخيله

لولا. الأمل نوره بدا شمس وشروق. . . . . .و الله كتب معكم حياتي طويله

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

توحشيني


تــوحشيني كثـر منتي عن نظـر عيني بعيده
وكثرما عطرك وهمسك في غيابك يوحشوني

وكثرما حرفي كتبك بصفحة ايامي قصيده
وكثرما شعري تغنّابك وهيّض بي شجوني

وكثـرما قلبي امتلابك من وريده لي وريده
وكــثرما شــوقي ضمـاك ولا تحلبك عيوني

وكثــرما عمــر الطفــوله ذاكرتنا تســتعيده
وكثرما ترجم حكاية صمتنا ثــورة جنــوني

وكثرما صبري على مرّالصبر وصلك يزيده
وكثــرما ذاك المــلل ومفـاجآتـه ينـــذروني

وكثرما نادت جروحك ماضي الذكرى تعيده
وكثرما هلت مزونك برضهم لين اوجعوني

لك محبــه فـي خفــوقي عن مثـايلها فريده
يفــريده مــافتني غيــرك انتــي يـا فتــوني

الوفى طبعــك وطيبك من ســجاياك الحميده
عنك نجلات النواعس م ارتضي لوخيروني

للأمـل مـوعد وانا الـي كــم تمنيتـه واريده
يا تبـــاير السعــاده فيك الاحــلام اوعدوني

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]