وصلك يخيط الصدر والبعد يفريه . . . ويابري حالي كان صديت برياهـ
 

ماهوب كفو الوقت حبك يمحّيه
ياللي تخاف صروف الايام تمحاه

ارتاح دام ان المواصل يقويه
انت . انت وانا . انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
( يالله عسى اللي يبلا المواليف يبلاه)

اخفيه يابلفيت والحال يبديه
ادناة واحد ينظر الحال يقراه

اخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار و اماكن رعاه

وتشوف به تمثال و الوقت هاريه
وبتشوف زرعٍ ميتٍ واقفٍ ماه

وبتشوف جرحٍ فيه سكين راعيه
راح ونسى السكين و الجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي و باقيه
ولاتضايق من تصّدع زواياه

قَد زلزله فرقا و هزت عراويه
والله ستر والحظ عانه و عافاه

كانه صلح لك واعجبك . زيد تبينه
ابنه و جهزّ للمقابيل مبناه

ابغيك بس من المفارق تداريه
وازهل من يداري شعورك و يدراه

وحلل وحرّم فيه . يا أبرك بلاويه
وحله وراع رضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلاقه

وإلا انت . ردك كُل مادعيك لبيه
انا اشهدٍ منتوا بفي عيني اشباه

منت بمعى العالم . ولا تقولي ليه
انت ادرى مني وفي جوابي وفـحواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك و اراعيه
وفي كل حلم اقوم قبل اتحفاهـ

واعشق سميك في البزارين و ادعيه
واقبل خطاه الا اخطى و اتلقاهـ

واسمك يروعني اذا مرّ طاريه
واحب ملقوفٍ يسولف وطراهـ

وامرّ بيتك من بعيدٍ ولا اجيه
وانا لو انه في يدي ماتعداهـ

حتى تواير موتري تلتفت فيه
تبغي تلفّ و يستحي العقل والجاهـ

وصلك يخيط الصدر و البعد يفريه
ويابري حالي كان صديت برياهـ

ويلي على ادري حبنا ويش تاليه
وويلي على ادري وش ورى الغيب ويلاه

عشان اشوف اذا محبتك ترفيه
والله لاقفي عنك . استغفر الله

رد: وصلك يخيط الصدر والبعد يفريه . . . ويابري حالي كان صديت برياهـ
 

اخي ذكريات .. هذه القصيده من اروع قصائد شاعرنا التي مرت علي

يعطيك العافيه..

تقبل مروري .

رد: وصلك يخيط الصدر والبعد يفريه . . . ويابري حالي كان صديت برياهـ
 

مررره روووعه

يعطيك ألف عافيه

تقبل مروري

رد: وصلك يخيط الصدر والبعد يفريه . . . ويابري حالي كان صديت برياهـ
 

لاهنتوو ع هالمروور الطيب
وصح السان شاعرنا

رد: وصلك يخيط الصدر والبعد يفريه . . . ويابري حالي كان صديت برياهـ
 

الله يعطييييك الف الف عافييه

رد: وصلك يخيط الصدر والبعد يفريه . . . ويابري حالي كان صديت برياهـ
 

كبير ي ابن فطيسسسسس



صح صح منطووقك

رد: وصلك يخيط الصدر والبعد يفريه . . . ويابري حالي كان صديت برياهـ
 

وبتشوف جرحٍ فيه سكين راعيه
راح ونسى السكين و الجرح ينخاه







يالبيه يابن فطيس


ذكريات
قلبت المواجع

لكن الف شكر لك على الاختيار القمو
تحيتي لك

رد: وصلك يخيط الصدر والبعد يفريه . . . ويابري حالي كان صديت برياهـ
 

الله الله الله

واعشق سميك في البزارين و ادعيه
واقبل خطاه الا اخطى و اتلقاهـ

واسمك يروعني اذا مرّ طاريه
واحب ملقوفٍ يسولف وطراهـ



والله بالصميم نفسس حالي :(

رد: وصلك يخيط الصدر والبعد يفريه . . . ويابري حالي كان صديت برياهـ
 

ايه نعم جبتهاا على الجرح يابعدي

اشكرك وانتظر جديدك

رد: وصلك يخيط الصدر والبعد يفريه . . . ويابري حالي كان صديت برياهـ