الملتقى الجماهيري للشاعر محمد بن فطيس المري

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - اغيب وابعد ,,,,,,,, (http://www.m-f6es.com/vb/showthread.php?t=14598)

اغيب وابعد ,,,,,,,,

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اغيب وابعد وانشغل واحاول انسى مانسيـت
ماتنسى ذكرى السنين اللي معـك قضيتهـا
***

حاولت كم مرة وكـم مـرة ولكـن ماقويـت
حتى لو ان ذكراك مامـرت علـي مريتهـا
***

ان كان عندك حل قلي سو كيت وسو كيـت
في ذمتـي ماعـاد بـه سـواه ماسويتهـا
***

وشلون وانا كل ماتطري علي مـت وحييـت
لو أن معي قـدرة علـى نسيانهـا نسيتهـا
***

بغيت احب ايمينك الليله وخفتـك واستحيـت
لولا الحيا والخوف خذت ايمينـك وحبيتهـا
***

ابك انت مستولي على قلبي وعقلي كمبليـت
تقـول كنهـا نامـت بحبـك ولا صحيتهـا
***

حتى القصيد اكتب وتطلع صورتك في كل بيت
كم من قصيدة فيك لا عـد الشعـر عديتهـا
***

ماهو بسيط فراق من بنيت حبه بنـي بيـت
مرتاح من صبك لسيسانـه ومـن تثبيتهـا
***

ويروح في لمح البصر ويضيع منك مابنيـت
وسود الليالي عقب بيتك تدخلك فـي بيتهـا
***

وان قلت هذا واقعي رضيـت ولا مارضيـت
ياليت نفسي تقتنـع باللـي حصـل ياليتهـا
***

من حظي العاثر تخيّرت ابعد الناس وهويـت
والوقت قاسي والسنيـن العـوج ماهميتهـا
***

ياليت عندي علم وش بيصير لي ولا ياليـت
ثنيـت رجلـي مـن بدايتهـا ولا عنيتـهـا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
***

قلي وش آنا مستفيد من الفراق ووش لقيت
غير المشاكل والهموم اللـي علـي جريتهـا
***

ولا تعال انشدك وش خليت عندي ماخذيـت
حتـى السعـادة خذتهـا منـي ولا رديتهـا
***

ماعاد باقي كود نار جمرهـا منـه اكتويـت
وان شفتها بتموت ويموت الجمـر كريتهـا
***

وانا احسبنها سالفة خلصت منهـا وانتهيـت
وارتحت من كثرة عناهـا واثرنـي بديتهـا
***

ذبحت نفسي وبيدي حفرت قبـري مادريـت
وجروح صدري كلها مـن خنجـري لقيتهـا
***

وتبغاني انسى؟ والله ان اموت وانا مانسيـت
ماتنسى ذكرى السنين اللي معـك قضيتهـا
***

محبتك بتعيش في صدري وتبقـى مابقيـت
فالقلب زارعها ومـن دم العـروق اسقيتهـاٍ
***

للشاعر/ حمد بن صالح المري

راقت لي ولامست ما بداخلي :(

رد: اغيب وابعد ,,,,,,,,

ماشاء الله ذوق
هايمه تسلمي قلبي
اختيارك راقي الله يحفظك يارب

رد: اغيب وابعد ,,,,,,,,

ماشاء الله ذوق
هايمه تسلمي على هالذائقه
اختيارك راقي

رد: اغيب وابعد ,,,,,,,,

ذوق يفوق الخيااال تسلم الايادي ع النقل
راقت لي ايضاً ولامست احاسيسي
يسسسسسسسلمو

رد: اغيب وابعد ,,,,,,,,

يسسلمو أخــتي هايمه .ع.ألـآختيأر ألرآقــ.ـي ...

ويع ـطيكـ. ألــ؛ـف عـ.ـآفي ــــه .ع. ماقدمتي ...

والله لـا يحرمنــ.ـا قلــ.ـمكـ. ألمميز ...

تقــ؛ــبل زيـأرت ي ,,,

رد: اغيب وابعد ,,,,,,,,

صح لسان شاعر القصيده الرائعه
وصح ذوقكـ ورقيكـ ياراقية

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

رد: اغيب وابعد ,,,,,,,,

حتى القصيد اكتب وتطلع صورتك في كل بيت
كم من قصيدة فيك لا عـد الشعـر عديتهـا

الله اكبر ,,

هلا هلا حياك الله هايمه في ابن فطيس ,,

صح الله لساان الشاعر العذب حمد ولاهان بغيابه وصح كلك ولاهنتي على هذى النقل الجزل ,,

ان دل يدل على فكرك النير وذوقك الرفييع ماشاء الله ,,

شكري وتقديري لك وكل احترامي .

رد: اغيب وابعد ,,,,,,,,

شكرا الهايمه قصيده رائعه وفقت في جودت الاختيار
سلمت يمينك

رد: اغيب وابعد ,,,,,,,,

يعطيك العافيه ..

نص رائع ..

تسلم الايادي ..

احترامي

رد: اغيب وابعد ,,,,,,,,

مشكوووورين على المرور الروعه كلن بنكه ,,,,,,