الملتقى الجماهيري للشاعر محمد بن فطيس المري - ومانبي نتبع هـوى اللـي بالمحبـه مايبينـا

- منتدى حرية الفكر وتطوير الذات (http://www.m-f6es.com/vb/forumdisplay.php?f=9)

- - ومانبي نتبع هـوى اللـي بالمحبـه مايبينـا (http://www.m-f6es.com/vb/showthread.php?t=14337)

ومانبي نتبع هـوى اللـي بالمحبـه مايبينـا

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
السلام عليكم ورحمة الله وبركاته
قصيده للشاعر على الكداااادي

عزة النفس

جيت متغيّـر وجيـت اليـوم متحامـل علينـا
لا ولا انتا بصاحبي الاول علامك صرت ثانـي

تذكر ايامٍ مضـت ولاّ (( نسينـا ماكلينـا )) ؟
يوم يمضي الوقت والساعه معك كنها ثواني !!!

والله انـي كنـت اعـدّك واحـدٍ منـا وفينـا
وبد خلق الله عطيتـك قلـب يمـلاه الحنانـي

اعـرف انـي مانسيتـك كلمـةٍ فيهـا يقينـا
شاهـدٍ ربـي علـي ماقلتهـا كلمـة لسانـي

من صميم القلب ماتمحى علـى مـر السنينـا
والمعزّه باقيـه يازيـن فـي وسـط المحانـي

مير اظنك ماتبي تبقـى مـع اللـي مخلصينـا
ولا نبي نجبـرك يالمجمـول وانتـا ماتدانـي

ومانبي نتبع هـوى اللـي بالمحبـه مايبينـا
عـزة النفـس الأبيّـه رافضـه خـلٍ نسانـي

عزتي من صغـر سنـي مابعـد يـومٍ دنينـا
رافـعٍ راسـي ولا احـب المذلـه والطمانـي

كان نـاوي بالرحيـل اقـول لاترجـع تجينـا
والله يسمح طريقـك ياعسـى دربـك امانـي

عهـد منـي يامقفـي سركـم يبقـى دفيـنـا
وابن عامر لاوعد يوفـي علـى مـر الزمانـي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

وسلامتكـــــــــــــــــــــــــــــــــم