لك بعيني شوق ماله عدد والى قبل ..
وفي خفوقي لك من الود قامه وقعده ..




ولك من الشحنه بكبدي مثل ضو العبل .
شبها التايه للاجواد في راس قعده




وحبل وصلك مرتخي وانت فكيت الحبل .
وامس ما جابك عسى الوصل بكره وبعده




والجفا طوّل وانا مذهبك مانا بخبل ..
ما بغي اتّهمك لكني (( هنا ريح جعده ))

يا وليفي شف محمد بعد والا قبل ..
قال بيتٍ جا بوقته وحله ووعده ..


ودي امشي واتحرك مع كل السبل ..
وانت لا جيتك غدا فيك ربكه ورعده ..


قل لقلبك كان وده يشرّف فالجبل ..
كل ماهبت نسانيس الاشواق صعده ..


وده يشرّف وودك وانا ودي دبل ..
بس سلمني وريده ويبشر بسعده .