|
#شعر ( #احمد_الناصر_الشايع )
الشِّعر لغة جميلة ، وعاطفة ووجدان وشوق ، وعبارات موسيقية يطرب لها الآخرون ، وتلفت انتباههم ، وتكشف لنا ما يتمتع به الشاعر من إبداع وموهبة ، فالشاعر المُبدع هو من يكسو قصيدته الشعرية جمالاً ورونقاً لا يضاهى.
قصيدة اليوم وفي هذا المتصفح ستكون جميع القصائد , للشاعر الكبير أحمد الناصر الشايع , التي جادت بمشاعره الصادقة ، وبوحه العذب المتميز بالعطاء والجمال.. فقد أمتعنا عندما أبحر شاعرنا في أعماق المعاني: [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ... .. . قصيدة / #هرجة_الشك . . .. ... وين هاك البروق اللي عيوني تخيل خبّروا واحدٍ يشفق على سيلها ذا قصيرٍ عن الغايه وهذا طويل ليت عيني تخبّرها مراسيلها آتنشّد وراع الحب مثل الذليل كلما شاف زيله جا يباري لها يبرح الدرب وبسدّه شحيحٍ بخيل هرجة الشك هرجه ما يحالي لها يا هوى البال قلبي من فراقك عليل والسهر ضر عيني منك عزّي لها لا سقى الله نهار السبت يوم الرحيل يوم قفّت ضعونه قمت أراعي لها عقب ما نيب أشوفه كل يومٍ وليل فرّقتنا الليالي في تهاويلها الليالي تفرّق بين خلّ وخليل واهني المعافى من غرابيلها التفت بالعيون اللي هدبها ظليل ناظر الحال عقبك ويش يجري لها يا حبيبي ترى حِمل المودّه ثقيل من عرفتك وروحي شايله شيلها إن شكيت المضرّه قيل ويش الدليل وإن سكت أرسلت عيني هماليلها - #شعر/ #أحمد_الناصر_الشايع . |
رد: مجموعة قصائد للشاعر / أحمد الناصر الشايع
.
نص للشاعر أحمد الناصر الشايع : ... هل دمعي على خدِّي نهار الوداع يوم قالوا بمان الله جاني بلاي إلتفت والتحظني بالعيون الوساع وارسل الدمعه اللِّي زاد منها عناي خايفٍ من فراقٍ ما وراه اجتماع يالله اليوم لا تقطع رجاه ورجاي صرت مثل الغرير اللِّي بسن الرضاع آتظيّم وأصيح صياح من غير راي راحت أقدام رِجْلَيْ في محلّي ذراع ما اقدر المشي قدّامي ولا أرجع وراي المصيبه إن كان الحب والعرف ضاع ثم زادت جروحي من خلاي بخلاي ما ابغي السر من بيني وبينه يذاع يضرب الوصف دايم في غلاه وغلاي الهوى له يذل القلب لو هو شجاع مثل ما ردّني ترف القدم عن هواي جعل من لاع قلبي في فراقك يلاع حيث وصلك هوى قلبي وغاية مناي آتصبّر ولا ودِّي يطول النزاع وأكظم الغيظ باسبابك وهذا جزاي . |
رد: مجموعة قصائد للشاعر / أحمد الناصر الشايع
.
. #قصيدة #الصاحب_الغالي .. . الا ياونتاه اللي من الفرقا برت حالي كما بري الدبا الغصن الوريق اللي على حله على اللي من ثلاث سنين هو همي وغربالي ولكن ماحصل لي منه ساعةٍ تبري العلة إلى مني بغيته في محله ماتهيالي وإلا منه بغى ياصل محلي صار به ذلة انا وياه مثل اللي ورد مطوية الجالي طوى حاله ظماه ويصف الماء له ولا دله إلى منه نطحني قال ياستار الأحوالي عجب لله كيف الخل مايشفق على خله وانا اركض طول ليلي مع نهاري فالخلا الخالي أصايد رغبته واتبع طريقه واتبين له إلين اصبحت انا المطلوب بالأول وبالتالي انا المطلوب والطلاب راع القذلة الهلة إلى مني بغيت انساه وادله عن هوى بالي بلاي النفس ماهي من صخيّف الروح منحلة كذوب اللي يقول اقوى فراق الصاحب الغالي متى ماغاب عنك اللي توده بانت الخلة إلى مني قطعت حبال وصله قام يبرالي لحظني بالعيون اللي بها سيف الهوى سله يطيح اللي بكفي وأذهل الدنيا وهو سالي واعوّد في عماي الاول اللي مابه اشكله ولاني قاعدٍ ارجي متى يرمي به الفالي وانا ماودي العدوان تدري به وتفطن له - أحمد الناصر الشايع . |
رد: مجموعة قصائد للشاعر / أحمد الناصر الشايع
. . يامل عين الى جا الليل عيت لاتنام تكثر عليها الروابع يامعين الصابرين من عقب ما استبشرت بالنور وانجال الظلام شافت من الغيظ مايملي نظرها مرتين لا وهني المعافى مايلوم ولا يلام مستانس لو يزين الوقت ولا مايزين ماذاق مر الفراق وفارقه حلو الغرام والولف ملاك ما يحتاج عراف وظمين الصاحب اللي هدب عينه مثل ريش النعام ما يلتفت مع طريقه من يسار ومن يمين اكبر مصيبه ليا سلمت ما رد السلام مدري وش اللي خطر في بال وضاح الجبين إن كان لك يا اشقر المجدول في هجري مرام صبرت صبر الجمل بارضاك لو ضلعي متين الموجب انه ملكني حب مردوع الوشام لا خير في عشرتن ما هيب في حرزن مكين هو حق ياللي تعرفون الحلال امن الحرام يسهر عيوني ويدعي سري الخافي يبين العشرة الصافية تقود أهلها بالخزام ما تختلف عشرة الغالي على طول السنين وان كان عقب البطا فك اللحام من اللحام ما عاش أبو نية وحدة مع أبو نيتين ياصاحبي ما تساون الغوارب والسنام من خف ميزان قدره لو قلبه ذهين لو شفت منك الجفا مارضى على عيني تضام قطعت منك الرجا كنك مع الميتين - #شعر ( #احمد_الناصر_الشايع ) |
رد: مجموعة قصائد للشاعر / أحمد الناصر الشايع
قصيدة للشاعر الكبير #أحمد_الناصر_الشايع التي جادت بمشاعره الصادقة ، وبوحه العذب المتميز بالعطاء والجمال.. فقد أمتعنا عندما أبحر شاعرنا في أعماق المعاني: كل من عاش بالدنيا يشوف العجايب مثل ماشفت بالدنيا وشفته باهلها قمت ابرّق وافرّق بين مخطي وصايب مثل فرق الجبال النايفه من سهلها والتوافيق عندالله حظوظ ووهايب عند ربٍ يجازي كل نفس بعملها اشهد ان الهدوم يسترن المعايب اثرها تستر الحرمه وتستر فحلها الاوادم بعضهم مثل وصف الجلايب لو توحد بها ذيب الخلا كان اكلها كم صبيٍ تحسب انه عطيب الضرايب وان بخصته كرهت الديره اللي نزلها مايسر ان حضر وان غاب ماقيل غايب مار الارزاق عند الله لخلقه كفلها ما يضد الضديد ولايفيد القرايب يوم نفسه تعدا حدّها من زعلها وفيه رجلٍ يحل المشكله والنشايب كل ماحملوه الواجبات احتملها واقفٍ للزوم .. ومرتكي للنوايب والحمول الثقيله مالها الا جملها ليت روحه قبل تركز عليه النصايب حط عنه اربعين من الزلايب بدلها وفيه منهو مسالم مايحب الطلايب مشتكى من رضى نفسه ولا من زعلها وفيه منهو اذا كبرت عليك المصايب ساق وجهه وجاهه لك ونفسه بذلها وفيه منهو يبا الجود افلاشك هايب كل ما ناض صدره جا عضوده خللها وفيه منهو يحل المعجزات الصعايب اصغر افعاله الجزلات محدٍ فعلها وفيه منهو يعيش وعيشته بالسبايب كل ماسمع له غلطة من رفيقه نقلها وفيه منهو على نفسه رضى بالغلايب الله اللي رفع نفسٍ .. ونفسٍ خذلها لو تبي تنصحه لله مجر الهبايب انكرك والنصيحه ردّها ماقبلها اشهد انه عقوبه من كبار العقايب قاصر المعرفه قلبه كما قلب بلها . |
رد: #شعر ( #احمد_الناصر_الشايع )
رحم الله الشاعر احمد الناصر الشايع
توفى بالامس 10/4/1438 الله يغفر له ويرحمه ويسكنه فسيح جناته |
رد: #شعر ( #احمد_الناصر_الشايع )
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
رد: #شعر ( #احمد_الناصر_الشايع )
يا ناس راعي المحبة لا تعذلونه
مهوب عن صاحبه داله ولا سالي . لو يسهر الليل كله لا تلومونه الحب بلوى مانيب اول ولا تالي . لي صاحبٍ ما قطعت الياس من دونه لو غاب عني خياله دوم يبرالي . الصاحب اللي سحر هاروت بعيونه ودّي بشوفه ولكن ما تهيا لي . يا هيف الخصر عيني فيك مفتونه والبعد يا صاحبي ما يرخص الغالي . الروح يا صاحبي بحماك مرهونه عزي لحالي عقب فرقا هوى بالي . يا كود وصلك على مثلي ويا هونه ان كان حالك طواها اللي طوى حالي . عن غيرك القلب غسلته بصابونه والعين ما تلتفت في كل الازوال . ما يجرح القلب كود فراق مضنونه ابطيت ما ارسلت لي يا زين مرسالي . أجر صوتٍ جميع الناس يوحونه غديت مثل المصيح بالخلا الخالي . قصيدة للشاعر الكبير أحمد الناصر الشايع . |
رد: #شعر ( #احمد_الناصر_الشايع )
.
انا تل قلبي تل هوى البال في المشتل ابو مبسم ٍ يقتل وعيون قتّاله لقيت الخطَر كله بعينه على حله سيوف الهوى سله وتسعين خياله انا ويش مصلوحي خطير ٍ على روحي والقلب ما يوحي ولا طاع عذاله مرض خاطري ودواه مثله وفي شرواه انا خاطري يهواه وهو خاطره داله به العين مفتونه ولا اقوى العزى دونه أحجاه مقرونه.هني من تهيّا له انا عقب ماشفته على طول والفته له القلب كلفته. اراعيه وابرى له قتيل العيون السود مايلحقه منقود من اقفى نعيم العود وانا حالتي حاله ملكني هوى الغالي عقب عرفنا التالي هو اللي على بالي وانا اللي على باله قلوب المحبيني سوات الموازيني وانا الدمع من عيني على الخد نزاله - #شعر (أحمد الناصر الشايع) رحمة الله . |
| الساعة الآن 07:49 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
