يالله ياعالم الاسباب

يالله ياعالم الاسباب
تلطف بي اليوم والليله

من عقب بدر الليالي غاب
والليل باول منازيله

يامطول الليل للمنصاب
راع الهوى وش محاصيله

النوم ماله عليّه باب
وازريت لا القى مداخيله

والحال مايعجب الاصحاب
لو هي سليمه تحاليله

تحيّر الطب والطبّاب
في علتي ماله الحيله

مالوم من يجهل الأسباب
الحب راعيه عزي له

عزاي للي بدون حساب
فاضن دموعه بمنديله

روّح كما رايح السحاب
اللي تقافى وانا اخيله

بالعون بعض العرب كذاب
ماياوي لقلب ياوي له

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

في جيبي العلوي قلم بأربع ريال
وأخطّ به مالا يخطّه (ديورك)


هذي علومك،،، كلها عوج وهزال
اسمعني، اللــه لايجبّر كسورك


فرحان.. تشري بـ(ألف وشويه) نعال!
تمشي بك دروب المذله بـ شورك


ومفصّل بـ (حول الثلاثميه) عقال!
وتحته عقل فارغ سوى مـن غرورك


يا تافه .. ارخ السمع للي بينقال
وتراه ماهو مـن دواعي سرورك


اللبس ماعمره ستر عيب رجّال
هذا انت ماتستر خَواك بـ قشورك


ومادامك تقيس الأوادم بالأشكال
عندي تساوت غيبتك مع حضورك


رح خاو.. خاوي مثلك أشبه بـ تمثال
يرضي برستيجك ويسعد شعورك


مغنيني اللـه عنك برجالٍ ثقال
مافيهم اللي حب تمثيل دورك


أقلّهم لو شاف تقصير وإهمال
يسد نقصك ما يدوّر قصورك..


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ولا ابتغي غير السمو لذاتي

سهير العين في الخلواتي
وأدعوك ربي دبر كل صلاتي

أهيم على وجه الفلاة لعلني
أعانق سكنى الحال في فلواتي

ولكن طيفك مر مر سحابة
من الجو تنذرني بما هو آتي

أخالكِ فيها ترقبين توجدي
فأبدو كأني في شموخ ثباتي

ولا أرتضي للنفس الا تعززا
ولا ابتغي غير السمو لذاتي

وإن لان عزم الصبر واستفحل الأسى
وبت طريحا لن تلين قناتي

من محاولاتي بالفصيح

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

واعيني اللي تهل الدمع مطروفه


واعيني اللي تهل الدمع مطروفه
عيا الطبيب المداوي لايداويها

هي كنها في ذرور الشب موصوفه
والكحل يدوي واخاف الكحل يعميها

عيني على شوفة الاحباب ملهوفه
واحبابنا غادروا الدنيا وما فيها

ماكنت حاسب حساب الوقت وصروفه
تحت الثرى حط ناس وناس فوقيها

لو كمل الوقت فيني بعض معروفه
كنت اسعد الناس فاولها وتاليها

ياحلم ليلي عساك تهل بطيوفه
مادام مافي طريقه نلتقي فيها

كود العيون السهيره عقب هالشوفه
ترتاح وتنام جعل الله يهنيها

لو قالوا الرجل لازم ينطح ظروفه
بالعون بعض الظروف الله يعديها

مالي مع الناس لاضحكه ولا روفه
ماغير اراجع زمانٍ فات وابكيها

محبةٍ عن جميع الناس موقوفه
الام ... والام وين اللي يساويها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

قلب شاعر


لاتحسب ان اللي عملته بي قليل
اللي بي مسويه شي مايستوي

جرعتني بالكاس مر الحنظليل
ولويت بافعالك معاليقي لوي

ماتعشق الا اللي وصاله مستحيل
من شان تكويني بهجرانه كوي

كل ماهوى فيني من الهم الثقيل
بين الضلوع العوج تسمع له دوي

وعقب النهار الشين سرايين ليل
ماغير تطوي الارض في ليلك طوي

ياكثر غزواتك وياقل الحصيل
كثر ماتتعبني معك يافوضوي

عجزت فيك اوصيك ماتسمع هبيل
(ومن الحماقه عذل من لايرعوي )

عقب التعب هذا تدورلي بديل
انا اشهد ان عقلك مهو عقلٍ سوي

لاتحسب ان الوضع منزال ورحيل
مثل منازيل ومراحيل بدوي

حسبي عليك الله وهو نعم الوكيل
يرجع حقوق الضعيف من القوي

ارجع اقول ارجع ياجحاد الجميل
من غيري لاسرارك يضم ويحتوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]