الملتقى الجماهيري للشاعر محمد بن فطيس المري - ذود الغلا ...الشاعر محمد بن فطيس

- منتدى الشاعر محمد بن فطيس (http://www.m-f6es.com/vb/forumdisplay.php?f=8)

- - ذود الغلا ...الشاعر محمد بن فطيس (http://www.m-f6es.com/vb/showthread.php?t=9755)

ذود الغلا ...الشاعر محمد بن فطيس

مشاركه للشاعر محمد بن فطيس مع شاعر كتب بيت يتيم .. يقول البيت عطيتني وجهك وانا جيت كلي .. محروم والمحروم ماينعطى وجه

فكتب الشاعر محمد بن فطيس قصيده على هذا البيت

يقول

ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك لاغبت من لي ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. حبك خذ فؤادي وروّضـْه واسرجْه

ولو قلت لعيونك بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)