محاورةعبدالله السفياني والشاعر ياسر الذويبي
 

عبدالله السفياني
سلام تسليمة كما بث الاذاعة من قديم
تاصل على من يملك المذياع وادرك موجته
ماكل شاعر يملك الحكمة وله رايا حكيم
مايدرك ان الناس تعرف حكمته من هرجته
ياسر الذويبي

دام البقا اللي يشبه وصوفه لغيث احيا الهشيم
انسى كبير السن عكازه وعافى عرجته

كلام الناس يابن الناس خله فالفجوج يهيم
واكب تطور جوّنا .. وان عج واكب عجته
عبدالله السفياني
الطيف شي امن الخيال وسجة الفكر السليم
تبقى لها بصمة ولو الذيب ينكر حجته
الارض ترسي بالرواسي حكمة الحي الرحيم
والسهل تعرف طرقته والضلع تعرف فرجته
ياسر الذويبي
قول اللسان اللي يوقع ياعميلي فالصميم
مايختلف وقعه ولو جا الاختلاف بلهجته

انا سواة اللي بظهر الغيب كافل له يتيم
وانته سواة الجاهر اللي دوختنا صجته
عبدالله السفياني
اقفى بعد دن الرعد والجو لطفه النسيم
مايعلم انه ضيع الفرصة وضيع بهجته

كل العرب فوق الثري والبعض يوصف بالسديم
اللي كسبها والنعم ماقلت بسهوله جته
ياسر الذويبي
فوق الحطب صبيت لك بنزين وافهم يا فهيم
ياعود كبريت له النيران مسّت حاجته

آنا خابرْك قبل سنين مرّت ياعشاي طعيم
ايام عبدالله تعشى من عشا ثلاجته