ومجا اراتي للقصيده هي كالاتي
على مستوى موج التلاطم وبحر التيه=يهيض الضمير الراكد وتلطم امواجه
نبش جرحي ابن فطيس واجبرني اجاريه=وانا ماعلي من العزا والوزا حاجه
تكلم ضميرٍ كشف الوقت عن خافيه=وهو قبلها ماوالله يحطم اسياجه
لياصار لغلى شخص عندك ثلاث اوجيه=وش يعرفك من وين دربه ومنهاجه
تصبر وخل النيه الزينه تمشيه=ولابد له من ليلةٍ تطفي سراجه
على شان مايرميك باللوم والتشريه=ليا قل ماتحمل له وطاحت ابراجه
رفيق الزمان اللي من اول بس اداريه=واساقيه من بحر الشعر لوله وعاجه
ولو يطلب اغلى ماملك من الحياه اعطيه=ولابخل بشيٍ يمكن يسبب ابهاجه
على شان شيٍ غالي وصاحبي مغليه=لبس فوق تشريفاته وسامه وتاجه
على ظني اللي كنت رغم الظروف اوليه=جميع اهتمامات الضمير وتوهاجه
لكن الحقيقه تضرب الراس وتصحيه=ويصحى ويلقى واقع الشمس منباجه
ويدخل بغيبوبه وليل اسود ويدويه=ويونس بصدره علط الارماح خجاجه
ويلقى الدليل اللي عليه الغلا معميه=ويندم على مافاته وسبب ازعاجه
مع ان الكلام اللي يجيني عنه طاويه=تحت جنح تظليل الكذوب وتراجه
انا ليش يوم اسمع بهالهرج والتشويه=وانا خابر ان الناس بالناس هراجه
لكن الصحيح انه حقيقه ولو مابيه=مصيره حقيقه وسطها النار سراجه
ومع ذالك الوضع المحير ومايعنيه=من الصدمه اللي بين الاضلاع رجاجه
ماوالله يخلي قلبي الانتقام يجيه=لو الغبن يسمر فيه ويقطع امشاجه
تركته وقفيت وخلاص انتهاء طاريه=ودونه ضربت الباب قفله ومزلاجه
هو الله يسمح دربه وماحصل يكفيه=وانا قلبي من الوقت يكفيه ماواجه
وسلامتكم

المشاركة الأصلية كتبت بواسطة ناصر الشريف (المشاركة 175242) اولا اقول ارحب تراحيب المطر يا حجاج والله يحييك بين اخوانك واخواتك اعضاء منتديات ابن فطيس اخي العزيز حجاج صح لسانك حتى ترضى على هذا النص الرائع والجميل والمجاراه ممتازه ولكن هناك شطر اختل فيه الوزن او بالاصح وجد وقفه اجباريه في الشطر ولكن لا تضيع ولا تقلل من جمال النص والشطر هو رفيق الزمان اللي من اول بس اداريـه ولو قلت رفيق الزمان اللي من اول وانا اداريه لاستقام الوزن والسلاسه والمعنى ارجو ان لا اكون قد اطلت اخي العزيز وللمعلوميه انا رفيقك السابق في منتداكم تحياتي وخالص تقديري لا تحرمنا من الجديد

المشاركة الأصلية كتبت بواسطة عاليـه (المشاركة 175716) صح بوحك اعجبتني كثير من ناحية البوح قمه اما الأوزان فأتركها لشعراء والي لهم خبره ابيات رررروعه ماشاء الله ومجاره عاليه المستوى مع ابيات لشاعر كبير مثل ابن فطيس تستحق التقيم تقبل مروري

المشاركة الأصلية كتبت بواسطة فهد الهباش (المشاركة 176059) صح لسانك يا بعدي ابدعت واقنعت موفق خير ، تحياتي لسموك،