|
البارحه بالليل نومي هواجيس
البارحه بالليل نومي هــواجيــس ................ ما طــب في عيني لـذيذ المنامي البال ضايق والمشاعر محـابيـس ................ وبوح القلم يادوب يكتب إبهامي أخاف من زود الحكي والمباليـس ................ هــرج القفى يلحق علي الملامي وأنا عريب الساس زبن المدابيس ................ طيبٍ ورثته من خــوال وعمامي ضاري على كسب السعد والنواميس ................من خلقتي ما جيت درب الحرامي لا شك قول الصدق ما هو بتلبيس ................ يشهــد على ما اقول رب الانامي والكذب خيبه لـو يسيس بتأسيس ................ لا بـــدله يـــومٍ يطيـــح اللثــامي ومن لا يخاوي من هل الطيب فريس ................ ماله مع الاجـــواد قــدر ومقامي الطيب وهبه للمراجـــل عواسيس ................ ما حاشها يا كود حرن قطـــامي يارب جانبني ظنــون العـــوابيس ................ وجعــل حياتي في نعيم وسلامي اخوكم الشاعر فهد البقمي |
رد: البارحه بالليل نومي هواجيس
والنعم والله يالسمي
وافي ونصك وافي لبى قلبك قافية تطرب القاريء وابيات جزله ومحكمة لا يكتبها الا شاعر بقيمة فهد البقمي تحياتي يالسمي |
رد: البارحه بالليل نومي هواجيس
ماشآء الله
صح لسآنك ملايين فهد ابدعت الله يحفظك يآرب |
رد: البارحه بالليل نومي هواجيس
تبقى ي فهد ثامر البقمي
ويبقى لك مراكبٍ ترسي على شواطئ بحر الابداع فصح لسانك مدا الحياه وربي يحفظك ويرعاك تحيات وتقدير اخوك سعيد القحطاني وفي أمان الله |
رد: البارحه بالليل نومي هواجيس
ما عليك زود والوفاء انت راعيه صح بدنك والجزل مرورك يا سمي |
رد: البارحه بالليل نومي هواجيس
صح بدنك اخي الماسه ولاهنتي |
رد: البارحه بالليل نومي هواجيس
صح بدنك اخي سعيد مدى الحياه ولاهنت |
رد: البارحه بالليل نومي هواجيس
البارحه بالليل نومي هــواجيــس
................ ما طــب في عيني لـذيذ المنامي البال ضايق والمشاعر محـابيـس ................ وبوح القلم يادوب يكتب إبهامي أخاف من زود الحكي والمباليـس ................ هــرج القفى يلحق علي الملامي وأنا عريب الساس زبن المدابيس ................ طيبٍ ورثته من خــوال وعمامي ضاري على كسب السعد والنواميس ................من خلقتي ما جيت درب الحرامي لا شك قول الصدق ما هو بتلبيس ................ يشهــد على ما اقول رب الانامي والكذب خيبه لـو يسيس بتأسيس ................ لا بـــدله يـــومٍ يطيـــح اللثــامي ومن لا يخاوي من هل الطيب فريس ................ ماله مع الاجـــواد قــدر ومقامي الطيب وهبه للمراجـــل عواسيس ................ ما حاشها يا كود حرن قطـــامي يارب جانبني ظنــون العـــوابيس ................ وجعــل حياتي في نعيم وسلامي فهد اقسم قسم انها من اروع القصائد وجزله من راس جزل بيض الله وجهك وسلمت يدينك وجعل يدينك ماتمسها النار واحلا تقييم +++ |
رد: البارحه بالليل نومي هواجيس
الاروع والاجزل مرورك الكريم اختي مشاعر ولا يهونون من سبقوك كلكم خير وبركه وتسلمين ولاهنتي |
رد: البارحه بالليل نومي هواجيس
كفو يا ابو ثامر شاعر بمعنى الكلمه
واقول الله يصح لسانك واقول ايضا امين يا رب تحياتي وخالص تقديري |
| الساعة الآن 01:39 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
