|
انا يوم اسير صوبكم يا لطيف الروح
انا يوم اسير صوبكم يا لطيف الروح=ترى ماهي بحشمه وقدرن لشيبانك كلام الصراحه خابره مطلب ومسموح=وانا جيتي ما كانت الا على شانك اخاوي نجوم الليل واسري بليا ضوح=ولا عاد احس الا وانا عند بيبانك لعبي زماني لعبت القيس فوق اللوح=وبين لي اني ضيف من حال ضيفانك تبسمت تومي له على المجلس المفتوح=وهو يحسب انها من تباشير وجدانك غريب" حداه الوقت لك ياحمام الدوح=يخاوي هلك ويثور في وجه عدوانك يجامل لجل يرضيك يا النادر المملوح=وهو كان ما يدنى يوقف بمعطانك خذيته عن العالم بهمسة غنج ومزوح=وبيحت سده عند ربعه وربعانك يهوجس بذكر اسمك ولو خاطره مجروح=ولا هان فيك تقول صح الله السانك اخوكم حسين كرعل |
رد: انا يوم اسير صوبكم يا لطيف الروح
اخاوي نجـوم الليـل واسـري بليـا ضـوحولا عــاد احــس الا وانـــا عـنــد بيـبـانـك
صح لسانك واعتلى شانك قصيده جميله اعجبني فيها اكثر من بيت ربي يحفظك تقبل مروري وتقيمي |
رد: انا يوم اسير صوبكم يا لطيف الروح
ارحب يبو علوش أنورت وأسفرت
وصح الله لسانك الحقيقه انا سعيد بوجودك بهذا المنتدى وانت شاعر ومعروف تقبل تحيات وتقدير اخوك سعيد ولاهنت |
رد: انا يوم اسير صوبكم يا لطيف الروح
ارحب ارحب بعد الغيبه .. صح الله لسانك على النص الجزل سبق وان قرأت هذا النص واستمتعت به .. بيض الله وجهك على كل حرف .. تقبل تحياتي لشخصك الكريم
|
رد: انا يوم اسير صوبكم يا لطيف الروح
صح لسانك يالغالي
ونبي جديدك لاهنت تحياتي |
رد: انا يوم اسير صوبكم يا لطيف الروح
اقتباس:
صح الله بدنك والله لايهينك على التقييم والاطراء الذي يثلج الصدر دمتي بحفظ الرحمن |
رد: انا يوم اسير صوبكم يا لطيف الروح
اهلا بالغالي
تبطي وتجيب الجزل للامانه انا من المعجبين بشعرك ، فانت شاعر جزل ، وابياتك فيها السبك والحبك وتلامس الوجدآن... لا عدمنا تواجدك الثري يالخوي، تحياتي لك... |
رد: انا يوم اسير صوبكم يا لطيف الروح
بيض الله وجهك ياخوي
انت شاعر ومايحتاج شهادتي فيك مجروحه ونعم الشاعر والشنب لاهنت |
رد: انا يوم اسير صوبكم يا لطيف الروح
اقتباس:
الله لايهينك وان سعيد بوجودك في هذا الصرح الشامخ الف لاهنت وصح الله بدنك وقلبك يالغالي تحياتي لك |
رد: انا يوم اسير صوبكم يا لطيف الروح
اقتباس:
الجزاله لاتكتمل الا بحضور اصحابها مثلك ومثل شرواك وجهك ابيض ومشكور على الترحيب والاطراء الذي يزيدني فخر دمت بخير |
| الساعة الآن 09:57 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
