|
بديت بذكر خلاق البريه
السلام عليكم ورحمة الله وبركاته قصيده مجاراه لقصيدة إختنا ترانيم المطر عسى أن تنال على إعجابكم بديت بذكر خلاق البريه ............. عظيم الشــان علام الخفيه إلاهٍ كلبونا تحت ملكـــه ............. عبادن نعبده صبح وعشيه ومن بعده نويت أكتب وأعبر ............. أعبر عن هجوسن داخليــه أببدع في معانيها وأجاري ............. سمان الهرج في بيوتٍ قويه ألآ يا مرحبا ترحيب وافي ............. مشاعر طيب من روحٍ نقيه على اللي كلها خير وأكثر ............. فرحنا والفرح ساعة مجيـه ترانيم المطر بنت الحمايل ............. لها قــــدرن وعز وقابليـــه إخوك إليا بدى بالطيب رحب ............. تراحيبن يرحــــبك يا خيــه على وضح النقاء والعز دايم ............. جمعنا ربنا جـــزل العطيــه جمعنا في محلن نفتخربـــه ............. تحت إسمن ينومسنا سميه سمي الطيب والنادر بجيلـه ............. ملك كل الحروف الأبجديــه ملك إبداع في شعره مثايــل ............. مثايل شاعرن راعي سجيه محمد بن فطيس اللي نعرفه ............. كسبها فالصفوف الأوليـــه ولا به شك والحاصل حقيقه ............. مثبت والحـــقيقه عالميـــه ما دام إنا تـــواجهنا معـــزه ............. وفينا روح طيب ومعنويــه أهني كــــل رجــلن قرم فينا ............. وأهني كل قرمه وأجـــوديه عسى ربي يــوفقنا لخيـــره ............. ويبعد عننا شــــر وأذيــــه ويوفق بيننا إبو مشـــــاري ............. وكل اللي معـــــه للأفضليه على خير وتقــدم مع حفاوه .............وعلومن غانمه وأيضا جليه وختام القول صلى الله وسلم .............على خير البشر وأفضل نبيه نبي الحــــق ســــيدنا محمد ............. رســول الله بِِعث للبشريـــه |
رد: بديت بذكر خلاق البريه
ارحب ي فهد يالله انك تحيه وماجابه بيض الله وجهك
على هالمجاراه وكان ودي ذكرت عنوان ألقصيده كي تفاعلوا الاخوان والخوات معها عزالله انك ابيض وجه وصح لسانك يانهر الشعر الجاري تقبل تحيات واتقدير اخوك سعيد ولاهنت يبطل |
رد: بديت بذكر خلاق البريه
صح لسانك ياااخوي فهد
مبدع ومميز ياغالي الله يعطيك العااافيه تحياتي لكـ |
رد: بديت بذكر خلاق البريه
صح الله لسانكـ
لاهنت فهد ... |
رد: بديت بذكر خلاق البريه
شاعر الإبداع والتميز
سعيده بأن تكون المجاراه لمتواضعتي أتت من شاعر بمستواك الشعري أنني فخوره بأن جاراني علم من أعلام الشعر الاصيل توقف قلمي وأبي أن يعلن مدى ما به من فرح لهذه المجاراه التي آاتت كأنها نسمه تتهادي ليرتوي من شذاها كل من مرت به فيحق لها الزهو والفخر فهذه النسمه يقف خلفها فهد بن ثامر البقمي لله درك من شاعر يعبق بطيب الاصاله تقبل تحيتي وتقديري ودمت بود أختك ترانيم |
رد: بديت بذكر خلاق البريه
ماشااااء الله صح لسانك فهد
مجاراه راااائعه ومايستغرب منك هذا التميز عنوانك دائما الله يحفظك ياااارب |
رد: بديت بذكر خلاق البريه
صح لسسانك يالقرم
شاعر جميل واحساس رائع ولاهانت اختنا العزيز ترانيم المطر اخجلتونا بهذا الشعور الطيب وهذا لا يستغرب عليكم أهل طيب وواجب واسأل الله انه يجملنا امامكم تستحقون اكثر من المرور والثناء أسال الله ان لا يحرمكم التميز دائماً لاخليت من هذا الكرم أخوكم ابو مشاري |
رد: بديت بذكر خلاق البريه
بيض الله وجهك اخوي فهد
وماعليك زود انت من اكبر الشعراء وانت مكسب للمنتدى يالغالي وعسانا مانخلى من ومن الرجال شرواك تستاهل التقييم+++ |
رد: بديت بذكر خلاق البريه
فهـــــــــــد
صح منطوقكـ ونبض قلبكـ على دمت ودام بوحك ونزف قلمك هالابياات 0 |
رد: بديت بذكر خلاق البريه
أبوثآمر
صح لسآنكـ وآعتلى شآنكـ مجآرآة قمة في آلابدآع وآلجزآلة تقبل مروري آلمتوآضع آخيكـ |
| الساعة الآن 02:30 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
