الملتقى الجماهيري للشاعر محمد بن فطيس المري - طـرقــت بــاب الهـــوى وانا على النـّيه

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - طـرقــت بــاب الهـــوى وانا على النـّيه (http://www.m-f6es.com/vb/showthread.php?t=12738)

طـرقــت بــاب الهـــوى وانا على النـّيه

طـرقــت بــاب الهـــوى وانا على النـّيه
وانا دروب الهـــوى جــاهـــل مبــاديها
قلـــت اتعلــم وربـــي يدمــــح الســـيه
وانا محــافــظ علــى السنـّه واصلــيها
وما دامــت النفــس مامــوره ومنــهيه
طبيت ســوق الغــلا وارقـب حراويها
لمحــت بنت عليـــها وصـوف حوريه
سبحـــانه اللـــي مــن ابداعه محليها
والشــامه اللـــي يمــين الخــد بشويه
تتل روحــي وفـــرت مـــن محـانيها
عينــي غــدت بيــن هــاذيه وهـــاذيه
عجزت اقــر النظـر في لون اشافيها
بيـض الثنــايا وحمــر شفـــاه ورديه
الثلــج والجـمـــر شفتـه مجتمـع فيها
سـألــت عنهــا وقــالوا لــي كــويتيه
من دار جابر عسى الوسمي يساقيها
من نجد نمشي ومرواحي على الفيه
وادلـّـه الــروح بـابيـــاتي واسلــيها
وامر بالــدرب خـــط لابـوحــدريه
ويشــدني حبــها لحـــدود اراضيها
ميــه وستيــن واتعــدى النعـــيريه
واقيـّـم الــوقت للخفجــي واسريها
وادخل حدود الكويت وكلهـا شويه
متــوجــه للــديــار اللــي مـهاويها
واشـوفهـا شـوفتن مـا هـي بجبريه
الا برضــاها عسى غيري فداويها
ما شفتها في حياتي في السعـوديه
ولا ودّهـت للمطـــايا فــي مفاليها
وانا سعــودي وحبــــي للكـويتيه
يرخص لها القلب لين الله يسويها
وانا ولــد روق والعـــزوه عتيبيه
قبيلـتن فالمـــواقف مـــن يجاريها
0000
الشاعر نايف الروقي