قبل تسرق سروري والسعد من عيوني
 

بسم الله الرحمن الرحيم

أحبائي الأعزاء السلام عليكم ورحمة الله وبركاته
اسعد الله جميع اوقاتكم بالخير والمسرات ابيات متواضعه
امل ان تعجبكم

يابداية شقاى ويا عناي ونفادي
........... حضنا طاح كان الله بعونك واعوني

ماتهيا مناك ولاتحقق مرادي
.......باقطع الياس دونك وقطع الياس دوني

مابغيت الموادع يامضنة فوادي
........... لا تظن ان دموعك عند مثلي تهوني

ماجفيتك ولكن قدر الله ورادي
......................الزمن ضدنا ولا عينا يموني

من سنه تسعه وتسعين والعيد عادي
....... يمضي العيد مال العيد طعمن ولوني

شوفتي لك بذيك الساعه اخر عيادي
........يوم حضي لفى بالعيد وأهلك نفوني

قبل بيحة خفاي وقبل عثرة جيادي
.....وقبل تسرق سروري والسعد من عيوني

ماهويتك لكنك صرت شربي وزادي
................. كل شيٍ يهون الا الغلا مايهوني

دوك شعري عليك أهيم في كل وادي
....من نظرني درى اني في مراحل جنوني

تدري اني أعاني غربتي في بلادي
......بين ربعي وكني خلف باب السجوني


وسلامتكم

رد: قبل تسرق سروري والسعد من عيوني
 

من سنه تسعه وتسعين والعيد عادي
....... يمضي العيد مال العيد طعمن ولوني

شوفتي لك بذيك الساعه اخر عيادي
........يوم حضي لفى بالعيد وأهلك نفوني

قبل بيحة خفاي وقبل عثرة جيادي
.....وقبل تسرق سروري والسعد من عيوني

ماهويتك لكنك صرت شربي وزادي
................. كل شيٍ يهون الا الغلا مايهوني

دوك شعري عليك أهيم في كل وادي
....من نظرني درى اني في مراحل جنوني

تدري اني أعاني غربتي في بلادي
......بين ربعي وكني خلف باب السجوني

الله الله الله الله الله يا سعيد
صح الله لسانك وعتلا شانك
لله درك ابداع وجزاله مخبوره من شاعر مثلك وشرواك
والشاهد الله أني شليت بها الصوت على الطرق الجنوبي
تسلم ويسلم فكرك وبنانك واقوى أقوى تقيم++++++++++++++++++=

رد: قبل تسرق سروري والسعد من عيوني
 

سعيد اقولةةةةـا مليون مرا انت مبدع صح لسانككٓ
ودي حلمٓ

رد: قبل تسرق سروري والسعد من عيوني
 

توووووو ما ضبط الجووو عندي

اليوم خميس وغيم وامطااااار وزود عليها قدامي قصيده لأخوي سعيد القحطااني

وشايلها شيله واغنيها من زود الطرب ومن جمال الابيات ومعانيها

تسلم يمينك اخوي سعيد على الطرح الجزل والوافي

ولاهنت

رد: قبل تسرق سروري والسعد من عيوني
 

تدري اني اعاني غربتي في بلادي = = = = بين ربعي وكني خلف باب السجوني
رووووعه هذا البيت لحاله عن قصيدة راق لي جدا جدا هذا البيت لما يحمل من
معاني تعبيريه جزله ولايستغرب الجزاله من شاعرن مثل شاعرناسعيدبن محمد
صح لسانك خوي سعيد قصيدة في معانيها تحفه تستحق التقييم تحاياي الصادقه اخوك
ابومشهورالصايغ

رد: قبل تسرق سروري والسعد من عيوني
 

رد: قبل تسرق سروري والسعد من عيوني
 

حلم اهلا وسهلا فيك شرفتي بمرورك
وحضورك العذب تحياتي لك ولاهنتي

رد: قبل تسرق سروري والسعد من عيوني
 

ماجد اشيباني الجوووو عندكم يأهل الرياض جميل
مشالله اول مره اجي الرياض وجوها ربيعي
شكرًا لك اخي ماجد جمل الله حالك شكرًا
لك مرة اخرى ولاهنت

رد: قبل تسرق سروري والسعد من عيوني
 

سعيد صح لسانك عداد بلا مداد
قصيده روعه تسلم يدينك اخوي

رد: قبل تسرق سروري والسعد من عيوني
 

ابو مشهور جعلك تسلم وافي. ياخوي
صح بدنك ولاعدمتك تقبل تحيات
اخوك سعيد ولاهنت