|
ليه الفجر صمته ومنظر شروقه؟؟؟؟؟؟؟؟؟
السلام عليكم ورحمة الله وبركاته متواااضعة كل الآمل لها ان ترتقي للذائقة اتقبل النقد بكل رحابة صدر ليه الفجر صمته ومنظر شروقه ......................كنه يقول البارحة وش عناها؟! لامسا جريح الشوق يجمع فتوقه ......................ثمن غلبه النوم وأصبح علاها يحن صدره من جراوة خفوقه .....................لا شاف محد(ن) لدّ فيه وبراها وحيد ماله غير نبض أفـ/عروقه ........................يذّكره باللي جلس في حراها بنت النخيل إللي روات(ن) عذوقه ..............وبنت السحاب إللي بياض(ن) نواها كل يوم يأتي من غرامه وشوقه ...............أرض(ن) عليها لمحة(ن) من حلاها علهّ يشوف البارق إللي حقوقه .....................يقبل بها غيمة وصدره سماها وتسقي مرابع ذكرها في حدوقه .................لين الضلوع إللي عثت في حشاها يدري بها راحت وكنها سروقه ......................لكن لها شي(ن)يطرّي غلاها إللي خذت ما تحت حلقه وفوقه ....................أربع حواس وقلب يرثي جفاها كنّه عما ماله سويق(ن) يسوقه ....................وأذنه تفطّر من رغاوة صداها وتمر خشمه فايحات(ن) نشوقة .......................ويصّد عنها ما يهمه شذاها حتى لسانه ما يميز بذوقه ......................من كثرة أدمانة زقاير هواها حسبه ومقدوره بجرة طروقة .................لا هاض من دوح الحمام وغناها تاخذه من طوقه هنا...لين طوقة ...................وتحوس رمت حيلته لا ثواها وشهو جداه إن كان ماهي شفوقه ..................وشهو جزاه إن كان هذا جداها لوهي لحقها من شقاته لحوقه .................ما شفت رجله وارمه من حفاها ولو هي درت بآخر وبكبر فتوقه ....................ما شفت عينه تنحرم من كراها علّه بعد صبره توفى حقوقه ...............والا العشم باقي يا علّ وعساها وسلامتكم وسلامة قلوبكم ونواظركم عامر صالح ال شنيف |
رد: ليه الفجر صمته ومنظر شروقه؟؟؟؟؟؟؟؟؟
ماشاء الله
صح لسآنك عامر ابداع ابداع ابداع بلا حدود مميز شاعرنا الله يحفظك ويحميك يارب |
رد: ليه الفجر صمته ومنظر شروقه؟؟؟؟؟؟؟؟؟
ليه الفجر صمته ومنظر شروقه
......................كنه يقول البارحة وش عناها؟ الله الله البيت على شكل صيغة سؤال رائع ابدعت واجزلت وهذا الاقتباس مايقلل بالقصيده كامله ياباصالح وصح السانك مليون وبيض الله وجهك تقديري وفائق احترامي |
رد: ليه الفجر صمته ومنظر شروقه؟؟؟؟؟؟؟؟؟
مالي الا ان اقف اجلالا لجمال ما اقرأ حقيقه ياعامر فلله در هذا الانفراد بالجمال فصح ربي لسانك مدد لايحصى وانا حقيقه ارتويت شعر وكفى عذب التحايا |
رد: ليه الفجر صمته ومنظر شروقه؟؟؟؟؟؟؟؟؟
( اللـــــه اللــــــه ) - - هنا للابداع اشراقيه - - من درر شاعرنا الراقي عامربن صالح ال شنيف - -
والحديث له مذاقه الخاص ومهما - -تكلمت - - فلن ولن اوفي لذلك الشاعر - المبدع من الكلام حقه لااملك هنا الا ان اقول صح لسانك - - - شاعرنا القدير - - ننتظر- - بكل شوق - ابداع من ابداع |
رد: ليه الفجر صمته ومنظر شروقه؟؟؟؟؟؟؟؟؟
رائع و جميل بـ عبيق الريف و نخيله
و بـ هدوء أصوات الهديل عذب عذب عذب ما شاء الله تبارك الله صح لسانك أمتعتنا أيها العذب إن أذنت لي أخي عامر بملوحظةٍ صغيره هناك بيت أنتقدت فقط إختيار مفردته و هو حتى لسانه ما يميز بذوقه ......................من كثرة أدمانة زقاير هواها لعله أجمل لو قلت ( لـ زهرة هواها) فـ الزهره تشبيه أنثوي أكثر و يلائم الأنثى أكثر و لا يضر إن قلنا إن قلنا لرائحة الورود مدمنيها أما الدخان يجب أن نمقته حتى في أشعارنا تلك فقط ملحوظتي البسيطه سلمت يداك أيها العذب فقد أرويت قارئيك شعراً |
رد: ليه الفجر صمته ومنظر شروقه؟؟؟؟؟؟؟؟؟
وعليكم السلام ورحمة الله وبركاته
يا مرحبا بك وارحب تراحيب المطر صح السانك يابو صالح ولا هنت عذوبه جزاله وصف دقيق وفيها الجمال طاغي اقدر اسميك مرهم للجروح بيض الله وجهك تقديري ووآآآآآفر احترامي |
رد: ليه الفجر صمته ومنظر شروقه؟؟؟؟؟؟؟؟؟
عامر تسلم يدينك من كل شر
رائع ورائع ورائع لك احلا تقييم |
رد: ليه الفجر صمته ومنظر شروقه؟؟؟؟؟؟؟؟؟
ماشاء الله عليك صح لسانك ولاهنت
|
رد: ليه الفجر صمته ومنظر شروقه؟؟؟؟؟؟؟؟؟
عامر الشنيف صصصصح لسانك ..
إذا ابهجة من قرائها فكيف ينقد عليها .. تقبل تحياتي .. |
| الساعة الآن 02:30 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
