|
ابيات لها موضوع ,,
بسم الله الرحمن الرحيم ,,
السلام عليكم ورحمة الله,, اسعد الله جميع اوقااتكم بكل خير وكل سعااده وسرور ,, اقدم لكم سالفه قديمه وفيها ابيات ,, بس بقولها بطريقة كلامنا ماهوب بالكلام المتطور [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ,, يوم من الايام اتفقنا انا ومعي اثنين من الاصحاب نبي نقنص الحاصل كنا كلنا في دوامات ,, الكلام هذى كان يوم الاثنين قلت انا ان شاء الله بطلب اجازه من الاربعاء وان بغيتو نمشي مشينا واحد عسكري قال مقدر الخميس والجمعه عندي استلام ,, خلوها من السبت وخلاف الحاصل قلنا خير طلبت اجازتي اسبوعين ويوم الاربعاء رحت للرياض كان عندي مراجعه في مستشفى العسكري حق الامير سلطان ( رحمه الله ) ويوم رجعت الجمعه ليلة السبت ليني تعبان شوي القلب ماهوب مظبوط وانجبرت ادخل المستشفى وقلت لواحد من خواني كلم الربع نخيلي المراح الاحد او الاثنين ان شاء الله اذا طلعت طبعا الاجازه طويله واحد 18 يوم والثاني الظاهر انه اكثر المهم ودق على واحد سلاام عليك علومك قال والله يالعلوم زينه حناا مشينا واستعجلنا وعلم خالد يعذرنا المهم قال خالد تنوم والله يسهل عليكم وان شاء الله يبي يكلمكم المهم ماصحيت غير الثلاثاء في الليل يوم صحيت لين عندي ابو فهد خالي ,, وعلمني بالي صار متى دخولي وكل شي المهم قلت له لاجيت بكره عطني جوالي معك ,, جاء بكره كلمت الربع علومكم ولينهم بخير والحمد لله ولاعليهم خلاف ومسعين خواطرهم بس الي زاد ضيقة بالي انهم ماعلومني يوم مشو ولا كلموني بشي المهم قضيت الاجازه في التنويم يوم دقيت ليل الاربعاء الاخير من الاجازه لين الربع في الرياض معودين والمصيبه الكبرى انهم مارين علي ولاواحد زاورني ولاكلمني الحاصل كان ابو فهد مرافق معي وتهيض مدري اغتاض صدري وكتبت الابيات هاذي ,, وكلي امل ان تحوز على رضاكم ,, شاب الظلام ونجمة الصبح بانـت=وانـا عزايـه فالعيـون وكراهـا يابو فهد عيني من السهر عانـت=الخـوف كلـه لايسبـب عماهـا حال ٍ قضى صبره والاعصاب لانت=ونفس ٍ كواها اليأس وأخلف رجاها لو الليال السـود دارت وشانـت=هقواتنـا فالطيـب نبعـد مداهـا انفوسنا بالجـود والعـز صانـت=ورث الجدود الـي كـرام ٍ لحاهـا في رفقة الطيب ولـو مأستبانـت=نرخص له الجزله ونعرف جزاهـا وأهل الردى لو فالسلوم استهانـت=ماهمنـا جعـل الزمـان يحداهـا ياخوة ً بالطيـب والعـرف كانـت=مثل الجبال الـي عوالـي حجاهـا خوه على التقديـر كلـه ودانـت=صوب الشهامه والمروه صخاهـا اليوم فيها الميل واضـح وطانـت=بان الجفاء منها وفاخـت وفاهـا لاهان راسي كان الاصحاب هانـت=يوم الزمان الشيـن بيـح خفاهـا يابو فهد لو قلـت مانـي بقانـت=نعرف حقوق اصحابنا وانحماهـا والي على ثنو المواقيـف ثانـت=يبقى على راسي وعينـي غلاهـا وسلامة نواظركم وقلوبكم ,, خالد العبيريد . |
رد: ابيات لها موضوع ,,
لــــو الـلــيــال الــســـود دارت وشــانـــت هـقــواتــنــا فـالــطــيــب نــبــعـــد مــــداهــــا انـفـوسـنــا بــالــجــود والـــعـــز صـــانـــت ورث الــجــدود الــــي كــــرام ٍ لـحــاهــا فـــي رفـقــة الـطـيـب ولــــو مأسـتـبـانـت نـرخـص لـــه الـجـزلـه ونـعــرف جـزاهــا وأهــل الــردى لــو فالسـلـوم استهـانـت مـاهــمــنــا جـــعــــل الـــزمــــان يــحــداهـــا خالد العبيريد تقديري لااحرفك ولاهنت خيي قصة وقصيدة من احلي ماوجدت قدرك كبير وطبت وطاب قولن كتبتة وسلامتك من كل شئ يصيبك وماتشوف شر ابدودمت ودامت احرفك ماعهدنا منك الا علي الطيب وحضورك الراقي وهذة هي الدنيا لولاالمواقف ماعرفنا قدرالاصحاب اعتلاشانك ودمت بسعادة تقيمي لسموك |
رد: ابيات لها موضوع ,,
والله ماعليهم شرهه
صح لسانك وجعلك ماتشوف شر الله يلبسك ثوب الصحة والعافيه اللهم امين سَـلامٌ عَلى الدُّنْيـا إِذَا لَمْ يَكُـنْ بِـهَا صَـدِيقٌ صَدُوقٌ صَادِقُ الوَعْدِ مُنْصِفَـا ( الإمام الشافعي ) |
رد: ابيات لها موضوع ,,
ياهلا يالفلوه حيااك ربي ,,
عسساني ماخلا منك ومن كلامك الطيب وبلا شك لولا الظروف مابانت الاصاحيب ,, صح كلك ودمتي على أحسسن حال وسعااده دايمه طال عمرك ,, اشكرك كل الشكر على حضورك المضئ وتعليقك الطيب طاب حالك . |
رد: ابيات لها موضوع ,,
لاهان راسي كان الاصحاب هانـت
يوم الزمان الشيـن بيـح خفاهـا يابو فهد لو قلـت مانـي بقانـت نعرف حقوق اصحابنا وانحماهـا والي على ثنو المواقيـف ثانـت يبقى على راسي وعينـي غلاهـا ياسلام ياسلام الحمدلله على سلامتك يالامير وتسلم على القصه والقصيده الرائعه مبدع مبدع يابن العم ولاهو غريب عليك الابداع والله يسامح اصحابك ممكن غلطه وعدت حاول تلتمس لهم عذر هههه |
رد: ابيات لها موضوع ,,
مريه والكبر لله حياك الله ,,
صح كلك ولاهننتي ودمتي في خير وسعااده دايمه طال عمرك ,, كل الشكر والتقدير لك ولحضورك المضئ وتعليك بارك الله فيك . |
رد: ابيات لها موضوع ,,
حيااك الله يابن العم فزاع ,,
صح قلبك وكلك ولاهنت يالغاالي والعذر مايفيد مثل ماقال شليويح العطاوي الله يرحمه ,, وقت الشدايد ماتفيد المعاذير ,, دمت بخير واحسسن حال يالغالي ولك شكري وتقديري . |
رد: ابيات لها موضوع ,,
صح لسآانك خآلد
والله يمتعك بالصحة والعافيه ويحفظك يآرب قصة وقصيده توجع وربي لابارك الله بالخوي اللي يسوي هالسوات |
رد: ابيات لها موضوع ,,
اقتباس:
العفو جزاك الله خير |
رد: ابيات لها موضوع ,,
وربي ياخالد ان هذي الابيات بعشرين قصيده
لاهان راسي كـان الاصحـاب هانـت0يــوم الـزمـان الشـيـن بـيـح خفـاهـا يـابـو فـهـد لــو قـلـت مـانـي بقـانـت0نعـرف حقـوق اصحابـنـا وانحمـاهـا والـي عـلـى ثـنـو المواقـيـف ثـانـت0يبقـى علـى راسـي وعيـنـي غـلاهـا صح الله لسانك حتى ترضى شاعر ولافيه شك في شاعريتك كبير والكبير الله |
| الساعة الآن 12:24 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
